ଗଞ୍ଜାମ,୨୭।୨(ବିଦ୍ୟାଧର ସାହୁ ): ଗଞ୍ଜାମ ସହରରେ ଅବସ୍ଥିତ ଗ୍ରାସୀମ ଇଣ୍ଡ୍ରଷ୍ଟ୍ରିର ପରିବହନ ବ୍ୟବସ୍ଥାକୁ ନେଇ ପୁନର୍ବାର ବିବାଦୀୟ ପରିସ୍ଥିତି ସୃଷ୍ଟି ହୋଇଛି । ଦୀର୍ଘ ୬ ବର୍ଷ ଧରି ଏକ ନିର୍ଦ୍ଧିଷ୍ଟ ପରିବହନ ସଂସ୍ଥା କମ୍ପାନୀ ସହ ଜଡିତ ରହି କାମ କରୁଥିବାବେଳେ, ତାଙ୍କ ବିରୋଧରେ ବର୍ତ୍ତମାନ ଗୁରୁତର ଅଭିଯୋଗ ଆସିଛି । ଅଭିଯୋଗ ଅନୁସାରେ, ସେହି ସଂସ୍ଥା ମୁଖ୍ୟ ପରିବହନ ଦାୟିତ୍ୱରେ ରହି ନିଜସ୍ୱ ବ୍ୟକ୍ତିଗତ ସଂସ୍ଥାକୁ ପ୍ରାଧାନ୍ୟ ଦେଇ କୋଟି କୋଟି ଟଙ୍କା ଆର୍ଥିକ ଲାଭ ଉପାର୍ଜନ କରିଥିଲେ ମଧ୍ୟ ସ୍ଥାନୀୟ ଅଞ୍ଚଳର ଜଣେ ବ୍ୟକ୍ତିଙ୍କୁ ଉକ୍ତ ସଂସ୍ଥାରେ ନିଯୁକ୍ତି ଦେଇ ନଥିଲେ ।
ସ୍ଥାନୀୟ ଟ୍ରକ୍ ମାଲିକମାନଙ୍କ ଅଭିଯୋଗ ଅନୁସାରେ, ସେହି ସଂସ୍ଥାର ଜଣେ ଜୈନକ ବ୍ୟକ୍ତି ଲୋକାଲ ଗାଡି ମାଲିକମାନଙ୍କ ସହ ଦୁର୍ବ୍ୟବହାର କରୁଥିଲେ ଏବଂ ସେମାନଙ୍କ ଗାଡିକୁ କମ୍ପାନୀ ପରିବହନ କାମରେ ଲଗାଯାଉନଥିଲା। ଏହା ଫଳରେ ବହୁଦିନ ଧରି ଟ୍ରକ୍ ମାଲିକମାନଙ୍କ ମଧ୍ୟରେ ଅସନ୍ତୋଷ ଦେଖାଦେଇଥିଲା।
ଏହି ପରିସ୍ଥିତିରେ କିଛି ସ୍ଥାନୀୟ ଟ୍ରକ୍ ମାଲିକ ମିଶି ନୂତନ ଭାବେ ଟେଣ୍ଡର ପ୍ରକ୍ରିୟାରେ ଯୋଗଦେଇ ନିଜ ନାମରେ ପରିବହନ ଦାୟିତ୍ୱ ଗ୍ରହଣ କରିଥିଲେ। ଏହାସହ ନୂତନ ପରିବହନ ସଂସ୍ଥା ନେବା ପରେ ସ୍ଥାନୀୟ ୬ରୁ ୭ ଜଣ ଯୁବକ ନିଯୁକ୍ତ ଦେବା ସହ ଲୋକାଲ ଟ୍ରକକୁ ପ୍ରଧ୍ୟାନ ଦେଇ ପରିବହନ ସଂସ୍ଥା ସୂଚାରୁ ରୂପେ ତୁଲେଇବାର ଦେଖିବାକୁ ମିଳିଛି । କମ୍ପାନୀ ପକ୍ଷରୁ ପୂର୍ବ ସଂସ୍ଥାର କାର୍ଯ୍ୟକଳାପ ସମ୍ପର୍କରେ ଅବଗତ ହେବା ପରେ ସେମାନଙ୍କୁ ପରିବହନ ଦାୟିତ୍ୱରୁ ଦୂରେଇ ରଖାଯାଇଥିବା ସୂଚନା ମିଳିଛି।
କିନ୍ତୁ ଅଭିଯୋଗ ହେଉଛି, ପୂର୍ବ ସଂସ୍ଥା ସହ ଜଡିତ ବର୍ତ୍ତମାନର ସ୍ଥାନୀୟ ପରିବହନ ସଂସ୍ଥାକୁ ବିଭିନ୍ନ ଉପାୟରେ ହଇରାଣ କରୁଛନ୍ତି ଏବଂ କମ୍ପାନୀଙ୍କୁ ବଦନାମ କରିବାର ଚେଷ୍ଟା ଜାରି ରଖିଛନ୍ତି। ବିଗତ ଦିନରେ ଏହି ବିବାଦ ଥାନା ପର୍ଯ୍ୟନ୍ତ ପହଞ୍ଚିଥିଲା। ଥାନା ଅଧିକାରୀ ପକ୍ଷରୁ ଯେକୌଣସି ଅପ୍ରିୟ ପରିସ୍ଥିତି ସୃଷ୍ଟି ନ କରିବାକୁ ତାଗିଦ କରି ଘଟଣା ସମାଧାନ କରାଯାଇଥିଲା।
ତଥାପି ଯଦି ପୂର୍ବ ସଂସ୍ଥା ପୁନର୍ବାର କୌଣସି ମାଧ୍ୟମରେ ପରିବହନ କାର୍ଯ୍ୟରେ ଜଡିତ ହୁଏ, ତେବେ ଗଞ୍ଜାମ ସହରରେ ପୁଣି ଅଶାନ୍ତ ପରିବେଶ ସୃଷ୍ଟି ହେବାର ସମ୍ଭାବନାକୁ ଅସ୍ୱୀକାର କରାଯାଇପାରିବ ନାହିଁ। ସେହି ପୃର୍ବ ସଂସ୍ଥାର ଜୈନକ ବ୍ୟକ୍ତି କିପରି ଏକ ଅସ୍ଥାୟୀ କର୍ମଚାରୀରୁ କୋଟି କୋଟି ଟଙ୍କାର ମାଲିକାନା ହୋଇଛନ୍ତି ସେଥିପାଇଁ ଏକ ଲୋକାଲ ଟିମ ଲିଖିତ ମାଧ୍ୟମରେ ଭିଜିଲାନ୍ସ ଅଫିସକୁ ତଦନ୍ତ କରିବାପାଇଁ ଦାବି କରିଥିବା ଏକ ବିଶେଷ ସୂତ୍ରରୁ ଗଣମାଧ୍ୟମକୁ ସୂଚନା ମିଳିଛି ।
