ଟୁଥ୍ପେଷ୍ଟ କେବଳ ଦାନ୍ତ ସଫା କରିବା ସହ ଅନେକ କାମରେ ଆସିଥାଏ। ଆପଣ ପ୍ରତିଦିନର କେତୋଟି କାମରେ ଏହାର ଉପଯୋଗ କରିପାରିବେ। ଜାଣନ୍ତୁ ଏ ସମ୍ପର୍କରେ ଟିପ୍ସ…..
ଜୁଏଲେରି ସଫା: ଜୁଏଲେରିକୁ ସଫା କରିବାକୁ ହେଲେ ଆପଣ ଟୁଥ୍ପେଷ୍ଟକୁ ବ୍ୟବହାର କରିପାରିବେ। ଏଥିପାଇଁ ଟୁଥ୍ପେଷ୍ଟରେ ପାଣି ମିଶାଇ ଏକ ପେଷ୍ଟ ପ୍ରସ୍ତୁତ କରନ୍ତୁ । ଏବେ ଏହି ପେଷ୍ଟକୁ ଗୋଲ୍ଡ ଜୁଏଲେରି ଉପରେ ଲଗାନ୍ତୁ। ଏହା ପରେ ନରମ ବ୍ରଶ୍ କିମ୍ବା ସ୍କ୍ରବ୍ ସାହାଯ୍ୟରେ ଘସି ଏହାକୁ ସଫା କରିପାରିବେ। ଏହାଦ୍ୱାରା ଆପଣଙ୍କ ଜୁଏଲେରି ବିଲ୍କୁଲ୍ ନୂଆ ଦେଖାଯିବ।
ଟ୍ରଲି ବ୍ୟାଗ୍ କ୍ଲିନ୍ : ଟ୍ରଲି ବ୍ୟାଗ୍ରେ ଲାଗିଥିବା ଦାଗ ସଫା କରିବାକୁ ହେଲେ ଟୁଥ୍ପେଷ୍ଟର ସାହାଯ୍ୟ ନେଇପାରିବେ। ଏଥିପାଇଁ ଅଧା ଚାମଚ ଟୁଥ୍ପେଷ୍ଟରେ ଏକ ଚାମଚ ବେକିଂ ସୋଡ଼ା ମିଶାଇ ଟ୍ରଲି ବ୍ୟାଗ୍ ଉପରେ ଲଗାନ୍ତୁ। ପୁଣି ସଫା କପଡ଼ାରେ ପୋଛି ବ୍ୟାଗ୍କୁ କ୍ଲିନ୍ କରନ୍ତୁ। ଏହାଦ୍ୱାରା ଆପଣଙ୍କ ଟ୍ରଲି ବ୍ୟାଗ୍ ନୂଆ ଭଳି ଦେଖାଯିବ।
ଟାଇଲ୍ସ କ୍ଲିନ୍: ଘରେ ଏବଂ ବାଥ୍ରୁମ୍ରେ ଲାଗିଥିବା ଟାଇଲ୍ସକୁ ସଫା କରିବାକୁ ହେଲେ ଆପଣ ଟୁଥ୍ପେଷ୍ଟ ବ୍ୟବହାର କରିପାରିବେ। ଏଥିପାଇଁ ଟୁଥ୍ପେଷ୍ଟରେ ନଖ ଉଷୁମ ପାଣି ମିଶାଇ ଏଥିରେ ଏକ ପେଷ୍ଟ ପ୍ରସ୍ତୁତ କରନ୍ତୁ। ଏହି ପେଷ୍ଟକୁ ଦାଗ ଲାଗିଥିବା ସ୍ଥାନରେ ଲଗାଇ ନରମ ସ୍କ୍ରବ୍ ସାହାଯ୍ୟରେ ରଗଡ଼ନ୍ତୁ। ଏହାଦ୍ୱାରା ଘରେ ଲାଗିଥିବା ଟାଇଲ୍ସ ତୁରନ୍ତ ସଫା ହୋଇଯିବ।
କାନ୍ଥକୁ ଫିଲ୍ କରନ୍ତୁ: ଘର କାନ୍ଥରେ ବେଳେବେଳେ କ୍ରାକ୍ ଦେଖିବାକୁ ମିଳେ। ଫଳରେ କାନ୍ଥ ଅସୁନ୍ଦର ଦେଖାଯାଏ। ଏମିତିରେ ଆପଣ ଟୁଥ୍ପେଷ୍ଟର ବ୍ୟବହାରକରି ହୋଲ୍ସ ଗୁଡ଼ିକୁ ଫିଲ୍ କରିପାରିବେ।
