ଚମ୍ପୁଆ, ୨୫।୨(ଡି.ଏନ.ଏ.)-ଧାନ ମଣ୍ଡିରେ ବ୍ୟାପକ ଅବ୍ୟବସ୍ଥାକୁ ନେଇ ଚାଷୀଙ୍କ ମଧ୍ୟରେ ଅସନ୍ତୋଷ ବଢିବାରେ ଲାଗିଛି। ମଣ୍ଡି ଅଧିକାରୀଙ୍କ ସହ ଯୁକ୍ତିତର୍କ ହେବାପରେ ଚାଷୀମାନେ ବୁଧବାର ରାଜରାସ୍ତାରେ ଧାନବସ୍ତା ରଖି ଅବରୋଧ କରିଥିବା ବେଳେ ପୋଲିସ ଓ ଯୋଗାଣ ବିଭାଗ ପହଞ୍ଚିବାପରେ ରାସ୍ତାଅବରୋଧ ହଟିଥିଲା।
ଖବର ଅନୁସାରେ ଚମ୍ପୁଆ ଲ୍ୟାମ୍ପ ଅଧୀନରେ ଥିବା ରଜିଆ ଧାନ ମଣ୍ଡିରେ ଆଜି ଲ୍ୟାମ୍ପ ପକ୍ଷରୁ ଚାଷୀଙ୍କଠାରୁ ଧାନ କିଣା ଯାଉଥିଲା। ମାତ୍ର ଚାଷୀଙ୍କଠାରୁ ଟୋକନ ଅନୁସାରେ ପରିମାଣ ଅନୁଯାୟୀ ଧାନ କିଣିବାକୁ ମଣ୍ଡି କର୍ତ୍ତୃପକ୍ଷ ମନାକରିବା, ସିରିୟଲ ଅନୁସାରେ ଧାନ କିଣୁ ନ ଥିବା, ପୂର୍ବରୁ ୨୦ ତାରିଖ ପର୍ଯ୍ୟନ୍ତ ସମୟ ଥିବା ଟୋକନରେ ଧାନ ନ କିଣିବା, ଝାଡଖଣ୍ଡ ଓ ମୟୂରଭଞ୍ଜ ଅଞ୍ଚଳର ଧାନ କିଣୁଥିବା, ଟୋକନରେ ୩୦ କୁଇଣ୍ଟାଲ ଧାନ ବିକ୍ରି ବ୍ୟବସ୍ଥା ଥିବା ବେଳେ ୧୫ କୁଇଣ୍ଟାଲ କିଣା ହେବା। ଏପରିକି ଚିହ୍ନାମୁହଁ ଦେଖି ଅଗ୍ରାଧିକାର ଦେବା ଆଦିକୁ ଅଭିଯୋଗ କରି ଚାଷୀମାନେ ଧାନବସ୍ତା ଗୁଡିକୁ ଜାତୀୟ ରାଜପଥ ଉପରେ ରଖି ରାସ୍ତା ଅବରୋଧ କରିଥିଲେ। ସକାଳ ୧୦ଟାରୁ ଏହି ରାସ୍ତା ଅବରୋଧ ହୋଇଥିବା ବେଳେ ୨ଘଣ୍ଟା ପରେ ପୋଲିସ ଓ ବିଭାଗୀୟ ଅଧିକାରୀ ପହଞ୍ଚି ଚାଷୀଙ୍କୁ ବୁଝାଇବା ପରେ ଅବରୋଧ ହଟିଥିଲା। ଏନେଇ ଲ୍ୟାମ୍ପ ଏମଡି ବିଭୂତି ଗିରି କହିଛନ୍ତି, ସରକାର ଦେଇଥିବା ଧାର୍ଯ୍ୟ ଅନୁସାରେ ଧାନ କିଣା ହେଉଛି ମାତ୍ର ଯେଉଁ ଚାଷୀଙ୍କ ଟୋକନ ଅବଧି ସରିଯାଇଛି ତାଙ୍କ ଠାରୁ ଧାନ କିଣାଯାଇପାରୁ ନାହଁି। ଗତ କାଲି ଆସିଥିବା ଏମଏଏସ ଅନୁସାରେ ମିଳିଥିବା ଟାର୍ଗଟେ ଅନୁଯାୟୀ ଆମେ ଧାନ କ୍ରୟ କରୁଛୁ। ଯେଉଁମାନେ ରେଜିଷ୍ଟେଶନ କରିଥିଲେ ଆମେ ତାଙ୍କ ଧାନ କ୍ରୟ କରୁଛୁ।
