ପାଟଣା,୧୩ା୩ (ସ୍ବ.ପ୍ର.): କେନ୍ଦୁଝର ଜିଲା ପାଟଣା ବ୍ଲକ୍ ଧନୁର୍ଯ୍ୟୟପୁର ଗାଁର ପଟାସ ଜଙ୍ଗଲରେ ଲାଗିଥିବା ନିଆଁ ଗାଁକୁ ମାଡ଼ିଯାଇଛି। ନିଆଁ ଲାଗି ଗ୍ରାମର ଦିବ୍ୟାଙ୍ଗ ଚାଷୀ ରଇବୁ ମହାନ୍ତଙ୍କ କଦଳୀ ବଗିଚା ସହ ପନିପରିବା ଚାଷ ନଷ୍ଟ ହୋଇଯାଇଛି। ଏଥିସହ ଆଖୁ ବାଡ଼ି ଓ ପାଳଗଦା ଜଳିଯାଇଛି। ଖବର ପାଇ ବନ ବିଭାଗ କର୍ମଚାରୀ ପହଞ୍ଚତ୍ ନିଆଁକୁ ଆୟତ୍ତ କରିଥିଲା। ଫଳରେ ନିଆଁ ଦାଉରୁ ତାଙ୍କ ଘର ଅଳ୍ପକେ ବର୍ତ୍ତି ଯାଇଛି। ନିଆଁର ପ୍ରକୋପ ଏତେ ତୀବ୍ର ଥିଲା ଯେ, ୧୨ ଫୁଟ ଉପରେ ଥିବା କଦଳୀ କାନ୍ଧି ଜଳି ନଷ୍ଟ ହୋଇଯାଇଛି। ସୂଚନା ଯୋଗ୍ୟ, ରଇବୁ ୮୦ ପ୍ରତିଶତ ଦିବ୍ୟାଙ୍ଗ ହୋଇ ମଧ୍ୟ କଠିନ ପରିଶ୍ରମ କରି ବଗିଚାରେ ସୁନାର ଫସଲ ଫଳାଇଥିଲେ। ନିଆଁ ଲାଗି ବଗିଚା ପୋଡ଼ି ଯିବା ପରେ ସେ ଚିନ୍ତାରେ ପଡ଼ିଛନ୍ତି। ରଇବୁଙ୍କୁ ସରକାରୀ ସହାୟତା ଯୋଗାଇଦେବାକୁ ସ୍ଥାନୀୟ ଅଞ୍ଚଳବାସୀ ଦାବି କରିଛନ୍ତି।
