Posted inରାଜ୍ୟ

ଆଶଙ୍କାରେ ଫାସ୍‌ଟାଗ୍‌

ଭୁବନେଶ୍ୱର,୨୬ା୧୨(ବ୍ୟୁରୋ): ଟୋଲ୍‌ ଗେଟ୍‌ରେ ଟ୍ରାଫିକ ଭିଡ଼ କମାଇବା ଓ ତେଲ ବଞ୍ଚାଇବା ପାଇଁ ସମଗ୍ର ଦେଶରେ ୨୦୨୧ ଜାନୁୟାରୀ ପହିଲାରୁ ଯାନବାହନରେ ଫାସ୍‌ଟାଗ୍‌କୁ ବାଧ୍ୟତାମୂଳକ କରାଯାଇଛି। କେନ୍ଦ୍ର ଭୂପୃଷ୍ଠ ପରିବହନ ଓ ଜାତୀୟ ରାଜପଥ ମନ୍ତ୍ରୀ ନୀତିନ ଗଡକରୀ ଏହା ଘୋଷଣା କରିବା ପରେ ମନ୍ତ୍ରଣାଳୟ ପକ୍ଷରୁ ରାଜ୍ୟ ସରକାରଙ୍କୁ ଚିଠି ଲେଖାଯାଇଛି। ତେବେ ଏହାକୁ ଓଡ଼ିଶାରେ କାର୍ଯ୍ୟକାରୀ କରିବା ନେଇ ଆଶଙ୍କା ସୃଷ୍ଟି ହୋଇଛି। ଟୋଲ୍‌ ପ୍ଲାଜାଗୁଡ଼ିକରେ ଭିତ୍ତିଭୂମି ଅଭାବ ଓ ଗାଡିମାଲିକଙ୍କ ମଧ୍ୟରେ ସଚେତନତା ନ ଥିବା ଯୋଗୁ ପହିଲାରୁ ସବୁ ଟୋଲ୍‌ ପ୍ଲାଜାରେ ଏହି ବ୍ୟବସ୍ଥା କାର୍ଯ୍ୟକାରୀ ହେବା ନେଇ ଏକ ପ୍ରକାର ଅନିଶ୍ଚିତତା ଦେଖା ଦେଇଛି।
ଭାରତର ଜାତୀୟ ରାଜପଥ ପ୍ରାଧିକରଣ (ଏନଏଚଏଆଇ) ତଥ୍ୟ ଅନୁଯାୟୀ ରାଜ୍ୟରେ ମୋଟ ୧୧ଟି ଟୋଲ ପ୍ଲାଜା ରହିଛି। ୨୧୫ ଜାତୀୟ ରାଜପଥର ବାଣଜୋଡି, ଢେଙ୍କିକୋଟ, ହାସନପୁର, ୧୬ ନମ୍ବର ଜାତୀୟ ରାଜପଥର ଗୋଡିପଡା, ଗୁରାପାଲି, ମଙ୍ଗୁଳି , ପାଣିକୋଇଲି, ସେରଗଡ, ୬ ନମ୍ବର ଜାତୀୟ ରାଜପଥର ବରଗଡ, ୩୧୬ ରାଜପଥର ପିପିଲି, ୫ ନମ୍ବର(କ) ଜାତୀୟ ରାଜପଥର ଶ୍ରୀରାମପୁରଠାରେ ଟୋଲ୍‌ଗେଟ ରହିଛି। ସେଥିମଧ୍ୟରୁ ମଙ୍ଗୁଳି, ପାଣିକୋଇଲି, ସେରଗଡ ଏବଂ ପିପିିଲି ଟୋଲ ଗେଟ୍‌ରେ ଫାସ୍‌ଟାଗ୍‌ ବ୍ୟବସ୍ଥା ରହିଛି। ହେଲେ ଏନଏଚଏଆଇ ଘରୋଇ ସଂସ୍ଥାଗୁଡିକୁ ଟୋଲ ଆଦାୟ ଦାୟିତ୍ୱ ଦେଇଛି। ଏହି ଗେଟଗୁଡିକରେ ଅଧିକ ଟୋଲ ଆଦାୟ କରାଯାଉଥିବାରୁ ଗାଡି ଚାଳକ ଓ ବସ୍‌ ମାଲିକଙ୍କ ମଧ୍ୟରେ ବାରମ୍ବାର ଅସନ୍ତୋଷ ଦେଖା ଦେଉଛି। ଏପରିକି ଅନେକ ସମୟରେ ଗଣ୍ଡଗୋଳ ଭଳି ପରିସ୍ଥିତି ସୃଷ୍ଟି ହେଉଛି। ଘରୋଇ ସଂସ୍ଥାଗୁଡିକରେ ନିଯୁକ୍ତ କର୍ମଚାରୀ ବଳପୂର୍ବକ ଯାନବାହନଗୁଡିକରୁ ଜବରଦସ୍ତ ଟୋଲ ଆଦାୟ କରୁଥିବା ଅଭିଯୋଗ ହେଉଛି। ବର୍ତ୍ତମାନ ସ୍ଥିତିରେ ୪ଟିରେ ଫାସ୍‌ଟାଗ୍‌ ଲେନ୍‌ କରାଯାଇଛି। ଏପରି ସ୍ଥଳେ ରାଜ୍ୟରେ ଫାସ୍‌ଟାଗ୍‌ ବାଧ୍ୟତାମୂଳକ କାର୍ଯ୍ୟକାରୀ କରିବା ସମୀଚୀନ ନୁହେଁ ବୋଲି ବିଶେଷଜ୍ଞମାନେ ମତ ଦେଉଛନ୍ତି।
କେନ୍ଦ୍ର ସରକାର ୨୦୧୬ରୁ ଦେଶରେ ଟୋଲ୍‌ ଗେଟ୍‌ରେ ଫାସ୍‌ଟାଗ୍‌ ବ୍ୟବସ୍ଥା କାର୍ଯ୍ୟକାରୀ କରିଛନ୍ତି। ୪ଟି ବ୍ୟାଙ୍କ ୨୦୧୬ରେ ୧ ଲକ୍ଷ ଯାନକୁ ଫାସ୍‌ଟାଗ୍‌ ସହ ଯୋଡ଼ି ଥିବାବେଳେ ଏବେ ସୁଦ୍ଧା ଏଦିଗରେ ଆଶନୁରୂପ ଅଗ୍ରଗତି ହୋଇ ନାହିଁ। ୨୦୧୭ ଡିସେମ୍ବର ପହିଲାରୁ ବିକ୍ରି ହୋଇଥିବା ଗାଡ଼ିଗୁଡ଼ିକ ପାଇଁ ଆସନ୍ତା ଜାନୁୟାରୀ ପହିଲାରୁ ଫାସ୍‌ଟାଗ୍‌ ବାଧ୍ୟତାମୂଳକ କରିବାକୁ କେନ୍ଦ୍ର ସରକାର ଜାତୀୟ ମୋଟର ଯାନ ୧୯୮୯କୁ ସଂଶୋଧନ କରିଛନ୍ତି। ଏ ନେଇ ଯାନବାହନ ନିର୍ମାତା ଓ ଡିଲରମାନଙ୍କୁ ଜଣାଇ ଦିଆଯାଇଛି। ଫାସ୍‌ଟାଗ୍‌ କାର୍ଯ୍ୟକାରୀ ହେବାର ୩ ବର୍ଷ ବିତିଯାଇଥିଲେ ସୁଦ୍ଧା ଏ ପର୍ଯ୍ୟନ୍ତ ରାଜ୍ୟରେ ଥିବା ଟୋଲ୍‌ ପ୍ଲାଜାଗୁଡ଼ିକରେ ସମସ୍ତ ଲେନ୍‌କୁ ଫାସ୍‌ଟାଗ୍‌ କରାଯାଇ ପାରିନାହିଁ। ଅର୍ଦ୍ଧାଧିକ ଯାନବାହନ ମଧ୍ୟ ଏ ପର୍ଯ୍ୟନ୍ତ ଫାସ୍‌ଟାଗ୍‌ ପଞ୍ଜୀକୃତ ହୋଇନାହାନ୍ତି। ଯାନବାହନର ମାଲିକମାନେ ଏ ନେଇ ସେତେଟା ସଚେତନ ମଧ୍ୟ ନୁହଁନ୍ତି। ରାଜ୍ୟର ଅଧିକାଂଶ ଟୋଲ୍‌ଗେଟ୍‌ ଘରୋଇ ସଂସ୍ଥା ହାତରେ ରହିଛି। ସେଗୁଡ଼ିକରେ ଫାସ୍‌ଟାଗ୍‌ ବ୍ୟବସ୍ଥା ନାହିଁ। ଫଳରେ ଏହାକୁ ରାଜ୍ୟରେ ବାଧ୍ୟତାମୂଳକ କରାଯିବା ସହଜ ନୁହେଁ ବୋଲି ପରିବହନ ବିଭାଗର ଜଣେ ବରିଷ୍ଠ ଅଧିକାରୀ କହିଛନ୍ତି। କେତେକ ଟୋଲ୍‌ଗେଟ୍‌ରେ ସ୍ଥାନୀୟ ଯାନବାହନକୁ ମାଗଣାରେ ଛଡ଼ାଯାଉଥିବା ବେଳେ ବସ୍‌ଗୁଡ଼ିକ ମଧ୍ୟ ନିର୍ଦ୍ଧାରିତ ଟୋଲ୍‌ ଫି’ ଦେଉନାହାନ୍ତି। ଟୋଲ୍‌ ଫି’ ଦେଲେ ବସ୍‌ ଚଳାଚଳ ସମ୍ଭବ ହେବ ନାହିଁ ବୋଲି ଘରୋଇ ବସ୍‌ ମାଲିକ ସଂଘ ମୁଖପାତ୍ର ଦେବାଶିଷ ନାୟକ କହିଛନ୍ତି। ଘରୋଇ ବସ୍‌ଗୁଡ଼ିକ ଅଳ୍ପ କିଛି ମାସିକିଆ ଟୋଲ୍‌ ଦେଇ ଚଳାଚଳ କରୁଛନ୍ତି। କମ ୍‌ଫି ଆଦାୟ ଯୋଗୁ ହେଉଥିବା କ୍ଷତି ଭରଣା ପାଇଁ ଜାତୀୟ ରାଜପଥ ମନ୍ତ୍ରଣାଳୟ ରାଜ୍ୟ ସରକାରଙ୍କୁ ବାରମ୍ବାର ଅବଗତ କରୁଛିି। ମାଲିକମାନେ ମଧ୍ୟ ଧାର୍ଯ୍ୟ ଟୋଲ୍‌ ଫି’ ଦେଇ ବସ୍‌ ଚଳାଇବାକୁ ନାରାଜ। ଟୋଲ୍‌ ଫି’ ଦେଲେ ବସ୍‌ ଭଡ଼ା ବଢ଼ିବ। ଯାତ୍ରୀଙ୍କ ଉପରେ ଏହାର ପ୍ରଭାବ ପଡ଼ିବ । ଟୋଲ ଫି’ ରାଜ୍ୟ ସରକାର ବହନ କରିବାକୁ ମାଲିକ ସଂଘ ବହୁଦିନରୁ ଦାବିକରି ଆସୁଛି। ଏପରି ସ୍ଥଳେ ବର୍ତ୍ତମାନ ରାଜ୍ୟରେ ଫାସ୍‌ଟାଗ୍‌ ବ୍ୟବସ୍ଥାକୁ ବାଧ୍ୟତାମୂଳକ କରିବା ସହଜସାଧ୍ୟ ନୁହେଁ ବୋଲି ପରିବହନ ବିଭାଗର ସମ୍ପୃକ୍ତ ଅଧିକାରୀ କହିଛନ୍ତି।
ଅନେକ ସମୟରେ ଟୋଲ୍‌ ପ୍ଲାଜା ନିକଟରେ ଦୀର୍ଘ ସମୟ ଧରି ଗାଡ଼ି ଅଟକି ରହୁଛି। ମାନୁଆଲ ବ୍ୟବସ୍ଥାରେ ଟୋଲ୍‌ ଫି’ ଆଦାୟ କରାଯାଉଥିବାରୁ ସମସ୍ୟା ଦେଖାଦେଉଛି। ଏହି ବ୍ୟବସ୍ଥାକୁ ଡିଜିଟାଲ କରିବାକୁ କେନ୍ଦ୍ର ସରକାର ରାଜ୍ୟ ସରକାରଙ୍କୁ ବହୁବାର ଚିଠି ଲେଖିଛନ୍ତି। ତାହା ମଧ୍ୟ ସମ୍ଭବ ହେଉନାହିଁ। ଫାସ୍‌ଟାଗ୍‌ ଏକ ଉତ୍ତମ ପଦକ୍ଷେପ । ଏହାକୁ ବାଧ୍ୟତାମୂଳକ କରିବା ପୂର୍ବରୁ ସମସ୍ତ ଭିତ୍ତିଭୂମିକୁ ସଜାଡ଼ିବା ସହ ଗାଡ଼ି କିଣିବା ବେଳେ ଫାସ୍‌ଟାଗ୍‌ ପଞ୍ଜୀକରଣ ବ୍ୟବସ୍ଥା କରାଗଲେ ଏ ନେଇ ରହିଥିବା ଅଚଳାବସ୍ଥା ଧୀରେ ଧୀରେ ଦୂର ହେବ ବୋଲି ଗାଡ଼ି ମାଲିକ ଦିବାକର ସ୍ବାଇଁ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ବିଜେଡି-ଭାଜପା-କଂଗ୍ରେସକୁ ମୟୂରଭଞ୍ଜରେ ଟକ୍କର ଦେବ ଏହି ଦଳ, ଘୋଷଣା କଲା ପ୍ରାର୍ଥୀ

ମୟୂରଭଞ୍ଜ,୨୯।୩: ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ଶିବୁ ସୋରେନଙ୍କ ଝିଅ ପୁଣିଥରେ ଚଳିତ ନିର୍ବାଚନରେ ମଇଦାନକୁ ଓହ୍ଲାଇଛନ୍ତି। ଝାଡ଼ଖଣ୍ଡ ମୁକ୍ତି ମୋର୍ଚ୍ଚା(JMM) ଶିବୁ ସୋରେନଙ୍କ ଝିଅ ଅଞ୍ଜନି...

ପୈତୃକ ଗାଁରୁ ପ୍ରଚାର ମଇଦାନକୁ ଓହ୍ଲାଇଲେ ପ୍ରଦୀପ

ବରଗଡ଼,୨୯।୩(ପ୍ରେମାନନ୍ଦ ଖମାରୀ): ବରଗଡ଼ ଲୋକସଭା ଆସନ ପାଇଁ ଭାଜପା ପ୍ରଦୀପ ପୁରୋହିତଙ୍କୁ ପ୍ରାର୍ଥୀ କରିଛି। ବରଗଡ଼ ଲୋକସଭା କ୍ଷେତ୍ର ଅଧୀନ ବିଜେପୁର ନିର୍ବାଚନ ମଣ୍ଡଳି ପୈତୃକ...

ନବବିବାହିତ ଯୁବକଙ୍କୁ ଗଳାକାଟି ହତ୍ୟା

ଗଜପତି,୨୯।୩(ଗିରିଧାରୀ ପରିଛା): ଗଜପତି ଜିଲା ଗୋସାଣି ବ୍ଲକ ଗୁରାଣ୍ଡି ଥାନା ଅଧୀନ ତୋଟାଗୁମ୍ବୁଡା ଗାଁରେ ଏକ ଅଘଟଣ ଘଟିଛି। ଜଣେ ନବବିବାହିତ ଯୁବକଙ୍କୁ ଗଳାକାଟି ଅତି...

ମୁଖ୍ୟମନ୍ତ୍ରୀଙ୍କୁ ଭେଟି ଆଶୀର୍ବାଦ କାମନା କଲେ ଦେବେଶ ଆଚାର୍ଯ୍ୟ

ବରଗଡ଼,୨୯ା୩(ପ୍ରେମାନନ୍ଦ ଖମାରୀ): ବରଗଡ଼ ବିଧାନସଭା ନିର୍ବାଚନ ମଣ୍ଡଳୀ ପାଇଁ ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କ୍ରମାଗତ ତୃତୀୟଥର ପାଇଁ ଦେବେଶ ଆଚାର୍ଯ୍ୟଙ୍କ ନାମ...

ଗୁଡ୍‌ ଫ୍ରାଇଡେରେ ପ୍ରାର୍ଥନା କରି ନିର୍ବାଚନ ପ୍ରଚାର ଆରମ୍ଭ କଲେ ଦିଲୀପ ତିର୍କୀ

ସୁନ୍ଦରଗଡ,୨୭ା୩(ଜୟ ନାରାୟଣ ମେଣ୍ଡୁଳି): ଚର୍ଚ୍ଚରେ ପ୍ରାର୍ଥନା କରି ପ୍ରଚାର ଆରମ୍ଭ କରିଛନ୍ତି ବିଜେଡି ଲୋକସଭା ପ୍ରାର୍ଥୀ ଦିଲୀପ ତିର୍କୀ। ପ୍ରାର୍ଥୀ ଘୋଷଣା ହେବା ପରେ ଶୁକ୍ରବାର...

ଭାଜପା ଛାଡ଼ିବା କାରଣ କହିଲେ ପ୍ରକାଶ

ଭୁବନେଶ୍ୱର,୨୯।୩: ଭାଜପା ଛାଡ଼ିବା ପରେ ମୁହଁ ଖୋଲିଛନ୍ତି ସାଲେପୁରର ପୂର୍ବତନ ବିଧାୟକ ପ୍ରକାଶ ବେହେରା। ସେ କହିଛନ୍ତି, ଲୋକଙ୍କ ସେବା କରିବା ସହ ସଙ୍ଗଠନକୁ ମଜଭୁତ...

ଭାଜପା ଛାଡ଼ିଲେ ନୀଳଗିରି ବିଧାୟକ ସୁକାନ୍ତ ନାୟକ, ବିଜେଡିରେ ହୋଇପାରନ୍ତି ସାମିଲ

ନୀଳଗିରି, ୨୯।୩(ପ୍ରଶାନ୍ତ କୁମାର ବିଶ୍ବାଳ): ସବୁ କଳ୍ପନା ଜଳ୍ପନାର ଅନ୍ତ ଘଟାଇ ଭାରତୀୟ ଜନତା ପାର୍ଟି(ଭାଜପା)ରୁ ଇସ୍ତଫା ଦେଇଛନ୍ତି ନୀଳଗିରି ବିଧାୟକ ଛାଡିଲେ ସୁକାନ୍ତ। ଶୁକ୍ରବାର...

ନିର୍ବାଚନ ପୂର୍ବରୁ ବିବାଦୀୟ କୋଟିଆରେ ଡିଜିଟାଲ ମିଟର ବଣ୍ଟନ ଆରମ୍ଭ କଲା ଆନ୍ଧ୍ର

ଭୁବନେଶ୍ୱର,୨୯।୩: ଓଡ଼ିଶାର କୋରାପୁଟ ଜିଲାର ପଟାଙ୍ଗୀ ବ୍ଲକ ଅନ୍ତର୍ଗତ କୋଟିଆ ଅଂଚଳରେ ଆନ୍ଧ୍ରପ୍ରଦେଶ ବିବାଦୀୟ ଅଞ୍ଚଳରେ କ୍ରମାଗତ ଭାବରେ ଅନୁପ୍ରବେଶ କରୁଛି ଏବଂ ସ୍ଥାନୀୟ ବାସିନ୍ଦାଙ୍କୁ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri