ନୂଆଦିଲ୍ଲୀ,୧୧।୫: ପୂର୍ବତନ କେନ୍ଦ୍ର ମନ୍ତ୍ରୀ ରାମଚନ୍ଦ୍ର ପ୍ରସାଦ ସିଂ ଜେଡିୟୁ ଛାଡି ଗୁରୁବାର ଦିଲ୍ଲୀରେ ଭାରତୀୟ ଜନତା ପାର୍ଟି(ଭାଜପା)ରେ ସାମିଲ ହୋଇଛନ୍ତି। ଭାଜପାରେ ଯୋଗଦେବା ପରେ ରାମଚନ୍ଦ୍ର ପ୍ରସାଦ ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କୁ ତୀବ୍ର ସମାଲୋଚନା କରିବା ସହ ତାଙ୍କୁ ପଲ୍ଟି ମାର ବା ଦଳ ବଦଳ କରୁଥିବା ଲୋକ ବୋଲି କହିଛନ୍ତି।
ସିଂ କହିଛନ୍ତି, ନୀତୀଶ କୁମାର ବିହାରର କଲ୍ୟାଣ ପାଇଁ ମୁଖ୍ୟମନ୍ତ୍ରୀ ହୋଇଛନ୍ତି, କିନ୍ତୁ ସେ ବର୍ତ୍ତମାନ କଣ କରୁଛନ୍ତି। ଦିନେ ସେ ଓଡ଼ିଶାରେ, ଅନ୍ୟ ଦିନ ଝାଡଖଣ୍ଡରେ ଏବଂ ଆଜି ସେ ମହାରାଷ୍ଟ୍ରରେ ଅଛନ୍ତି। ସେ ବର୍ତ୍ତମାନ ବିରୋଧୀ ଏକତା ବିଷୟରେ କହୁଛନ୍ତି, କିନ୍ତୁ ପ୍ରଶ୍ନ ଉଠିଛି କିଏ ତୁମର ନେତା? ତୁମେ କୌଣସି ନେତା ବିନା ବିରୋଧୀ ଏକତା କିପରି ଆଶା କରୁଛ?
