ବ୍ରହ୍ମପୁର ବଡ଼ ବଜାରରେ ଏକ ବ୍ୟବସାୟିକ ପରିବାରରେ ଜନ୍ମହୋଇ ଚିକିତ୍ସା ବିଜ୍ଞାନ କ୍ଷେତ୍ରରେ ନିଜକୁ ନିୟୋଜିତ କରିବା ପାଇଁ ପିଲାଟିବେଳୁ ଆଶା ବାନ୍ଧିଥିଲେ। ମେଧାବୀ ଓ ଉଚ୍ଚାକାଂକ୍ଷୀ ଥିବା ତିରୁମଲ ସମୟକ୍ରମେ ବିଜ୍ଞାନ ଏବଂ ଆଇନରେ ଉଚ୍ଚଶିକ୍ଷା ଶେଷ କରିଥିଲେ। କିନ୍ତୁ ପାରିବାରିକ ବ୍ୟବସାୟରୁ ନିଜକୁ ଦୂରେଇ ନ ପାରି ଶେଷରେ ବାପାଙ୍କୁ ସହଯୋଗ କରିବାର ମନସ୍ଥ କରିଥିଲେ। ସେଦିନର ନିଷ୍ପତ୍ତି ପାଇଁ ଆଜି ଜଣେ ସଫଳ ବ୍ୟବସାୟୀ ଭାବେ ନିଜକୁ ପରିଚିତ କରାଇ ବେଶ୍ ସୁନାମ ଅର୍ଜନ କରିଥିବା ଶ୍ରୀଦୁର୍ଗା ରିଟେଲ ପ୍ରାଇଭେଟ୍ ଲିମିଟେଡ୍ର ପରିଚାଳନା ନିର୍ଦ୍ଦେଶକ (ଏମ୍ଡି) କୋଟନୀ ତିରୁମଲ କୁମାରଙ୍କ ସହ ଧରିତ୍ରୀର ସ୍ବତନ୍ତ୍ର ଆଳାପ …
ପ୍ର- ପ୍ରତିଯୋଗିତାମୂଳକ ବଜାରରେ ବ୍ୟବସାୟିକ ଯାତ୍ରା କିଭଳି ରହିଛି?
ଉ- ପ୍ରତିଟି କ୍ଷେତ୍ରରେ ପ୍ରତିଯୋଗିତା ନ ରହିଲେ ଯେକୌଣସି ଯାତ୍ରା ସୁଗମ ଏବଂ ସଫଳ ହୋଇ ନ ଥାଏ। କାରଣ ପ୍ରତିଯୋଗିତା ହିଁ ମନୋବଳକୁ ଦୃଢ଼ ଓ ସଶକ୍ତ କରିଥାଏ। ଏପରିକି ଏଥିରୁ ନୂଆ ଦିଶା ମିଳେ ଏବଂ ମନରେ ଉତ୍ସାହ ଆଣେ। ସେହିପରି ବ୍ୟବସାୟ ଅଭିବୃଦ୍ଧିରେ ପ୍ରତିଯୋଗିତା ଏକ ମାନଦଣ୍ଡ ହୋଇଥିବା ବେଳେ ବ୍ୟବସାୟୀର ଉପସ୍ଥିତି ଓ ସାମର୍ଥ୍ୟକୁ ଏହା ଏକ ପ୍ରକାର ବଳ ଯୋଗାଇଦେଇଥାଏ।
ପ୍ର- ଆପଣଙ୍କ ବ୍ୟବସାୟର ବିଶେଷ ମୂଲ୍ୟବୋଧ କ’ଣ ରହିଛି?
ଉ- ବ୍ରହ୍ମପୁରରୁ ଆରମ୍ଭ ହୋଇଥିବା ଶ୍ରୀଦୁର୍ଗା ଇତିମଧ୍ୟରେ ୫୦ରୁ ଅଧିକ ବର୍ଷ ଅତିକ୍ରମ କରିସାରିଲାଣି। ଗତ ୧୦ବର୍ଷ ମଧ୍ୟରେ ଆମେ ଭୁବନେଶ୍ୱରରେ ଦୁଇ ଦୁଇଟି ଷ୍ଟୋର ଖୋଲିପାରିଛୁ। ଏହା କେବଳ ହେଉଛି ଆମ ପ୍ରତି ଥିବା ଗ୍ରାହକଙ୍କ ଭଲପାଇବା ଓ ବିଶ୍ୱାସ। ସେହିଭଳି ଗ୍ରାହକଙ୍କୁ ଆମେ ଟ୍ରେଣ୍ଡିଂ ଷ୍ଟାଇଲ୍ ସହ ୟୁନିକ୍ ଡିଜାଇନ ଏବଂ ଗୁଣାତ୍ମକ ଉପତ୍ାଦ ଓ ସର୍ଭିସ୍ ଯୋଗାଇଦେଇଥାଉ। ଶ୍ରୀଦୁର୍ଗାରେ ପୁରୁଷ, ମହିଳା ଏବଂ ପିଲାମାନଙ୍କ ପାଇଁ ଭିନ୍ନ ଭିନ୍ନ ଡିଜାଇନ ଓ ବ୍ରାଣ୍ଡ୍ର ପ୍ରାୟ ସମସ୍ତ ପ୍ରକାର ପୋଷାକ ରହିଥିବା ସହ ଗୃହୋପଯୋଗୀ ଆସବାବ ସାମଗ୍ରୀ ମଧ୍ୟ ସୁଲଭ ମୂଲ୍ୟରେ ଉପଲବ୍ଧ। ଶ୍ରୀଦୁର୍ଗା ଷ୍ଟୋର୍ର ବିଶେଷତ୍ୱ ହେଉଛି ଏହାର ୟୁନିକ୍ ଶାଢ଼ି କଲେକ୍ସନ। ସାରା ଦେଶର କୋଣ ଅନୁକୋଣର ବିଭିନ୍ନ ପ୍ରକାର ଶାଢ଼ି ଶ୍ରୀଦୁର୍ଗାର ସମସ୍ତ ଷ୍ଟୋରରେ ବେଷ୍ଟ୍ କ୍ୱାଲିଟି ସହ ଉଚିତ ମୂଲ୍ୟରେ ମିଳୁଛି।
ପ୍ର-ଶ୍ରୀଦୁର୍ଗାର ଆଗାମୀ ସମ୍ପ୍ରସାରଣ ଯୋଜନା କିଭଳି ରହିଛି?
ଉ-ପ୍ରତିଯୋଗିତାମୂଳକ ବଜାରରେ ଶ୍ରୀଦୁର୍ଗାର ଉପସ୍ଥିତିକୁ ଜାହିର କରିବା ସହ ଲୋକପ୍ରିୟ ରିଟେଲ ଷ୍ଟୋରର ମାନ୍ୟତାକୁ ବଜାୟ ରଖିବା ଏବଂ ବ୍ୟବସାୟିକ ବୃଦ୍ଧି ପାଇଁ ସମ୍ପ୍ରସାରଣର ନିହାତି ଆବଶ୍ୟକତା ରହିଛି। ଚଳିତ ବର୍ଷ ଆମେ ଭୁବନେଶ୍ୱର ସମେତ ଓଡ଼ିଶାର ପ୍ରମୁଖ ସହର ଏବଂ ଆନ୍ଧ୍ରପ୍ରଦେଶରେ ମଧ୍ୟ ରିଟେଲ ଷ୍ଟୋର ଓ ଆଉଟ୍ଲେଟ୍ ଖୋଲିବା ଯୋଜନା କରୁଛୁ ଏବଂ ସାରା ଭାରତରେ ଆମେ ଆମ ବ୍ରାଣ୍ଡ୍ର ଉପସ୍ଥିତି ସହ ଦେଶର ପ୍ରମୁଖ ସହରରେ ଶାଖା ଖୋଲିବାକୁ ଆଶାୟୀ ଅଛୁ।
ପ୍ର- ଗ୍ରାହକ ସନ୍ତୁଷ୍ଟିକୁ କିଭଳି ଗୁରୁତ୍ୱ ଦେଇଥାନ୍ତି?
ଉ-ଆମ ପାଇଁ ଗ୍ରାହକ ହିଁ ଈଶ୍ୱର। ତେଣୁ ଗ୍ରାହକମାନଙ୍କ ପ୍ରତି ରହିଥିବା ଉତ୍ତରଦାୟିତ୍ୱଗୁଡ଼ିକୁ ତୁଲାଇବା ପାଇଁ ଆମେ ସର୍ବଦା ପ୍ରତିଶ୍ରୁତିବଦ୍ଧ। ଏହି କ୍ରମରେ ଗ୍ରାହକ ସନ୍ତୁଷ୍ଟି ଏକ ମୁଖ୍ୟ ଅଂଶ। ସେମାନଙ୍କ ପସନ୍ଦ ଓ ଚାହିଦା ମୁତାବକ ଆମେ ସ୍ବଚ୍ଛ ସେବାକୁ ପ୍ରାଧାନ୍ୟ ଦେଇ ଗୁଣାତ୍ମକ ଉପତ୍ାଦ ଏବଂ ଉପଯୁକ୍ତ ମୂଲ୍ୟ ପ୍ରଦାନ କରିଥାଉ। ଫଳରେ ଜଣେ ଉତ୍ତମ ଗ୍ରାହକ ଆଉ ୧୧ଜଣ ଗ୍ରାହକଙ୍କ ଆଗମନର ମୂଳ କାରଣ ପାଲଟିଥାନ୍ତି। ଆମ ବ୍ୟବସାୟରେ ୧ ସହିତ ଏଗାର ହୋଇଥାଏ।
ପ୍ର- ବ୍ୟବସାୟରେ ତିଷ୍ଠିରହିବା ପାଇଁ ଅଫରର ଆବଶ୍ୟକତା ରହିଛି କି?
ଉ- ଏଥିପାଇଁ ଅଫରର ଆବଶ୍ୟକତା ନ ଥିଲେ ମଧ୍ୟ ଉପତ୍ାଦନକାରୀ(କମ୍ପାନୀ)ମାନେ ବିଭିନ୍ନ ସମୟରେ ଆମ ଜରିଆରେ ଅଫର ଘୋଷଣା କରିଥାନ୍ତି। ଫଳରେ ଅଫର ଉଭୟ ଗ୍ରାହକ ଓ କମ୍ପାନୀ ଦୂରତ୍ୱକୁ ନିକଟତର କରିଥାଏ। ଏହାଦ୍ୱାରା କାରବାର ମଧ୍ୟ ବୃଦ୍ଧି ପାଇଥାଏ ଏବଂ ଗ୍ରାହକଙ୍କ ଆବଶ୍ୟକତାକୁ ଅଫର ମାଧ୍ୟମରେ ପୂରଣ କରାଯାଇପାରିଥାଏ।
ପ୍ର- ଚଳିତ ଋତୁରେ ନୂତନ ଉପତ୍ାଦ ଏବଂ ଅଫର ସମ୍ପର୍କରେ କ’ଣ କହିବେ?
ଉ- ଆମେ ବିଶେଷକରି ଋତୁକାଳୀନ ବ୍ୟବସାୟକୁ ଅଧିକ ଗୁରୁତ୍ୱ ଦେଇଥାଉ। ବିବାହ ଋତୁ ଚାଲିଥିବାରୁ ଉଭୟ ବର, କନ୍ୟା ଓ ପରିଜନଙ୍କ ପାଇଁ ବ୍ୟାପକ ରେଞ୍ଜ୍ର ନୂତନ ଓ ଡିଜାଇନ୍ର ଉପତ୍ାଦ ଗ୍ରାହକଙ୍କ ପାଇଁ ଉପଲବ୍ଧ କରାଉଛୁ। ଖାସ୍ କରି ଏହି ସିଜନ୍ରେ ଆମେ ନୂଆ ନୂଆ ଟ୍ରେଣ୍ଡିଂ ଡିଜାଇନର ଶାଢ଼ି, ଲେହେଙ୍ଗା, ସାଲୱାର ସୁଟ୍, ସେରୱାନୀ ଓ କୁର୍ତ୍ତା ଉପରେ ଅଧିକ ଗୁରୁତ୍ୱ ଦେଇଛୁ। ଏଥିସହ ବିବାହ ସିଜନ୍କୁ ନଜରରେ ରଖି ପ୍ରେଷ୍ଟିଜ୍ ନାମରେ ଏକ ସ୍ବତନ୍ତ୍ର ଅଫରର ଶୁଭାରମ୍ଭ କରାଯାଇଛି। ଏହି ଅଫର ଜରିଆରେ ଗ୍ରାହକ ବର୍ଷକ ପାଇଁ (ବାର୍ଷିକ ସୁବିଧା) ୧୦% ବିଶେଷ ରିହାତି ସହ ଅନ୍ୟାନ୍ୟ ସୁବିଧା କ୍ରୟ ବିଲିଂ ଉପରେ ପାଇପାରିବେ।
ପ୍ର- ଆଶାୟୀ ଉଦ୍ୟୋଗୀମାନଙ୍କୁ ଆପଣ କ’ଣ କହିବେ?
ଉ- ରିଟେଲ ବ୍ୟବସାୟ ସର୍ବଦା ଭଲ ରହିଥାଏ। ହେଲେ ବର୍ତ୍ତମାନର ଯୁବଗୋଷ୍ଠୀଙ୍କ ନିକଟରେ ସହନଶୀଳତା ଓ ପରିଶ୍ରମର ମନୋଭାବ ନାହିଁ। କିନ୍ତୁ ଉଚିତ ପରିଶ୍ରମ କଲେ ବ୍ୟବସାୟରେ ସଫଳତା ମିଳିଥାଏ। ବିଶେଷକରି ବ୍ୟବସାୟ ପୂର୍ବରୁ ଦକ୍ଷ ଓ ଅଭିଜ୍ଞ ମାନବ ସମ୍ବଳ, କଠିନ ପରିଶ୍ରମ, ତ୍ୟାଗ ଏବଂ ଧୈର୍ଯ୍ୟର ଆବଶ୍ୟକତା ରହିଛି।
