ମୁମ୍ବାଇ: ଫିଲ୍ମ ଫେୟାର ଓଟିଟି ପୁରସ୍କାରର ଦୁଇଟି ସଫଳ ଆୟୋଜନ ପରେ ଚଳିତ ବର୍ଷ ବି ମୁମ୍ବାଇରେ ଓଟିଟି ଆୱାର୍ଡସ ୨୦୨୨ ଘୋଷଣା ହୋଇଛି । ନିଜ କାମର ଛାପ ଛାଡିଥିବା କଳାକାରମାନେ ୨୦୨୨ର ଫିଲ୍ମ ଫେୟାର ଓଟିଟି ପୁରସ୍କାର ବିଜେତା ହୋଇଛନ୍ତି । ଓଟିଟିର ବେଷ୍ଟ ଫିଲ୍ମ ଆୱାର୍ଡ ‘ଦଶମି’କୁ ମିଳିଛି । ଏଥର ଅଭିଶେକ ବଚ୍ଚନ ଶ୍ରେଷ୍ଠ ଅଭିନେତା ଭାବେ ମନୋନୀତ ହୋଇଛନ୍ତି । ସେହିପରି ବେଷ୍ଟ ସପୋର୍ଟିଂ ଆକ୍ଟର ୱେବ ଓରିଜିନାଲ ଫିଲ୍ମର ପୁରସ୍କାର ଅନିଲ କପୁରଙ୍କ ଦିଆଯାଇଛି । ଅନିଲ କପୁରଙ୍କୁ ଏହି ଆୱାର୍ଡ ଫିଲ୍ମ ଥାର ପାଇଁ ଦିଆଯାଇଛି ।
ଏହି ଆୱାର୍ଡ ଶୋ’ରେ ରବିନା ଟଣ୍ଡନ, ଦିୟା ମିର୍ଜା, ଜ୍ୟାକି ଶ୍ରଫ, ଜରିନ ଖାଁ, ରଶ୍ମୀ ଦେଶାଇ, ନିନା କୁଲକର୍ନି, ନୱାଜୁଦ୍ଦିନ ସିଦ୍ଦିକି, ନେହା ଧୁପିଆ, ଭୂମି ପେଡେନେକର, ଗୌହର ଖାଁ, ଅନିଲ କପୁର, ଜାଭେଦ ଜାଫରି ଆଦି ଯୋଗ ଦେଇଥିଲେ ।
ସବୁଠାରୁ ଲୋକପ୍ରିୟ ଓଟିଟି ସିରିଜରୁ ଗୋଟିଏ ପଞ୍ଚାୟତ ସିଜନ ୨ ବି ପୁରସ୍କାର ହାତେଇଛି । ପଞ୍ଚାୟତ ସିଜନ ୨ ପାଇଁ ଜିତେନ୍ଦ୍ର କୁମାର, ନିନା ଗୁପ୍ତା ଓ ରଘୁବୀର ଯାଦବଙ୍କୁ ଆୱାର୍ଡ ମିଳିଛି । ଜତେନ୍ଦ୍ରଙ୍କ୍ୁ ବେଷ୍ଟ ଆକ୍ଟର କ୍ରିଟିକ୍ସ, ନିନାଙ୍କୁ ବେଷ୍ଟ ସପୋର୍ଟିଂ ଆକ୍ଟ୍ରେସ ଓ ରଘୁବୀରଙ୍କୁ ବେଷ୍ଟ ସପୋର୍ଟିଂ ଆକ୍ଟର ଆୱାର୍ଡ ମିଳିଛି ।
