କେନ୍ଦୁଝର,୨୨ା୧(ସ୍ବ.ପ୍ର.): କେନ୍ଦୁଝର ବାଂଶପାଳ ବ୍ଲକରେ ଜଣେ ଓ୍ବେବ ଖବରଦାତା ରିପୁନ ବାରିକଙ୍କ ପ୍ରତି କରିଥିବା ଅତ୍ୟାଚାର ଓ ମିଥ୍ୟା ମୋକଦ୍ଦମା ଘଟଣାକୁ ନେଇ ଯାଜପୁରର ମାନବାଧିକାର ରକ୍ଷକ ନାରାୟଣ ରଥ ଜାତୀୟ ମାନବାଧିକାର ଆୟୋଗଙ୍କ ପାଖେ ଏକ ଅଭିଯୋଗ କରିଥିଲେ। ଏହି କେସ୍ ନଂ ୬୭/୧୮ା୭ାା୨୩। ଯାହା ତା ୧୨ା୧ା୨୩ରେ ପଞ୍ଜୀକୃତ ହୋଇଛି। ମାନବାଧିକାର କମିଶନ ନ୍ୟାୟମୂର୍ତ୍ତି ଅରୁଣ କୁମାର ମିଶ୍ର କେନ୍ଦୁଝର ଏସ୍ପିଙ୍କୁ ଆକ୍ସନ ଡେଟ୍ ତା୨୦ା୧ା୨୩ରୁ ୮ ସପ୍ତାହ ଭିତରେ ଏହି ନିର୍ଯାତନା ଘଟଣାର ତଦନ୍ତ କରି ନ୍ୟାୟ ପ୍ରଦାନ କରି ଅଭିଯୋଗକାରୀଙ୍କୁ ଜଣାଇବାକୁ ନିର୍ଦ୍ଦେଶ ଦେଇଛନ୍ତି।
ପ୍ରକାଶ ଯେ, ରିପୁନ ଏକ ସମସ୍ୟା ବହୁଳ ଖବର ପ୍ରସାରଣ କରିଥିଲେ। ଏହି କାମକୁ ନେଇ ବିଡିଓଙ୍କ ବାଇଟ୍ ନେବାକୁ ଚେଷ୍ଟା କଲା ବେଳେ ସେ ନ ଦେଇ ଓଲଟା ଦୁର୍ବ୍ୟବହାର କରିଥିଲେ। ରିପୁନ ସେଠାରୁ ଚାଲି ଆସିବା ବେଳେ ବାଟରେ କିଛି ମଦ୍ୟପ ଠିକାଦାର ତାଙ୍କ ଇଙ୍ଗିତରେ ରିପୁନଙ୍କୁ ଆକ୍ରମଣ କରିଥିବା ଅଭିଯୋଗ ହୋଇଛି। ତେଣୁ ଜୀବନ ବଞ୍ଚାଇବାକୁ ସେ ନୟାକୋଟ ଥାନା କଲେ କିନ୍ତୁ ଓଲଟା ସେଠାକାର ଥାନା ଅଧିକାରୀ ତୁମ ନାମରେ ପୂର୍ବରୁ କେସ୍ ଅଛି କହିଲେ ଗ୍ରହଣ କରି ନ ଥିଲେ। ପରେ ରିପୁନଙ୍କୁ ଗିରଫ କରାଯାଇଥିଲା। ଦୀର୍ଘ ୨୧ ଦିନ ପରେ ରିପୁନ ଜେଲରୁ ଜାମିନରେ ଆସିବା ପରେ ପୁଣି ଆଉ ଏକ ମାମଲା ତାଙ୍କ ବିରୋଧରେ ଥିବା ଜାଣି ଜାମିନରେ ଗଲେ।
