ଇସ୍ଲାମାବାଦ,୩ ।୧୨: ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଜାଫରଉଲ୍ଲା ଜମାଲିଙ୍କ ୭୬ ବର୍ଷ ବୟସରେ ପରଲୋକ ହୋଇଛି । ରାୱଲପିଣ୍ଡିର ଏକ ହସ୍ପିଟାଲରେ ଚିକିତ୍ସାଧିନ ଅବସ୍ଥାରେ ତାଙ୍କର ବୁଧବାର ସନ୍ଧ୍ୟାରେ ପରଲୋକ ହୋଇଥିବା ସୂଚନା ମିଳିଛି । ଏ ସମ୍ପର୍କରେ ତାଙ୍କ ସମ୍ପର୍କୀୟ ସିନେଟର ସାନା ଜମାଲି ସୂଚନା ଦେଇଛନ୍ତି । ଜାଫରଉଲ୍ଲା ଜମାଲି ନଭେମ୍ବର ୨୦୦୨ରୁ ଜୁନ ୨୦୦୪ ପର୍ଯ୍ୟନ୍ତ ପ୍ରଧାନମନ୍ତ୍ରୀ ଭାବେ କାର୍ଯ୍ୟଭାର ସମ୍ଭାଳିଥିଲେ । ଗତ ସପ୍ତାହରେ ତାଙ୍କର ହୃଦଘାତ ହେବାରୁ ତାଙ୍କୁ ରାୱଳପିଣ୍ଡିର ଆର୍ମଡ ଫୋର୍ସେସ ଅଫ୍ କାଡିଓଲୋଜି ଆଣ୍ଡ ନ୍ୟାଶନାଲ ଇନଷ୍ଟିଚ୍ୟୁଟ ଅଫ୍ ହାର୍ଟ ଡିଜିଜରେ ଭର୍ତ୍ତି କରାଯାଇଥିଲା । ଗତ ସପ୍ତାହରୁ ସେ ଭେଣ୍ଟିଲେଟରରେ ଥିଲେ ।
