ଆତକୁ କେହି କେହି ସୀତାଫଳ ବୋଲି କହିଥାଆନ୍ତି । ଏହି ଫଳ ଶରୀର ପାଇଁ ଖୁବ୍ ଉପକାରୀ । ଏଥିରେ କ୍ୟାନସର ସହ ଲଢିବାର ଶକ୍ତି ଥିବା ବେଳେ ଏହା ଡାଇବେଟିସକୁ ବି ନିୟନ୍ତ୍ରଣ କରିଥାଏ ବୋଲି ବିଶେଷଜ୍ଞମାନେ କହିନ୍ତି । ଆତର ମଞ୍ଜି ବହୁ ଉପକାରୀ । ଏବେ ଏହାର ମଞ୍ଜିକୁ ନେଇ ଔଷଧ ତିଆରି କରିବାକୁ ପ୍ରୟାସ ଜାରି ରହିଛି । ବିଳାସପୁର ବିଶ୍ୱବିଦ୍ୟାଳୟର ମାଇକ୍ରୋବାୟୋଲୋଜି ଓ ବାୟୋ-ଇନଫରମେଟିକ୍ସ ବିଭାଗର ଅଧ୍ୟକ୍ଷ ଡା. କେ. କଲାଧର କହିଛନ୍ତି ଏବେ ଆତର ମଞ୍ଜିକୁ ନେଇ ପେଟେଣ୍ଟ କାରାଯିବାକୁ ପ୍ରୟାସ ଚାଲିଛି । ଏହାପରେ ଔଷଧ ତିଆରି କରାଯିବ । ତେବେ ଛତିଶଗଡ, ଅମ୍ବିକାପୁର, ପେଂଡ୍ରା, କାଂକେର, ରାୟପୁରରୁ ସଂଗୃହିତ କିଛି ଆତର ମଞ୍ଜିକୁ ନେଇ ଗବେଷଣା କରାଯିବା ପରେ ଏହାକୁ ପ୍ରଥମେ ଆନ୍ଧ୍ର ପ୍ରଦେଶର ଗିତମ ବିଶ୍ୱବିଦ୍ୟାଳୟକୁ ପଠାଇ ଦିଆଯାଇଛି । ଏହାପରେ କ୍ରୋଏସିୟାରେ ଏହା ଉପରେ ସମ୍ମିଳନୀ ହୋଇଛି । ଯେଉଁଥିରେ ଦେଶ ବିଦେଶରୁ ପ୍ରାୟ ୨୦ ବିଶେଷଜ୍ଞ ଯୋଗ ଦେଇଥିଲେ । ଗବେଷଣା ସମୟରେ ଆତର ମଞ୍ଜିରେ ଚମତ୍କାରୀ ଗୁଣ ଥିବା ଜଣାପଡିଛି । ଏତିରେ ପ୍ରାକୃତିକ ଆଣ୍ଟିଅକ୍ସିଡାଣ୍ଟ, ଭିଟାଭିନ ସି ବହୁ ଅଧିକ ପରିମାଣରେ ରହିଛି । ଭିଟାମିନ୍ ସି ଶରୀରର ରୋଗ ପ୍ରତିରୋଧକ ଶକ୍ତି ବୃଦ୍ଧି କରୁଥିବା ବେଳେ ଏଥିରେ ଭିଟାମିନ୍ ବି ବି ରହିଛି । ଏହା ଶରୀରରେ ରକ୍ତହୀନତା ଦୂର କରିବାରେ ସହାୟକ ହୋଇଥାଏ ।
