ଜାତୀୟ ରାଜପଥରେ ଗୃହପାଳିତ ପ୍ରାଣୀଙ୍କ ଅବାଧ ବିଚରଣ

 

ବାରିପଦା ଅଫିସ, ୧୨।୬ ସଡ଼କ ଦୁର୍ଘଟଣାକୁ ଏଡାଇବା ନିମନ୍ତେ କେନ୍ଦ୍ର ଓ ରାଜ୍ୟ ସରକାର ବ୍ୟାପକ ପଦକ୍ଷେପ ଗ୍ରହଣ କରୁଛନ୍ତି। ମାତ୍ର ଜାତୀୟ ରାଜପଥ ନିର୍ମାଣକାରୀ ସଂସ୍ଥାର ଅବହେଳା ଓ ବିଳମ୍ବ କାରଣରୁ ପ୍ରତିଦିନ ଦୁର୍ଘଟଣାରେ ଜୀବନହାନି ଘଟୁଛି। ଜାତୀୟ ରାଜପଥ ପ୍ରାଧିକରଣ କର୍ତ୍ତୃପକ୍ଷ ଏଥିପ୍ରତି ଦୃଷ୍ଟି ଦେଉ ନ ଥିବାରୁ ଜନଅସନ୍ତୋଷ ବୃଦ୍ଧି ପାଇବାରେ ଲାଗିଛି। ଆବଶ୍ୟକ ବ୍ୟବସ୍ଥା ସହିତ ଉଚିତ୍‌ ପଦକ୍ଷେପ ଗ୍ରହଣ କରା ନ ଗଲେ ସ୍ଥାନୀୟ ଅଞ୍ଚଳବାସୀ ରାଜରାସ୍ତାକୁ ଓହ୍ଳାଇବେ ବୋଲି ଚେତାବନୀ ଦେଇଛନ୍ତି।
ମୟୂରଭଞ୍ଜ ଜିଲାବାସୀଙ୍କର ଦୀର୍ଘଦିନର ଦାବି ପରେ ୧୮ନଂ. ଜାତୀୟ ରାଜପଥ ଝାରପୋଖରିଆ-ନହରପାଟଣା ଦୋହରୀକରଣ ପ୍ରକ୍ରିୟା କାର୍ଯ୍ୟ ଶେଷ ପର୍ଯ୍ୟାୟରେ ପହଞ୍ଚିଛି। ବର୍ଷେରୁ ଊର୍ଦ୍ଧ୍ୱ କାଳ ୨ଟି ଟୋଲଗେଟରେ ଶୁଳ୍କ ଆଦାୟ ଆରମ୍ଭ ହୋଇଥିବା ବେଳେ ଆଇରନ ଟ୍ରାଇଏଙ୍ଗଲ ଠିକା ସଂସ୍ଥା ପକ୍ଷରୁ ହେଉଥିବା ୮୯କି.ମି. ରାସ୍ତା ନିର୍ମାଣ କାର୍ଯ୍ୟରେ ୮୧କି.ମି.ରୁ ଊର୍ଦ୍ଧ୍ୱ ରାଜପଥର କାର୍ଯ୍ୟ ଶେଷ ହୋଇଛି। ବିଭିନ୍ନ ସ୍ଥାନରେ ଗଳାପୋଲ ବା ଅଣ୍ଡରପାସ୍‌ କାର୍ଯ୍ୟ ଅନ୍ତିମ ପର୍ଯ୍ୟାୟରେ ପହଞ୍ଚିଛି। ବାରିପଦା ଟାଉନ ବାଇପାସ୍‌ ୭କି.ମି. ରାସ୍ତାରେ ୨-୨ଟି ଗଳାପୋଲ, ବାରିପଦାର ପାଲବଣି, ତଖତପୁର, ଦାରଗାଡ଼ାହି ଓ ମୁର୍ଗାବାଡ଼ିଠାରେ ପ୍ଲାଏଓଭର କାର୍ଯ୍ୟ ଶେଷ ହେବାକୁ ଯାଉଛି। ତେବେ ନିର୍ମାଣକାରୀ ସଂସ୍ଥା ଗୋଟିଏ ସ୍ଥାନରେ ପୂର୍ଣ୍ଣାଙ୍ଗ କାର୍ଯ୍ୟ ନ ସାରି ସ୍ଥାନେ ସ୍ଥାନେ ସୀମିତ କର୍ମଚାରୀଙ୍କ ଦ୍ୱାରା କାର୍ଯ୍ୟ କରୁଥିବାରୁ କାର୍ଯ୍ୟ ସମ୍ପୂର୍ଣ୍ଣ ହେବାରେ ବିଳମ୍ବ ହେଉଛି ବୋଲି ଅଞ୍ଚଳର ଦୀପକ ମହାନ୍ତ, ରାଜେଶ ନାଏକ ଓ ଶିବପ୍ରସାଦ ମହାନ୍ତ ପ୍ରକାଶ କରିଛନ୍ତି। ରାସ୍ତା ଦୋହରୀକରଣ କାର୍ଯ୍ୟରେ ଯାନବାହନ, ଜନସାଧାରଣ ଓ ଗୃହପାଳିତ ତଥା ବୁଲା ପ୍ରାଣୀଙ୍କ ସୁରକ୍ଷା ପ୍ରତି ରାଜପଥ କର୍ତ୍ତୃପକ୍ଷ ଆଖି ବୁଜିଦେଇଥିବାରୁ ପ୍ରତ୍ୟହ ଦୁର୍ଘଟଣା ବୃଦ୍ଧି ପାଉଛି। ଜାତୀୟ ରାଜପଥ ଦୋହରିକରଣ କାର୍ଯ୍ୟ ପରେ ଯିବା ଓ ଆସିବା ପାଇଁ ପୃଥକ ପ୍ରଶସ୍ତ ରାସ୍ତା ନିର୍ମାଣ ପରେ ଦ୍ରୁତ ଓ ଭାରିଯାନ ଚଳପ୍ରଚଳ ବୃଦ୍ଧି ପାଇଛି ା ୮୯କି.ମି. ରାସ୍ତାର ଡିଭାଇଡ଼ର ଓ ଉଭୟ ପାର୍ଶ୍ୱରେ ଆଲୁମିନିୟମ ବ୍ୟାରିକେଡ ନିର୍ମାଣ ହୋଇ ନ ଥିବାରୁ ଗୃହପାଳିତ ଓ ବୁଲା ପ୍ରାଣୀଙ୍କର ଜାତୀୟ ରାଜପଥରେ ଅବାଧ ବିଚରଣ ପାଇଁ ଦୁର୍ଘଟଣା ବୃଦ୍ଧିର କାରଣ ସାଜିଛି ବୋଲି ରାଗଧା ଅଞ୍ଚଳର ନୀଳାମ୍ବର ପାତ୍ର, ସୁଦର୍ଶନ ନାଏକ ଓ ବ୍ରଜକିଶୋର ପାତ୍ର ପ୍ରକାଶ କରିଛନ୍ତି। ଏହି ୮୯କି.ମି. ରାସ୍ତାରେ ବାଲେଶ୍ୱର ନହରପାଟଣାଠାରୁ ଝାରପୋଖରିଆ ପର୍ଯ୍ୟନ୍ତ ଉଭୟ ପାର୍ଶ୍ୱରେ ରେମୁଣା, ବେତନଟୀ, ମୋରଡ଼ା, ବାରିପଦା ସଦର, କୁଳିଅଣା, ବାଙ୍ଗିରିପୋଷି ଓ ସାରସକଣାକୁ ମିଶାଇ ୭ଟି ବ୍ଲକର ୬୦ରୁ ଊର୍ଦ୍ଧ୍ୱ ରାଜସ୍ବ ଗ୍ରାମ ରହିଛି। ସେହିପରି ନିର୍ମାଣ କାର୍ଯ୍ୟ ମନ୍ଥର ଗତିରେ ଚାଲୁଥିବାରୁ ଚଳପ୍ରଚଳ କରୁଥିବା ରାସ୍ତାଗୁଡିକ ଖାଲଖମାରେ ଭର୍ତ୍ତି ହୋଇଛି। ଫଳରେ ବର୍ଷାଦିନେ ଅଧିକ ଦୁର୍ଘଟଣା ଘଟିବ ବୋଲି ଅନୁମାନ କରାଯାଇଛି। ଗୋଟିଏପଟେ ସଡ଼କ ଦୁର୍ଘଟଣା କମାଇବା ପାଇଁ ସରକାର ବ୍ୟାପକ କାର୍ଯ୍ୟକ୍ରମ ହାତକୁ ନେଉଥିବା ବେଳେ ଜାତୀୟ ରାଜପଥ ଦୋହରୀକରଣ କାର୍ଯ୍ୟରେ ଗୁରୁତ୍ୱ ଦିଆଯିବା ଅତ୍ୟନ୍ତ ଚିନ୍ତାଜନକ ବୋଲି ଅଞ୍ଚଳବାସୀ ଦାବି କରୁଛନ୍ତି ା ଅପରପକ୍ଷରେ ରାସ୍ତା ମଝିରେ ବୃକ୍ଷରୋପଣ କାର୍ଯ୍ୟକୁ ହାଲୁକା ଭାବରେ ନିର୍ମାଣ ସଂସ୍ଥା ନେଉଥିବାରୁ ରାତି ସମୟରେ ଉଭୟପଟୁ ଯାନବାହନଗୁଡିକର ଆଲୋକ ଚାଳକଙ୍କ ପାଇଁ ବିପଦ ସାଜିଛି। ଭାରତ ସରକାରଙ୍କ ଜାତୀୟ ରାଜପଥ ପ୍ରାଧିକରଣ କର୍ତ୍ତୃପକ୍ଷ ନିର୍ମାଣକାରୀ ସଂସ୍ଥାକୁ ଏହି ସମସ୍ୟା ଦୂର ପାଇଁ ତୁରନ୍ତ ନିର୍ଦ୍ଦେଶ ଦେବାକୁ ଦାବି ହେଉଛି ା


Enter your email to get our daily news in your inbox.

All Right Reserved By Dharitri.Com

‘୫ ମାସରେ ଘାଟିର ସମ୍ପ୍ରସାରଣ ହେବ’

ବାଙ୍ଗିରିପୋଷି,୯।୧(ଡି.ଏନ.ଏ.) ମୟୂରଭଞ୍ଜ ଜିଲା ବାଙ୍ଗିରିପୋଷି ଦେଇ ଯାଇଥିବା ୪୯ନମ୍ବର ଜାତୀୟ ରାଜପଥର ଦ୍ୱାରଶୁଣି ଘାଟି ରାସ୍ତାରେ ସଡକ ଦୁର୍ଘଟଣା ବଢ଼ିବାରେ ଲାଗିଛି। ଏନେଇ ପଥଚାରୀ ମାନେ ନାହଁି...

ଶିମିଳିପାଳ ଜଙ୍ଗଲରୁ ୨ ଶିକାରୀ ଗିରଫ: ମାଂସ, ଧନୁ, ତୀର ଜବତ

ଠାକୁରମୁଣ୍ଡା, ୨୮।୮(ଡି.ଏନ୍‌.ଏ.): ମୟୂରଭଞ୍ଜ ଜିଲା ଠାକୁରମୁଣ୍ଡା ରେଞ୍ଜ ମଣ୍ଡଳଝରୀ ବିଟ ଶିମିଳିପାଳ କମ୍ପାର୍ଟମେଣ୍ଟ ନଂ-୩ ସଂରକ୍ଷିତ ଜଙ୍ଗଲରୁ ସମ୍ବର ମାଂସ ସହ ୨ ଶିକାରୀଙ୍କୁ ବନ...

ଶ୍ରମିକଙ୍କୁ ମାଡ଼ ମାରି ୪ ଗିରଫ

ବାରିପଦା ଅଫିସ, ୩୦ା୪- ରାସ୍ତା କାର୍ଯ୍ୟ କରୁଥିବା ଶ୍ରମିକଙ୍କୁ ଧମକ ଦେବା ଓ ମାଡ଼ ମାରିବା ଅଭିଯୋଗରେ ପୋଲିସ ୪ ଜଣଙ୍କୁ ଗିରଫ କରିଛି। ଅଭିଯୁକ୍ତମାନେ...

ଜିଲା ପୋଲିସ ମୁଖ୍ୟାଳୟକୁ ବଡ଼ସାହି ଥାନା ଅଧିକାରୀଙ୍କ ବଦଳି

ବାରିପଦା ଅଫିସ,୧୨।୧୧: ମୟୂରଭଞ୍ଜ ଜିଲା ବଡ଼ସାହି ଥାନା ଅଧିକାରୀ ବିଶ୍ୱଜ କୁମାର ରାଉତରାୟଙ୍କୁ ସୋମବାର ରାତିରେ ଜିଲା ପୋଲିସ ମୁଖ୍ୟାଳୟକୁ ବଦଳି କରାଯାଇଛି। ବଡ଼ସାହି ଥାନାର...

ଦ୍ୱିତୀୟ ଶ୍ରୀକ୍ଷେତ୍ରକୁ ଅଣଦେଖା

ସରକାରୀ ମାନ୍ୟତା ମିଳି ନ ଥିଲେ ମଧ୍ୟ ଉତ୍ତର ଓଡିଶାର ସାଂସ୍କୃତିକ ପ୍ରାଣକେନ୍ଦ୍ର ଭାବେ ପରିଚିତ ବାରିପଦା ସହରକୁ ଲୋକେ ଦ୍ୱିତୀୟ ଶ୍ରୀକ୍ଷେତ୍ର ବୋଲି କୁହନ୍ତି।...

ଶିମିଳିପାଳ ଅଭୟାରଣ୍ୟ:୫୧ ସ୍ଥାନରେ ଲାଗିଛି ନିଆଁ

ବାରିପଦା ଅଫିସ,୩।୪-ଜାତୀୟ ଉଦ୍ୟାନ ଶିମିଳିପାଳ ଅଭୟାରଣ୍ୟରେ ଦିନକୁ ଦିନ ନିଆଁ ବଢିବାରେ ଲାଗିଛି। ଏକ ମାସ ଧରି ଅଭୟାରଣ୍ୟ ଜଳୁଥିବା ବେଳେ ଏହାକୁ ଆୟତ୍ତ କରିବାରେ...

ବିଶ୍ୱବିଦ୍ୟାଳୟ ପରିସରରେ ବୁଲୁଛି ଦନ୍ତାହାତୀ

ବାରିପଦା ଅଫିସ,୯ା୧୦: ମୟୂରଭଞ୍ଜ ଜିଲା ବାରିପଦାସ୍ଥିତ ଶ୍ରୀରାମଚନ୍ଦ୍ର ଭଞ୍ଜଦେଓ ବିଶ୍ୱବିଦ୍ୟାଳୟ ପରିସରରେ ଦନ୍ତାହାତୀ ବୁଲୁଥିବା ଦେଖିବାକୁ ମିଳିଛି। ଶୁକ୍ରବାର ବିଳମ୍ବିତ ରାତିରେ ପଶ୍ଚିମବଙ୍ଗରୁ ଆସିଥିବା ଦନ୍ତାହାତୀଟି...

ଜିଲାସ୍ତରୀୟ ସ୍ବାଧୀନତା ଦିବସ : ପତାକା ଉତ୍ତୋଳନ କଲେ ମନ୍ତ୍ରୀ ପ୍ରତାପ ଜେନା

ବାରିପଦା ଅଫିସ,୧୫।୮: ମୟୂରଭଞ୍ଜ ଜିଲା ବାରିପଦା ସହର ପୋଲିସ ରିଜର୍ଭ ପଡ଼ିଆଠାରେ ଜିଲାସ୍ତରୀୟ ସ୍ବାଧୀନତା ଦିବସ ପାଳିତ ହୋଇଯାଇଛି। ରାଜ୍ୟ ସରକାରଙ୍କ ଆଇନ ଓ ପଞ୍ଚାୟତିରାଜ...

Advertisement
Archives

Model This Week