କୋରାପୁଟ/ନାରାୟପାଟଣା,୧୬/୧(ଅମିତାଭ ବେହେରା/ ରାଜକିଶୋର ଜେନା): କୋରାପୁଟ ଜିଲା ନାରାୟପାଟଣା ବ୍ଲକ ତାଳଗୁମାଣ୍ଡି ପଞ୍ଚାୟତର ପୂର୍ବତନ ସରପଞ୍ଚ ସିଙ୍ଗୁରୁ ତାଡିଙ୍ଗିଙ୍କ ହତ୍ୟା ଘଟଣାରେ ଗୁରବାର ନାରାୟଣପାଟଣା ପୋଲିସ ୩ ଜଣଙ୍କୁ ଗିରଫ କରିଥିବା ନେଇ ଲକ୍ଷ୍ମୀପୁରରେ ଆୟୋଜିତ ଏକ ଖବରଦାତା ସମ୍ମିଳନୀରେ ଅତିରିକ୍ତ ଏସ୍ପି ମନୋବ୍ରତା ଶତପଥି ସୂଚନା ଦେଇଛନ୍ତି। ଦୀର୍ଘ ୧୦ ମାସ ପରେ ପୋଲିସ ଅଭିଯୁକ୍ତ ଗିରଫ ହୋଇଛନ୍ତି।
ସିଙ୍ଗୁରୁଙ୍କ ସମ୍ପର୍କୀୟ କେତୁ ତାଡିଙ୍ଗି, ମାସୁରୁ ତାଡିଙ୍ଗି ଓ କମିଟି ତାଡିଙ୍ଗି ହତ୍ୟା କରିଥିବା ନେଇ ପୋଲିସରେ ସ୍ବୀକାର କରିଥିବା ସୂଚନା ମିଳିଛି I ଏମାନଙ୍କୁ ଗିରଫ ପରେ କୋର୍ଟ ଚାଲାଣ କରାଯାଇଛି।
ସୂଚନାଯୋଗ୍ୟ,୨୦୨୪ ମାର୍ଚ୍ଚ ୧୪ରେ ନାରାୟଣପାଟଣା ଥାନା ଅନ୍ତର୍ଗତ ସିଙ୍ଗୁରୁ ତାଡିଙ୍ଗିଙ୍କ ମୃତଦେହ ଗଁାଠାରୁ ପ୍ରାୟ ୩ କ.ମି.ଦୁର ଏକ ପାହାଡ଼ରେ ରକ୍ତ ଜୁଡୁବୁଡୁ ଅବସ୍ଥାରେ ଏକ ଗର୍ତ୍ତରୁ ପୋଲିସ ଜବତ କରିଥିଲା I ସମ୍ପର୍କୀୟଙ୍କ ଏତଲା କ୍ରମେ ମାର୍ଚ୍ଚ ୧୪ରେ ସିଙ୍ଗୁରୁ ହଳଧରି ଜମିକୁ ଯାଇ ଆଉ ଫେରି ନ ଥିଲେ। ଜମିଠାରୁ କିଛିଦୂରରେ ଏକ ଗାତରେ ତାଙ୍କ ମୃତଦେହ ଠାବ କରାଯାଇଥିଲା I ଗୋଡ଼ ଦୁଇଟି ବାହାରକୁ ଦିଶୁଥିବା ବେଳେ ଖୋଳିବା ପରେ ଗଁା ଲୋକେ ଚିହ୍ନଟ କରିଥିଲେ I ଅଭିଯୋଗ ପରେ ପୋଲିସ ଏକ ହତ୍ୟା ମାମଲା ରୁଜୁକରି ଅଭିଯୁକ୍ତଙ୍କୁ ଧରିବା ପାଇଁ ଉଦ୍ୟମ କରିଥିଲା । ଜମି ବିବାଦକୁ ନେଇ ନିଜ ସମ୍ପର୍କୀୟ( ଭାଇ ଓ ପୁତୁରା )ସିଙ୍ଗୁରୁଙ୍କୁ ହତ୍ୟା କରିଥିବା ପୋଲିସ ସୂଚନା ଦେଇଛି I ଘଟଣାସ୍ଥଳକୁ ଅଭିଯୁକ୍ତମାନଙ୍କୁ ନେଇ ସିନ୍ କ୍ରିଏସନ ପରେ ସିଙ୍ଗୁରୁଙ୍କୁ କିପରି ହତ୍ୟା କରିଥିଲେ ପୋଲିସ ଜାଣିବାକୁ ପାଇଥିଲା I
