ଭୁବନେଶ୍ୱର,୮।୯(ବ୍ୟୁରୋ)-ଭୁବନେଶ୍ୱର ଖଣ୍ଡଗିରି ନିକଟରୁ ମଙ୍ଗଳବାର ୫ କୁଇଣ୍ଟାଲରୁ ଊର୍ଦ୍ଧ୍ୱ ଗଞ୍ଜେଇ ଜବତ କରାଯାଇଛି। ଏକ ବାଇଗଣ ଓ ବନ୍ଧାକୋବି ବୋଝେଇ ଟ୍ରକରେ ଗଞ୍ଜେଇ ଲୋଡ ହୋଇ ଆନ୍ଧ୍ରପ୍ରଦେଶରୁ ବିହାର ଅଭିମୁଖେ ଯାଉଥିବାବେଳେ ଡିଆରଆଇ(ରାଜସ୍ବ ଗୁଇନ୍ଦା ବିଭାଗ) ପକ୍ଷରୁ ଚଢାଉ କରାଯାଇ ଉକ୍ତ ଗଞ୍ଜେଇକୁ ଜବତ କରାଯାଇଛି। ଜବତ ଗଞ୍ଜେଇର ଆନୁମାନିକ ମୂଲ୍ୟ ପ୍ରାୟ ୮୦ ଲକ୍ଷ ଟଙ୍କା ହେବ। ଏହି ଗଞ୍ଜେଇ ଚାଲାଣ ପଛରେ ଏକ ବଡ଼ ମାଷ୍ଟରମାଇଣ୍ଡ କାମ କରୁଥିବା ଡିଆରଆଇ ଅଧିକାରୀମାନେ ସନ୍ଦେହ କରୁଛନ୍ତି। ତେଣୁ ଏହି ମାଷ୍ଟରମାଇଣ୍ଡ କିଏ ସେ ନେଇ ଡିଆଇଆଇ ଅଧିକାରୀ ଯାଞ୍ଚ କରୁଛନ୍ତି। ଜବତ ଟ୍ରକର ମାଲିକ କିଏ ସେ ନେଇ ମଧ୍ୟ ଯାଞ୍ଚ କରାଯାଉଛି।
