ନୂଆଦିଲ୍ଲୀ,୧୮।୧: ଦେଶର ପ୍ରମୁଖ ଏନ୍ବିଏଫ୍ସି-ଏମ୍ଏଫ୍ଆଇ ଫ୍ୟୁଜନ ମାଇକ୍ରୋ ଫାଇନାନ୍ସ (ଏଫ୍ଏମ୍ଏଫ୍) ପକ୍ଷରୁ ଏକ ସ୍ବତନ୍ତ୍ର ଆର୍ଥତ୍କ ସାକ୍ଷରତା ଅଭିଯାନ ଆରମ୍ଭ କରାଯାଇଛି। ବିଶେଷକରି ଦେଶର ଅବହେଳିତ ମହିଳାମାନଙ୍କୁ ଅର୍ଥନୈତିକ ସୁଯୋଗ ପ୍ରଦାନ କରିବା ଉକ୍ତ ଅଭିଯାନର ମୂଳଲକ୍ଷ୍ୟ ବୋଲି ଏଫ୍ଏମ୍ଏଫ୍ ପକ୍ଷରୁ କୁହାଯାଉଛି। ଏପରିକି ନିକଟରେ କମ୍ପାନୀ ଓଡ଼ିଶାର ଭବାନୀପାଟଣାଠାରେ ଏକ ଆର୍ଥତ୍କ ସାକ୍ଷରତା ଅଭିଯାନ କାର୍ଯ୍ୟକ୍ରମର ଆୟୋଜନ କରିଥିଲା। ଉକ୍ତ କାର୍ଯ୍ୟକ୍ରମ ଅବସରରେ ସ୍ଥାନୀୟ ମହିଳାମାନଙ୍କୁ ଆର୍ଥତ୍କ ସାକ୍ଷରତାର ଗୁରୁତ୍ୱ ବିଷୟରେ ବିସ୍ତୃତ ବର୍ଣ୍ଣନା କରାଯାଇଥିଲା। ଏପରିକି ଭବାନୀପାଟଣା ଗାଁର ପ୍ରାୟ ୧୬୦ ମହିଳା ଉକ୍ତ ସଚେତନତା କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ। ଏ ସମ୍ପର୍କରେ ଫ୍ୟୁଜନ୍ ମାଇକ୍ରୋ ଫାଇନାନ୍ସର ବରିଷ୍ଠ ଅଧିକାରୀ ପ୍ରଶାନ୍ତ ସୁବୁଦ୍ଧି କହିଛନ୍ତି, ମହିଳାମାନେ ସ୍ବାଧୀନ ହେବା ଏବଂ ସେମାନଙ୍କ ଆୟରୁ ଟଙ୍କା ସଞ୍ଚୟ କରିବାର ସ୍ମାର୍ଟ ପଦ୍ଧତି ସୃଷ୍ଟି କରିବା ପାଇଁ ଏହି ଆର୍ଥତ୍କ ସାକ୍ଷରତା ଅଭିଯାନ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଉଲ୍ଲେଖଯୋଗ୍ୟ, ଆର୍ଥତ୍କ ସାକ୍ଷରତା କାର୍ଯ୍ୟକ୍ରମ ପ୍ରମୋଦ ତାଣ୍ଡି, ଏଫ୍ଏଲ୍ପି ପ୍ରଶିକ୍ଷକ ଏବଂ ଫ୍ୟୁଜନ୍ ମାଇକ୍ରୋ ଫାଇନାନ୍ସ ଦ୍ୱାରା ପରିଚାଳିତ ହୋଇଥିଲା। କର୍ପୋରେଟ୍ ସାମାଜିକ ଦାୟିତ୍ୱ (ସିଏସ୍ଆର୍) କାର୍ଯ୍ୟକଳାପ ମାଧ୍ୟମରେ ସମାଜରେ ଯୋଗଦାନ କରିବା ଏବଂ ସାମାଜିକ ଅନଗ୍ରସର ବର୍ଗର ମହିଳାମାନଙ୍କ ପାଇଁ ଆର୍ଥତ୍କ ଏବଂ ଡିଜିଟାଲ ବ୍ୟବଧାନ ଦୂରକରିବା ପାଇଁ ଫ୍ୟୁଜନ୍ ମାଇକ୍ରୋ ଫାଇନାନ୍ସର ପ୍ରୟାସର ଏକ ଅଂଶ ଥିଲା ବୋଲି କୁହାଯାଉଛି। ଏହି ସ୍କେଲରେ ତୃଣମୂଳ ସ୍ତରରେ ମହିଳାମାନଙ୍କୁ ଶିକ୍ଷିତ କରିବା ପାଇଁ ଫ୍ୟୁଜନ୍ ମାଇକ୍ରୋ ଫାଇନାନ୍ସର ପ୍ରୟାସକୁ ଭବାନୀପାଟଣାର ପୌରପାଳିକା ଅଧ୍ୟକ୍ଷା ସଂଯୁକ୍ତା ବେହେରା ଅତ୍ୟନ୍ତ ପ୍ରଶଂସା କରିଥିଲେ। ଉକ୍ତ କାର୍ଯ୍ୟକ୍ରମରେ ଫ୍ୟୁଜନ୍ ସଦସ୍ୟ ପ୍ରଶାନ୍ତ ସୁବୁଦ୍ଧି, ସମୀର ମୋହନୀ, ଲୋକନାଥ ସାହୁଙ୍କ ସମେତ ଅନ୍ୟମାନେ ମଧ୍ୟ ଉପସ୍ଥିତ ଥିଲେ।
