ବଲିଉଡର ସବୁଠାରୁ ସୁନ୍ଦର ଅଭିନେତ୍ରୀମାନଙ୍କ ମଧ୍ୟରୁ ମମତାଜ ଅନ୍ୟତମ। ଅନେକ ଫିଲ୍ମରେ କାମ କରି ସେ ଦର୍ଶକଙ୍କ ହୃଦୟରେ ସ୍ବତନ୍ତ୍ର ସ୍ଥାନ ସୃଷ୍ଟି କରିଥିଲେ। ୬୦ ଓ ୭୦ ଦଶକରେ ମମତାଜ ବଲିଉଡରେ ରାଜ କରିଥିଲେ। ଅନ୍ୟପକ୍ଷରେ ଶମି କପୁର ଜଣେ ରୋମାଣ୍ଟିକ ହିରୋ ଭାବରେ ବଲିଉଡରେ ବହୁତ ଲୋକପ୍ରିୟ ଥିଲେ। ସେ ପ୍ରସିଦ୍ଧ ଅଭିନେତ୍ରୀ ଗୀତା ବାଲିଙ୍କୁ ପ୍ରେମ ବିବାହ କରିଥିଲେ। ତେବେ ତାଙ୍କ ପିତା ପୃଥୀରାଜ କପୁର ଏବଂ ଗୀତାଙ୍କ ପରିବାର ଏହି ବିବାହକୁ ବିରୋଧ କରିଥିଲେ। ଏ ନେଇ ଦୁହେଁ ମନ୍ଦିରରେ ବିବାହ କରିଥିଲେ। ବିବାହ ପରେ ଉଭୟଙ୍କ ପରିବାର ଏହି ବିବାହରେ ସହମତ ହୋଇଥିଲେ। ଶମି ଏବଂ ଗୀତାଙ୍କର ଦୁଇଟି ସନ୍ତାନ ଥିଲେ। ସେମାନଙ୍କ ବିବାହର ମାତ୍ର ୧୦ବର୍ଷ ପରେ ଗୀତା ରୋଗରେ ମୃତ୍ୟୁ ବରଣ କଲେ।
ପରେ ତାଙ୍କ ଘର ଲୋକ ଦୁଇ ଛୁଆଙ୍କ ଯତ୍ନ ପାଇଁ ତାଙ୍କୁ ଦ୍ୱିତୀୟ ବିବାହ କରିବାକୁ କହିଥିଲେ। ଏହି ସମୟରେ ଫିଲ୍ମ ବ୍ରହ୍ମଚାରି ଶୁଟିଂ ଚାଲିଥିଲା। ଶୁଟିଂ ସେଟ୍ରେ ମମତାଜ କହିଥିଲେ, ଶମି ତାଙ୍କ ଉପରେ ଫିଦା। ସେ ତାଙ୍କର ପ୍ରଥମ କ୍ରସ। ପରେ ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ଗଢ଼ିଉଠିଲା। ଦୁହେଁ ବହୁତ ନିକଟତର ହୋଇଥିଲେ। ଦିନେ ଶମିି ମମତାଜଙ୍କୁ ବିବାହ ପ୍ରସ୍ତାବ ଦେଇଥିଲେ।
ସେ ମଧ୍ୟ ସର୍ତ୍ତ ରଖିଥିଲେ ଯେ, ବିବାହ ପରେ ସେ ଫିଲ୍ମରେ କାମ କରିବେ ନାହିଁ, ବରଂ ଘରେ ରହି ନିଜ ପିଲାମାନଙ୍କର ଯତ୍ନ ନେବେ। ମମତାଜ ସେତେବେଳେ ୧୮ ବର୍ଷ ହୋଇଥିଲେ ଏବଂ ବଲିଉଡରେ ନିଜର ପରିଚୟ ସୃଷ୍ଟି କରିବାକୁ ସଂଘର୍ଷ କରୁଥିଲେ। ଶମିଙ୍କ ଏହି ସର୍ତ୍ତ ଅଫର ଶୁଣି ସେ ଆଶ୍ଚର୍ଯ୍ୟ ହୋଇଗଲେ।
ଶମି ତାଙ୍କଠାରୁ ପ୍ରାୟ ୧୬ ବର୍ଷ ବଡ ଥିଲେ। ବୟସର ଏହି ବ୍ୟବଧାନ ଏବଂ ମମତାଜଙ୍କ ସାମ୍ନାରେ ଦୀର୍ଘ କ୍ୟାରିଅର୍, ଏହାକୁ ବିଚାର କରିବା ପରେ ମମତାଜ ଶମିଙ୍କ ପ୍ରସ୍ତାବକୁ ପ୍ରତ୍ୟାଖ୍ୟାନ କରିଥିଲେ। ଶମିି ହୃଦୟ ଭାଙ୍ଗି ଯାଇଥିଲା। ପରେ ସେ କୌଣସି ନାୟିକାଙ୍କୁ ବିବାହ ନକରିବାକୁ ସ୍ଥିର କଲେ ଏବଂ ନୀଲା ଦେବୀଙ୍କୁ ବିବାହ କରିଥିଲେ।
