ବେଜିଂ,୧।୧୧: ଚାଇନା ରାଷ୍ଟ୍ରପତି ଶି ଜିନ୍ପିଙ୍ଗ୍ଙ୍କୁ ଏବେ କ୍ଷମତାରୁ ହଟିବା ଭୟ ଘାରିଛି। ତେଣୁ ସେ ବେଶ୍ ଚିନ୍ତିତ ରହୁଛନ୍ତି। ଜିନପିଙ୍ଗ ଗତ ୨୦ ମାସ ଧରି ଚାଇନା ବାହାରେ ପାଦ ଦେଇନାହାଁନ୍ତି। ସେ ବର୍ତ୍ତମାନ ସୁଦ୍ଧା ଆମେରିକାର ରାଷ୍ଟ୍ରପତି ଜୋ ବାଇଡେନଙ୍କ ସହ ମୁହାଁମୁହିଁ ସାକ୍ଷାତ କରିନାହାଁନ୍ତି। କରୋନା ମହାମାରୀ ଏହାର ମୁଖ୍ୟ କାରଣ ବୋଲି କିଛି ବିଶେଷଜ୍ଞ କହୁଛନ୍ତି। ତେବେ ଦେଶର କେତେକ ଗଣମାଧ୍ୟମ ଅନୁସାରେ ଜିନ୍ପିଙ୍ଗ୍ ତୃତୀୟ ଥର ୪ମତା ହାସଲ ଲାଗି ଚେଷ୍ଟା କରୁଛନ୍ତି। ଆସନ୍ତା ବର୍ଷ ଚାଇନା କମ୍ୟୁନିଷ୍ଟ ପାର୍ଟିର ୨୦ତମ ନ୍ୟାଶନାଲ ପାର୍ଟି କଂଗ୍ରେସ ଅନୁଷ୍ଠିତ ହେବ। ଏହି ସୟରେ ଜିନପିଙ୍ଗ ନିଜକୁ ପୁଣି ପାଞ୍ଚ ବର୍ଷ ପାଇଁ ଚାଇନାର ନେତା ଭାବରେ ବଜାୟ ରଖିବାକୁ ଉଦ୍ୟମ କରୁଛନ୍ତି ବୋଲି କୁହାଯାଉଛି।
ଏଥିପାଇଁ ସେ ବର୍ତ୍ତମାନଠାରୁ ଆଭ୍ୟନ୍ତରୀଣ ରାଜନୀତିକୁ ସୁଦୃଢ଼ କରୁଛନ୍ତି। ଚାଇନା ଅଧ୍ୟୟନ କରୁଥିବା ରୋଡିୟମ ଗୋଷ୍ଠୀର ନୋଆ ବର୍କିନ ଏହାକୁ ’ବଙ୍କର୍ ମାନସିକତା’ର ଏକ ଉଦାହରଣ ଭାବରେ ବର୍ଣ୍ଣନା କରିଛନ୍ତି। ଏଥିରେ, ନିଜକୁ ସୁରକ୍ଷା କରିବା ପାଇଁ, ବ୍ୟକ୍ତି ସର୍ବଦା ନିଜକୁ ଠିକ ବୋଲି କହି ନିଜର ସମାଲୋଚନାର ହେବାକୁ ଦେଇ ନ ଥାନ୍ତି। ଜିନପିଙ୍ଗଙ୍କ ଶେଷ ଥର ପାଇଁ ୨୦୨୦ ଜାନୁଆରୀରେ ବିଦେଶ ଗସ୍ତ କରି ମ୍ୟାନ୍ମାର ଯାଇଥିଲେ। ଏହା ପରେ ଉହାନରେ କରୋନା ମହାମାରୀ ଯୋଗୁ ଲକ୍ଡାଉନ୍ ହୋଇଥିଲା ଏବଂ ପରେ କରୋନା ପୃଥିବୀର ବିଭିନ୍ନ ଦେଶରେ ବ୍ୟାପିଥିଲା। ମାର୍ଚ୍ଚ ୨୦୨୦ରେ ପାକିସ୍ତାନୀ ରାଷ୍ଟ୍ରପତି ଆରିଫ ଅଲଭିଙ୍କ ପରେ ସେ ଚାଇନାରେ କୌଣସି ନେତାଙ୍କୁ ମୁହାଁମୁହିଁ ସାକ୍ଷାତ କରିନାହାଁନ୍ତି।
ପ୍ରତି ପାଞ୍ଚ ବର୍ଷରେ ଆୟୋଜିତ ନ୍ୟାଶନାଲ ପାର୍ଟି କଂଗ୍ରେସରେ କମ୍ୟୁନିଷ୍ଟ ଦଳର ପ୍ରମୁଖ ସଦସ୍ୟମାନେ ରୁଦ୍ଧଦ୍ୱାରରେ ନୀତିଗତ ନିଷ୍ପତ୍ତି ନିଅନ୍ତି। ବୈଠକରେ ଜିନପିଙ୍ଗ ନିଜକୁ ଦେଶର ନେତା ଭାବରେ ବଜାୟ ରଖିବାର ପ୍ରୟାସ କରୁଛନ୍ତି। ଯଦି ସେ ସଫଳ ହୁଅନ୍ତି, ତେବେ ତୃତୀୟ ଥର ପାଇଁ ପୁଣି ପାଞ୍ଚ ବର୍ଷର କାର୍ଯ୍ୟକାଳ କ୍ଷମତାରେ ରହିବେ। ନିକଟରେ କୌଣସି ଚାଇନା ନେତା ଏଭଳି କରିପାରି ନାହାଁନ୍ତି।
କିନ୍ତୁ ଏହାପୂର୍ବରୁ ଯଦି ଦଳରେ ତାଙ୍କ ବିରୋଧରେ ପରିସ୍ଥିତି ସୃଷ୍ଟି ହୁଏ, ତେବେ ତାଙ୍କୁ ଇସ୍ତଫା ଦେବାକୁ ପଡ଼ିବ ଏବଂ ଅକ୍ଟୋବର ସୁଦ୍ଧା ନେତୃତ୍ୱରେ ପରିବର୍ତ୍ତନ ଆସିବ। ଏହା ଜିନ୍ପିଙ୍ଗ୍ଙ୍କ ପାଇଁ ଏହା ସବୁଠାରୁ ଗୁରୁତ୍ୱପୂର୍ଣ୍ଣ ବିଷୟ।
ଗତ ଦୁଇ ବର୍ଷ ମଧ୍ୟରେ ଜିନପିଙ୍ଗଙ୍କ ଆଭିମୁଖ୍ୟରେ ପରିବର୍ତ୍ତନ ତାଙ୍କର ବିଶ୍ୱ ପରିଚୟକୁ ସୀମିତ କରିଦେଇଛି। ଅନ୍ତର୍ଜାତୀୟ ନିନ୍ଦା ମଧ୍ୟ ଜିନ୍ ପିଙ୍ଗ୍ ଙ୍କ ପାଇଁ ଅସୁବିଧା ସୃଷ୍ଟି କରିଛି। ନିକଟରେ ହଂକଂ ଏବଂ ଜିନଜିଆଙ୍ଗରେ ମାନବିକ ଅଧିକାରର ଉଲ୍ଲଂଘନ ପାଇଁ ଚାଇନା ସମାଲୋଚିତ ହୋଇଛି। ତିବ୍ଦତ ଏବଂ ତାଇୱାନ ଉପରେ ମାନବିକ ଅଧିକାର ଉଲ୍ଲଂଘନ ପ୍ରସଙ୍ଗରେ ଅନ୍ତର୍ଜାତୀୟ ଗୋଷ୍ଠୀ ଅସନ୍ତୁଷ୍ଟ ରହିଛନ୍ତି। ତାଇୱାନ ସହିତ ତିକ୍ତତା ବଢ଼ିବା ପରେ ଜିନପିଙ୍ଗଙ୍କ ବିଦେଶୀ ନେତାଙ୍କୁ ଭେଟିବାରେ ଅନୁପସ୍ଥିତି ନୂଆ ଅସୁବିଧାକୁ ସ୍ପଷ୍ଟ କରିଛି ।
ଜିନପିଙ୍ଗ ଏପର୍ଯ୍ୟନ୍ତ ଚାଇନାରେ ଅଟକି ରହିଛନ୍ତି ବୋଲି କାଲିଫର୍ନିଆ ବିଶ୍ୱବିଦ୍ୟାଳୟର ପ୍ରଫେସର ଭିକ୍ଟର ଶି କହିଛନ୍ତି। ଯେ ଆନ୍ତର୍ଜାତୀୟ ସ୍ତରରେ ନିଜକୁ ଦକ୍ଷ ପ୍ରମାଣ କରିବାର ଆବଶ୍ୟକତାକୁ ଗୁରତ୍ୱ ମନେ କରୁ ନାହାନ୍ତି। ସେ ଘରୋଇସ୍ତରରେ ନିୟନ୍ତ୍ରଣ ବୃଦ୍ଧି କରିବାକୁ ଚେଷ୍ଟା କରୁଛନ୍ତି।
