ନୂଆଦିଲ୍ଲୀ,୨୧।୬: ରବିବାର ତ୍ରି-ସିରିଜ ଫାଇନାଲରେ ବୈଭବ ସୂର୍ଯ୍ୟବଂଶୀ ୨୯ ବଲ ରୁ ୯୪ ରନ କରିଥିଲେ। ଯଦିଓ ଏହି ମ୍ୟାଚ ରେ ୧୫ ବର୍ଷୀୟ ଖେଳାଳି ଶତକରୁ ବଞ୍ଚିତ ହୋଇଥିଲେ, ମାତ୍ର ୧୧ ବଲ ରୁ ଅର୍ଦ୍ଧଶତକ ହାସଲ କରି ସେ ଇତିହାସ ରଚିଥିଲେ। ସେ କେବଳ ଲିଷ୍ଟ-ଏ କ୍ରିକେଟ ଇତିହାସରେ ନୁହେଁ ବରଂ ଭାରତ ପାଇଁ ଯେକୌଣସି ଫର୍ମାଟରେ ଦ୍ରୁତତମ ଅର୍ଦ୍ଧଶତକର ରେକର୍ଡ ସ୍ଥାପନ କରିଥିଲେ।
ପ୍ରଥମ ଶ୍ରେଣୀ କିମ୍ବା ଲିଷ୍ଟ-ଏ କ୍ରିକେଟ, ଏକଦିବସୀୟ, ଟେଷ୍ଟ କିମ୍ବା ଟି20 ଆନ୍ତର୍ଜାତୀୟ ହେଉ, ଭାରତ ପାଇଁ ଦ୍ରୁତତମ ଅର୍ଦ୍ଧଶତକର ରେକର୍ଡ ବର୍ତ୍ତମାନ ବୈଭବ ସୂର୍ଯ୍ୟବଂଶୀଙ୍କ ନାମରେ ଅଛି। ଉଲ୍ଲେଖନୀୟ, ସେ ଶ୍ରୀଲଙ୍କା ଏ ବିପକ୍ଷରେ ଫାଇନାଲରେ 29 ବଲ ରୁ 94 ରନ କରିଥିଲେ।
ଭାରତ ପାଇଁ ଦ୍ରୁତତମ ଅର୍ଦ୍ଧଶତକ
୧୨ ବଲ ଯୁବରାଜ ସିଂହଙ୍କ ନାମରେ ଭାରତ ପାଇଁ ଟି୨୦ ଅନ୍ତର୍ଜାତୀୟ କ୍ରିକେଟରେ ଦ୍ରୁତତମ ଅର୍ଦ୍ଧଶତକ ରହିଛି। ସେ ୨୦୦୭ ଟି୨୦ ବିଶ୍ୱକପ ସମୟରେ ୧୨ ବଲ ରେ ଅର୍ଦ୍ଧଶତକ ହାସଲ କରିଥିଲେ।
୨୧ ବଲ ଅଜିତ ଅଗରକରଙ୍କ ନାମରେ ଦିନିକିଆ ଅନ୍ତର୍ଜାତୀୟରେ ଦ୍ରୁତତମ ଅର୍ଦ୍ଧଶତକ ରହିଛି। ସେ ୨୦୦୦ ମସିହାରେ ଜିମ୍ବାୱେ ବିପକ୍ଷରେ ୨୧ ବଲରେ ପଚାଶ ରନ ହାସଲ କରିଥିଲେ।
୨୮ ବଲ ରିଷଭ ପନ୍ତ ଟେଷ୍ଟ କ୍ରିକେଟରେ ଭାରତ ପାଇଁ ଦ୍ରୁତତମ ଅର୍ଦ୍ଧଶତକ ହାସଲ କରିଥିଲେ। ସେ ୨୦୨୨ ମସିହାରେ ଶ୍ରୀଲଙ୍କା ବିପକ୍ଷରେ ୨୮ ବଲ ରେ ପଚାଶ ମାରିଥିଲେ।
୧୧ ବଲ ଆକାଶ ଚୌଧୁରୀ ପ୍ରଥମ ଶ୍ରେଣୀ କ୍ରିକେଟରେ ଦ୍ରୁତତମ ଅର୍ଦ୍ଧଶତକ ପାଇଁ ଭାରତୀୟ ରେକର୍ଡ ରଖିଛନ୍ତି। ସେ ରଣଜୀ ଟ୍ରଫିରେ ଅରୁଣାଚଳ ପ୍ରଦେଶ ବିପକ୍ଷରେ ମେଘାଳୟ ପାଇଁ ଖେଳୁଥିବା ସମୟରେ ଏହି ସଫଳତା ପାଇଥିଲେ।
୧୧ ବଲ ଏବେ, ବୈଭବ ସୂର୍ଯ୍ୟବଂଶୀ ଲିଷ୍ଟ-ଏ କ୍ରିକେଟରେ ଦ୍ରୁତତମ ଅର୍ଦ୍ଧଶତକ ପାଇଁ ବିଶ୍ୱ ରେକର୍ଡ ସ୍ଥାପନ କରିଛନ୍ତି। ସେ ଭାରତ ଏ ପାଇଁ ଖେଳୁଥିବା ସମୟରେ ଏହି ସଫଳତା ପାଇଥିଲେ।
