ଘାରିଲାଣି କର୍ଲାପାଟ ଭୟ

ଢେଙ୍କାନାଳ ଅଫିସ, ୨୧।୨ : ଢେଙ୍କାନାଳ ବନ ବିଭାଗକୁ ଘାରିଛି କର୍ଲାପାଟ ଅଭୟାରଣ୍ୟ ହାତୀ ମଡ଼କ ଭୟ। ହେମୋରେଜ୍‌ ସେପ୍ଟିସେମିଆ ସଂକ୍ରମଣରେ ୬ ହାତୀଙ୍କ ଜୀବନ ଯିବା ପରେ ଛନକା ପଶିଛି। ପୂର୍ବରୁ ଜିଲାର ବିଭିନ୍ନ ସଂରକ୍ଷିତ ଜଙ୍ଗଲରେ ଏହି ଭୂତାଣୁ ସଂକ୍ରମଣରେ ହାତୀଙ୍କ ଜୀବନ ଯାଇଛି। ତେଣୁ ଘଟଣାର ଯେପରି ପୁନରାବୃତ୍ତି ନ ହୁଏ, ସେଥିଲାଗି ଆଗୁଆ ସତର୍କତାମୂଳକ ପଦକ୍ଷେପ ସ୍ବରୂପ ହାତୀ ଉପଦ୍ରୁତ ଅଞ୍ଚଳର ଗୋରୁଙ୍କୁ ପ୍ରତିଷେଧକ ଦିଆଯାଉଛି। ହେମୋରେଜ୍‌ ସେଫ୍ଟିସେମିଆ ମୁଖ୍ୟତଃ ଗୋରୁଙ୍କଠାରୁ ହାତୀକୁ ସଂକ୍ରମିତ ହୋଇଥାଏ। ପ୍ରତିଷେଧକ ଦିଆଯିବା ପରେ ଏହି ଆଶଙ୍କାକୁ ଅନେକାଂଶରେ ଏଡ଼ାଇ ଦିଆଯାଇପାରିବ ବୋଲି ବନ ବିଭାଗ ପକ୍ଷରୁ କୁହାଯାଇଛି। ଶିମିଳିପାଳ ପରେ ହାତୀସଂଖ୍ୟାରେ ଢେଙ୍କାନାଳର ସ୍ଥାନ ଦ୍ୱିତୀୟ। ଏହି ଐତିହ୍ୟ ପ୍ରାଣୀର ସୁରକ୍ଷା ଜରୁରୀ ହୋଇପଡ଼ିଥିବାବେଳେ ବନ ସଂରକ୍ଷଣ ସମିତି ମାଧ୍ୟମରେ ରେଞ୍ଜ୍‌ ଅଧିକାରୀ, ପ୍ରାଣୀ ଚିକିତ୍ସକମାନେ ଗଁା ଗଁା ବୁଲି ଗାଈ, ବଳଦଙ୍କୁ ଟିକାକରଣ ଜାରି ରଖିଛନ୍ତି।
ସୂଚନାଯୋଗ୍ୟ, ଜିଲାରେ ୨୦୧୫-୧୬ରୁ ୨୦୨୧ ଜାନୁୟାରୀ ସୁଦ୍ଧା ବିଭିନ୍ନ କାରଣରୁ ୭୮ ହାତୀଙ୍କ ଜୀବନ ଯାଇଛି। ସେଥିରୁ ରୋଗଗ୍ରସ୍ତ ଏବଂ ସଂକ୍ରମଣ କାରଣରୁ ୧୮ ହାତୀଙ୍କ ମୃତ୍ୟୁ ଘଟିଛି। ୨୦୧୬ ଜାନୁୟାରୀ ୨୧ରେ ଢେଙ୍କାନାଳ ସଦର ରେଞ୍ଜ, ମାଟିଆମୁଣ୍ଡିଆ ସଂରକ୍ଷିତ ଜଙ୍ଗଲ, ସେହିବର୍ଷ ଏପ୍ରିଲ ୨୨ ଏବଂ ମେ ୬ରେ କପିଳାସ ଅଭୟାରଣ୍ୟରେ ଅଜଣା ରୋଗରେ ପଡ଼ି ୩ ମାଈ ହାତୀଙ୍କ ଜୀବନ ଯାଇଥିଲା। ସେହିପରି ୨୦୧୬ ଜୁନ୍‌ ୧୬ରେ ହିନ୍ଦୋଳ ରେଞ୍ଜ୍‌ କନ୍ଧରା ସଂରକ୍ଷିତ ଜଙ୍ଗଲର ଆଳୁସିଂ ନିକଟରେ ଏକ ଦନ୍ତା, ୨୦୧୭ ଏପ୍ରିଲ ୬ରେ କାମାକ୍ଷାନଗର ପୂର୍ବାଞ୍ଚଳ ରେଞ୍ଜ ମଉଳାଭଞ୍ଜା ସଂରକ୍ଷିତ ଜଙ୍ଗଲରେ ଅଣ୍ଡିରା ଛୁଆ ହାତୀ, ୨୦୧୭ ମେ ୨ରେ କପିଳାସ ଅଭୟାରଣ୍ୟର ବଣିଆ ଗ୍ରାମରେ ମାଈ ହାତୀ, ୨୦୧୭ ମେ ୧୮ରେ କନ୍ଧରା ସଂରକ୍ଷିତ ଜଙ୍ଗଲ ନିକଟ ବାଗୁଲି ଗ୍ରାମରେ ଦନ୍ତା, ୨୦୧୭ ନଭେମ୍ବର ୨୮ରେ ମହାବିରୋଡ ରେଞ୍ଜ୍‌ ଗତରେଇ ସଂରକ୍ଷିତ ଜଙ୍ଗଲରେ ଦନ୍ତା, ୨୦୧୮ ଜାନୁୟାରୀ ୮ରେ କପିଳାସ ଚିଡ଼ିଆଖାନାରେ ହାତୀ ଶାବକ ରୋଗଗ୍ରସ୍ତ ହୋଇ ମୃତ୍ୟୁମୁଖରେ ପଡ଼ିଥିଲା। ସେହିପରି କାମାକ୍ଷାନଗର ପଶ୍ଚିମାଞ୍ଚଳ ସୁନାଝରି ସଂରକ୍ଷିତ ଜଙ୍ଗଲରେ ୨୦୧୮ ମେ ୧୫ରେ ହେପାଟାଇଟସ୍‌ରେ ସଂକ୍ରମିତ ହୋଇ ଏକ ମାଈହାତୀ ଏବଂ ସେହିବର୍ଷ ଅକ୍ଟୋବର ୨ରେ ମହାବିରୋଡ ରେଞ୍ଜ୍‌ ଅସନବାହାଳିରେ ଅନ୍ୟ ଏକ ହାତୀର ରୋଗରେ ପଡ଼ି ମୃତ୍ୟୁ ଘଟିଥିଲା।
୨୦୧୯ରେ ଜିଲାରେ ଦେଖାଦେଇଥିଲା ସେପ୍ଟିସେମିଆ ଆତଙ୍କ। ମାର୍ଚ୍ଚ ୨ରେ ମହାବିରୋଡ ରେଞ୍ଜ୍‌ ତୋରଡାନାଳି ଗ୍ରାମରେ ଏଥିରେ ସଂକ୍ରମିତ ହୋଇ ଏକ ବଡ଼ ଦନ୍ତା ହାତୀର ମୃତ୍ୟୁ ଘଟିଥିଲା। ମେ ୪ରେ ଉକ୍ତ ରେଞ୍ଜରେ ଅନ୍ୟ ଏକ ମାଈ ହାତୀର ଜୀବନ ନେଇଥିଲା ମାରାତ୍ମକ ସେପ୍ଟିସେମିଆ। ୨୦୧୯ ଜୁଲାଇ ୪ରେ କନ୍ଧରା ସଂରକ୍ଷିତ ଜଙ୍ଗଲରେ ଏକ ଅଣ୍ଡିରା ହାତୀ ଶାବକର ମୃତ୍ୟୁ ଘଟିଥିଲା। ରୋଗର କାରଣ ଜଣାପଡ଼ି ନ ଥିଲା। ହିନ୍ଦୋଳ ରେଞ୍ଜ ଭିଙ୍ଗିରା ସଂରକ୍ଷିତ ଜଙ୍ଗଲରେ ସେହିମାସ ୧୬ରେ ଏକ ମାଈହାତୀର ମୃତ୍ୟୁ ଘଟିଥିବାବେଳେ ଏହାର କାରଣ ସେପ୍ଟିସେମିଆ ବୋଲି କୁହାଯାଇଥିଲା। ଅନୁରୂପ ଭାବେ ୨୦୧୯ ଜୁଲାଇ ୨୩ରେ କରାବିରା ଗ୍ରାମରେ ଦୂରାରୋଗ୍ୟ ବ୍ୟାଧିରେ ପଡ଼ି ଏକ ଦନ୍ତାର ଜୀବନ ଯାଇଥିଲା। ୨୦୨୦ ଫେବୃୟାରୀ ୬ରେ ସଦର ରେଞ୍ଜ ପୋଡ଼ାପଡ଼ା ଗ୍ରାମରେ ଏକ ଛୁଆ ହାତୀ ଇଣ୍ଟରନାଲ ହାମରେଜ୍‌ରେ ମରିଥିଲା।
୨୦୨୦ ଜୁନ୍‌ରେ ହିନ୍ଦୋଳ ରେଞ୍ଜ୍‌ ବେଡାପଡା ସଂରକ୍ଷିତ ଜଙ୍ଗଲରେ ହର୍‌ପିସ୍‌ ଆତଙ୍କ ଦେଖାଦେଇଥିଲା। ଉକ୍ତ ମାସ ୨୨ ତାରିଖରେ ଏଥିରେ ସଂକ୍ରମିତ ହୋଇ ଏକ ମାଈ ହାତୀର ମୃତ୍ୟୁ ଘଟିଥିଲା। ଜିଲାରେ ସଂକ୍ରମଣରେ ହାତୀମୃତ୍ୟୁ ଘଟିବା ନୂଆ କଥା ନାହିଁ। ହର୍‌ପିସ୍‌, ସେପ୍ଟିସେମିଆରେ ଆକ୍ରାନ୍ତ ହୋଇ ଅନେକ ହାତୀଙ୍କ ଜୀବନ ଯାଇଥିବା ପୂର୍ବ ଘଟଣାରୁ ସ୍ପଷ୍ଟ ହୋଇଛି। ତେଣୁ କଳାହାଣ୍ଡି କର୍ଲାପାଟ ଅଭୟାରଣ୍ୟ ଘଟଣା ପରେ ହାତୀଙ୍କ ସୁରକ୍ଷା ଲାଗି ଆଗୁଆ ପଦକ୍ଷେପ ଗ୍ରହଣ କରାଯାଉଛି।
ଏ ସଂକ୍ରାନ୍ତରେ ଜିଲା ବନଖଣ୍ଡ ଅଧିକାରୀ ଡା. ପ୍ରକାଶ ଚାନ୍ଦ ଗୋଗିନେନି କୁହନ୍ତି, ଗାଈ, ଗୋରୁଙ୍କଠାରୁ ହାତୀଙ୍କୁ ସେପ୍ଟିସେମିଆ ସଂକ୍ରମିତ ହୋଇଥାଏ। ହାତୀ ଉପଦ୍ରବ ଅଞ୍ଚଳରେ ବନ ସଂରକ୍ଷଣ ସମିତି, ପ୍ରାଣୀ ବିଭାଗ ଏବଂ ବନ କର୍ମଚାରୀଙ୍କ ସହାୟତାରେ ଗୋରୁଙ୍କୁ ପ୍ରତିଷେଧକ ଦିଆଯାଉଛି। କଳାହାଣ୍ଡି ଢେଙ୍କାନାଳଠାରୁ ବହୁ ଦୂରରେ ଅବସ୍ଥିତ। ତେଣୁ ଜିଲାର ହାତୀଙ୍କ ସେଫ୍ଟିସେମିଆରେ ସଂକ୍ରମିତ ହେବା ଆଶଙ୍କା କମ୍‌। ଯେହେତୁ ଆଗରୁ ଏଭଳି ସଂକ୍ରମଣରେ ହାତୀଙ୍କ ମୃତ୍ୟୁ ଘଟିଛି, ତେଣୁ ସତର୍କତା ଅବଲମ୍ବନ କରାଯାଉଛି।


Enter your email to get our daily news in your inbox.

All Right Reserved By Dharitri.Com

ହେଲାନି ସମାଧାନ, ସ୍ବାମୀ ଗିରଫ

ଢେଙ୍କାନାଳ ଅଫିସ, ୨୨।୧୨ ମନୋମାଳିନ୍ୟ ଦୂରକରି ଦମ୍ପତିଙ୍କୁ ମିଶାଇବାକୁ ୨ଦିନ ଧରି ଯଥାସାଧ୍ୟ ପ୍ରୟାସ କଲା ପୋଲିସ। ହେଲେ ଦ୍ୱନ୍ଦ୍ୱ ଦୂର ହେଲାନି କି ବାହାରିଲାନି...

ମାଈ ହାତୀର ଗଳିତ ମୃତଦେହ ଠାବ

ପରଜଙ୍ଗ ୧।୯(ଡି.ଏନ୍‌.ଏ.) – ଢେଙ୍କାନାଳ ବନଖଣ୍ଡ ମହାବିରୋଡ଼ ରେଞ୍ଜ ସାଆନ୍ଦା ବିଟ୍‌ ଅଧୀନ ବସନ୍ତପଡ଼ା ଗ୍ରାମ ନିକଟ ବାଙ୍କଧରା କ୍ଷୁଦ୍ର ଜଳସେଚନ ପ୍ରକଳ୍ପ ଉପରମୁଣ୍ଡରେ ଥିବା...

ସ୍ମୃତିରେ ସଜ୍ଜଳ କଳ୍ପନା: ପର୍ବତରାଣୀଙ୍କୁ ଝୁରୁଛି ଢେଙ୍କାନାଳ

ଢେଙ୍କାନାଳ ଅଫିସ, ୨୩।୫ – ଏଭରେଷ୍ଟର ଉତ୍ତୁଙ୍ଗ ଶିଖରରେ ତ୍ରିରଙ୍ଗା ଉଡ଼ାଇବା ସ୍ବପ୍ନ ସାକାର କରୁକରୁ ସବୁଦିନ ଲାଗି ନୀରବିଗଲେ ପର୍ବତରାଣୀ କଳ୍ପନା ଦାଶ। ଏହି...

ପୂରଣ ହେଉନି ଋଣ ଲକ୍ଷ୍ୟ

ଢେଙ୍କାନାଳ ଅଫିସ,୧୭ା୩: ଢେଙ୍କାନାଳ ଜିଲାରେ ଚାଷୀଙ୍କୁ ଋଣ ପ୍ରଦାନ ଲକ୍ଷ୍ୟ ପୂରଣ ହୋଇପାରୁନାହିଁ। ୨୦୨୧-୨୨ ଆର୍ଥତ୍କ ୧୭୦୫.୫୧ କୋଟି ଟଙ୍କା କୃଷିଋଣ ପ୍ରଦାନ କରିବା ଲାଗି ଲକ୍ଷ୍ୟ...

ହସ୍ପିଟାଲ ଛାତରୁ ଡେଇଁ ଆତ୍ମହତ୍ୟା ଉଦ୍ୟମ

ଢେଙ୍କାନାଳ ଅଫିସ,୧୩ା୮: ଢେଙ୍କାନାଳ ଜିଲା ମୁଖ୍ୟ ଚିକିତ୍ସାଳୟ ୫ମ ମହଲାରୁ ଶନିବାର ଅପରାହ୍ନରେ ଚନ୍ଦନ ନାୟକ(୩୭) ନାମକ ଜଣେ ରୋଗୀ ତଳକୁ ଡେଇଁ ପଡ଼ି ଗୁରୁତର...

ଏସ୍‌ଟିଏଫ୍‌-ପୋଲିର ମିଳିତ ଚଢ଼ାଉ: ୫ ପିସ୍ତଲ ଜବତ

ଢେଙ୍କାନାଳ ଅଫିସ,୧୬।୮: ଢେଙ୍କାନାଳ ଜିଲା ସଦର ଥାନା ଛାଟିଆ ଏବଂ ଢ଼େଙ୍ଗ ବରେଇ ଅଞ୍ଚଳରେ ମଙ୍ଗଳବାର ଏସ୍‌ଟିଏଫ୍‌ ଓ ସଦର ଥାନା ପୋଲିସ ମିଳିତ ଭାବେ...

କଡ଼ା ସୁରକ୍ଷାରେ ମାଟ୍ରିକ ପରୀକ୍ଷା: କାମାକ୍ଷାନଗରର ୧୧ଟି ବିଦ୍ୟାଳୟରେ ୧୪୪ ଧାରା ଜାରି

କାମାକ୍ଷାନଗର,୨୪।୨(ଡି.ଏନ୍‌.ଏ.): ଢେଙ୍କାନାଳ ଜିଲା କାମାକ୍ଷାନଗର ଉପଖଣ୍ଡରେ ସୋମବାର ମାଟ୍ରିକ ପରୀକ୍ଷା ସୁରକ୍ଷା ଦୃଷ୍ଟିରୁ ୧୧ଟି ବିଦ୍ୟାଳୟରେ ୧୪୪ ଧାରା ଜାରି କରାଯାଇଛି। ସେଗୁଡିକ ହେଲା କାମାକ୍ଷାନଗର...

କପିଳାସ ପୀଠରେ ଜଳକଷ୍ଟ ସବୁଦିନିଆ: ଅଟକିଛି ୫୦ଲକ୍ଷ ଟଙ୍କାର ପ୍ରକଳ୍ପ

ଢେଙ୍କାନାଳ ଅଫିସ, ୧୧।୭ – ରାଜ୍ୟର ଅନ୍ୟତମ ପ୍ରମୁଖ ଶୈବପୀଠ କପିଳାସରେ ପାନୀୟ ଜଳ ଅଭାବ ପ୍ରମୁଖ ସମସ୍ୟା ଭାବେ ଉଭାହୋଇଛି। ଏଠାକୁ ଆସୁଥିବା ଶ୍ରଦ୍ଧାଳୁ...

Advertisement
Archives

Model This Week