ଟିଙ୍କରର୍ସ ପ୍ରଦର୍ଶନୀରେ ଅଭିନବ ଉତ୍ପାଦ ପ୍ରଦର୍ଶନ
10:52 amJanuary 18, 2023January 18, 2023 / 41

ନୂଆଦିଲ୍ଲୀ,୧୮।୧: ଅଟଳ ଇନ୍‌କୁବେସନ ସେଣ୍ଟର ତଥା ନାଳନ୍ଦା ଇନ୍‌ଷ୍ଟିଚ୍ୟୁଟ୍‌ ଅଫ୍‌ ଟେକ୍ନୋଲୋଜି ଫାଉଣ୍ଡେଶନ (ଏଆଇସି-ନାଳନ୍ଦା) ପକ୍ଷରୁ ଜାତୀୟ ଷ୍ଟାର୍ଟଅପ୍‌ ଦିବସ ପାଳିତ ହୋଇଯାଇଛି। ଏହି ପରିପ୍ରେକ୍ଷୀରେ ଏଆଇସି-ନାଳନ୍ଦା ପକ୍ଷରୁ ଭୁବନେଶ୍ୱର ଠାରେ ଏକ ଷ୍ଟାର୍ଟଅପ୍‌ ଫେଷ୍ଟ ୨୦୨୩ ଆୟୋଜନ କରାଯାଇଥିଲା। ଯେଉଁଥିରେ ୧୫୦୦ ରୁ ଅଧିକ ଛାତ୍ରୀଛାତ୍ର ଅଂଶଗ୍ରହଣ କରିଛନ୍ତି। ଏପରିକି ଟିଙ୍କରର୍ସ ପ୍ରଦର୍ଶନୀରେ ଭୁବନେଶ୍ୱରର ୫ଟି ଅଟଳ ଟିଙ୍କରର୍ସ ଲାବ୍‌ ଯଥା ୟୁନିଟ୍‌-୮ ଡିଏଭି ପବ୍ଲିକ୍‌ ସ୍କୁଲ, କଳିଙ୍ଗନଗର ଡିଏଭି ପବ୍ଲିକ୍‌ ସ୍କୁଲ, ବିଜେଇଏମ୍‌ ସ୍କୁଲ, ସରକାରୀ ହାଇସ୍କୁଲ, ଆଇଆର୍‌ସି ଭିଲେଜ୍‌ ଏବଂ ସୟଦ ମମତାଜ୍‌ ଅଲ୍ଲୀ ସରକାରୀ ହାଇସ୍କୁଲର ୩୦ରୁ ଅଧିକ ଛାତ୍ରୀଛାତ୍ର ସେମାନଙ୍କ ଅଭିବନ ଚିନ୍ତାଧାରାର ନମୁନା ପ୍ରଦର୍ଶନ କରିଥିଲେ। ବିଶେଷ କରି ଦେଶର ଉଦ୍ୟମିତା ଭାବକୁ ପାଳନକରିବା ସହ ଉକ୍ତ କାର୍ଯ୍ୟକ୍ରମ ଅଧୀନରେ ୫ ପ୍ରମୁଖ କାର୍ଯ୍ୟକ୍ରମ ସାମିଲ ଥିଲା। ସେଗୁଡ଼ିକ ହେଲା ନବସୃଜନ ଓ ଉଦ୍ୟମିତା ଉପରେ କର୍ମଶାଳା, ବିଜ୍‌ନେସ୍‌ କୁଇଜ୍‌, ସ୍କୁଲ ଛାତ୍ରୀଛାତ୍ରଙ୍କ ପାଇଁ ଟିଙ୍କରର୍ସ ପ୍ରଦର୍ଶନୀ, ଆର୍ଟ ଅଫ୍‌ ଷ୍ଟାର୍ଟିଂ ଅପ୍‌ ଉପରେ ସେମିନାର ଏବଂ ଆଇଡିଆଥନ୍‌ ଚ୍ୟାଲେଞ୍ଜ ଇତ୍ୟାଦି। ସେହିଭଳି ହେଡ୍‌ଷ୍ଟାର୍ଟ ସଂସ୍ଥାର ନିବେଶକ ଓ ବିଶେଷଜ୍ଞମାନେ ଷ୍ଟାର୍ଟଅପ୍‌ ଓ ନବସୃଜନକାରୀମାନଙ୍କ ସହ ଭାବ ବିନିମୟ କରିଥିଲେ। ଅପରପକ୍ଷରେ ଏଆଇସି-ନାଳନ୍ଦାର କଫି ଟେବୁଲ୍‌ ବୁକ୍‌ ‘ଉଦ୍‌ଘୋଷ’କୁ ଉନ୍ମୋଚନ କରାଯାଇଥିଲା। ଏଥିସହ ବଡିଂ ଇନୋଭେଟର ଅଫ୍‌ ଦି ଇୟର, ବେଷ୍ଟ ଆଇଡିଆ ଅନଲକରର୍ସ, ଟିଙ୍ଗର ଚାମ୍ପ୍‌ ପୁରସ୍କାର ଆଦି ପ୍ରଦାନ କରାଯାଇଥିଲା।