ପିଟର୍ସବର୍ଗ,୨୯ ।୧୦: ଆମେରିକାର ପେନସିଲଭାନିୟାର ପିଟର୍ସବର୍ଗରେ ଏକ ଚର୍ଚ୍ଚ ନିକଟରେ ଗୁଳିକାଣ୍ଡ ହୋଇଥିବା ଖବର ଆସିଛି । ଏହି ଘଟଣାରେ ୬ ଜଣ ଆହତ ହୋଇଛନ୍ତି । ଏମାନଙ୍କ ମଧ୍ୟରୁ ଜଣେ ଗୁରୁତର ଅଛନ୍ତି । କୁହାଯାଉଛି କି ଏମାନଙ୍କ ମଧ୍ୟରୁ ଯେଉଁମାନଙ୍କୁ ଗୁଳି ଲାଗିଛି ସେମାନେ ସମସ୍ତେ ଜଣେ ବ୍ୟକ୍ତିଙ୍କ ଅନ୍ତିମ ସଂସ୍କାର ପାଇଁ ଯାଇଥିଲେ । ଗୁଳି କିଏ ଓ କାହିଁକି ଚଳାଇଛନ୍ତି ଏ ନେଇ ପୋଲିସ ପକ୍ଷରୁ କୌଣସି ସୂଚନା ଦିଆଯାଇ ନାହିଁ ।
ମିଳିଥିବା ସୂଚନା ଅନୁଯାୟୀ, ଅନ୍ତିମ ସଂସ୍କାର ସମୟରେ ଘଟଣାସ୍ଥଳରେ ଥିବା ବ୍ୟକ୍ତିଙ୍କ ଉପରେ ଗୁଳି ଚାଳନା କରାଯାଇଥିଲା । ଏହି ଘଟଣା ପରେ ନିକଟରେ ଥିବା ଚର୍ଚ୍ଚକୁ ସିଲ କରାଯିବ ସହ ଘଟଣାର ଯାଞ୍ଚ ଆରମ୍ଭ କରାଯାଇଛି ।
