ବେଜିଂ,୧୬ ।୩: ପଳାତକ ତଥା ନିର୍ବାସିତ ଚାଇନା ବ୍ୟବସାୟୀ ଗୁଓ ୱେଙ୍ଗୁଇଙ୍କୁ ବୁଧବାର(ସ୍ଥାନୀୟ ସମୟ) ନୁ୍ୟୟର୍କରୁ ଗିରଫ କରାଯାଇଛି । ଗୁଓ ୱେଙ୍ଗୁଇ ତାଙ୍କର ହଜାର ହଜାର ଅନଲାଇନ ଅନୁସରଣକାରୀଙ୍କୁ ଏକ ବିଲିୟନ(ଆମେରିକୀୟ ଡଲାର) ଠକିଥିବା ଅଭିଯୋଗ ହୋଇଛି । ନୁ୍ୟୟର୍କ ଦକ୍ଷିଣ ଜିଲାର ଆମେରିକା ଆଇନ ବିଭାଗ ଏକ ବିବୃତ୍ତିରେ ଏହି ସୂଚନା ଦେଇଛି ।
ଗୁଓ ୱେଙ୍ଗୁଇ ଏବଂ ଜଣେ ସହ ଅଭିଯୁକ୍ତ ବିଭିନ୍ନ ଆର୍ଥିକ ରିଟର୍ନ ଏବଂ ଅନ୍ୟାନ୍ୟ ସୁବିଧା ପ୍ରତିଜ୍ଞା କରି ବିଭିନ୍ନ ସଂସ୍ଥା ତଥା କାର୍ଯ୍ୟକ୍ରମରେ ବିନିଯାଗ କରିବାକୁ ଜନସାଧାରଣଙ୍କୁ ଆକର୍ଷିତ କରିବାକୁ କୁ’ର ଅଲାଇନ ଉପସ୍ଥିତିର ସୁଯୋଗ ନେଇଥିଲେ । ନୁ୍ୟୟର୍କର ଦକ୍ଷିଣ ଜିଲା ପାଇଁ ଆମେରିକାର ଆଟର୍ନି ଡେମିୟନ ୱିଲିୟମ୍ସ ଏହି ମାମଲାରେ କହିଛନ୍ତି ଯେ ପଳାତକ ବ୍ୟବସାୟୀ ନିଜ ପକେଟ ପୁରଣ କରିବାକୁ ଠକେଇ କରିଥିବା ଅଭିଯୋଗ ହୋଇଛି । ଯେଉଁଥିରେ ୫୦,୦୦୦ ବର୍ଗଫୁଟର ଏକ ଘର, ୩୫ ମିଲିୟନ ଡଲାରର ଫେରାରି ଓ ୩୬,୦୦୦ ୟୁଏସଡି ଗଦେ୍ଦ କ୍ରୟ କରିବାର ଅଭିଯୋଗ ରହିଛି ।
