ଭୁବନେଶ୍ୱର,୨୪।୧୧: କଳିଙ୍ଗ ଷ୍ଟାଡିୟମରେ ବୁଧବାରଠାରୁ ଆରମ୍ଭ ହୋଇଯାଇଛି ଜୁନିୟର ପୁରୁଷ ହକି ବିଶ୍ୱକପ। ପ୍ରଥମ ଦିନରେ ଡିଫେଣ୍ଡିଂ ଚାମ୍ପିୟନ ଭାରତୀୟ ଦଳ ଝୁଣ୍ଟି ପଡ଼ିଛି। ସଞ୍ଜୟଙ୍କ ହ୍ୟାଟ୍ରିକ ଗୋଲ ସତ୍ତ୍ବେ ବିବେକ ସାଗର ପ୍ରସାଦଙ୍କ ନେତୃତ୍ୱାଧୀନ ଦଳ ଫ୍ରାନ୍ସ ନିକଟରୁ ୪-୫ ଗୋଲରେ ପରାସ୍ତ ହୋଇଛି। ଆରମ୍ଭରୁ ଆକ୍ରମଣାତ୍ମକ ଖେଳର ଅଭାବ, ରକ୍ଷଣଭାଗରେ ତ୍ରୁଟି, ଲକ୍ଷ୍ୟହୀନ ଶଟ୍ ଭାରତକୁ ମହଙ୍ଗା ପଡ଼ିଛି। ଅନ୍ୟ ପକ୍ଷରେ ମ୍ୟାଚରେ ହିରୋ ବିବେଚିତ ହୋଇଛନ୍ତି ଫ୍ରାନ୍ସ ଅଧିନାୟକ କ୍ଲିିମେଣ୍ଟ ଟିମୋଥି। ସେ ହ୍ୟାଟ୍ରିକ ଗୋଲ ଦେବା ସହ ୨ଟି ଚମତ୍କାର ସେଭ୍ କରିିଥିଲେ। ଏହି ବିଜୟ ଫଳରେ ୨୦୧୩ ରନର୍ସଅପ୍ ଫ୍ରାନ୍ସ ପୁଲ୍ ‘ବି’ରେ ୩ ପଏଣ୍ଟ ସହ ଟେବୁଲର ଶୀର୍ଷସ୍ଥାନ ଅଧିକାର କରିଛି। ହକି ଇଣ୍ଡିଆ କର୍ମକର୍ତ୍ତାଙ୍କ ଉପସ୍ଥିତିରେ ରାଜ୍ୟପାଳ ପ୍ରଫେସର ଗଣେଶୀ ଲାଲ ଖେଳାଳିଙ୍କ ସହ ପରିଚିତ ହେବାପରେ ମ୍ୟାଚ ଆରମ୍ଭ ହୋଇଥିଲା। ଶେଷରେ କ୍ରୀଡ଼ାମନ୍ତ୍ରୀ ତୁଷାରକାନ୍ତି ବେହେରା ଅତିଥିଭାବେ ଯୋଗଦେଇ ଫ୍ରାନ୍ସ ଅଧିନାୟକ କ୍ଲିମେଣ୍ଟଙ୍କୁପ୍ଲେୟର ଅଫ୍ ଦି ମ୍ୟାଚ ପୁରସ୍କାର ପ୍ରଦାନ କରିଥିଲେ।
