ସତର୍କ ପରେ ବି ଚେତା ପଶୁନି

ଭୁବନେଶ୍ୱର,୧୫।୭: ଓଡ଼ିଶାରେ ଆତଙ୍କବାଦୀଙ୍କ ଅନୁପ୍ରବେଶ ସମ୍ପର୍କରେ ପୂର୍ବରୁ ରାଜ୍ୟ ଗୋଇନ୍ଦା ବିଭାଗକୁ ସୂଚନା ଦିଆଯାଇଛି। ପାକିସ୍ତାନ ସମେତ ବାଂଲାଦେଶୀ ଆତଙ୍କବାଦୀଙ୍କ ପକ୍ଷରୁ ବିପଦ ରହିଥିବା ନ୍ୟାଶନାଲ ଇନ୍‌ଭେଷ୍ଟିଗେଶନ ଏଜେନ୍ସି (ଏନ୍‌ଆଇଏ)ର ତତ୍‌କାଳୀନ ମୁଖ୍ୟ ଯୋଗେଶ ଚନ୍ଦ୍ର ମୋଦି ଓଡ଼ିଶା ସମେତ ବିଭିନ୍ନ ରାଜ୍ୟକୁ ସତର୍କ କରାଇଥିଲେ। ବିଶେଷକରି ଓଡ଼ିଶା, ଆସାମ ଓ ଝାଡ଼ଖଣ୍ଡ ଆଦି ରାଜ୍ୟରେ ଜମ୍ମାତ-ଉଲ୍‌ ମୁଜାହିଦ୍ଦିନ ବାଂଲାଦେଶ (ଜେଏମ୍‌ବି) ଆତଙ୍କବାଦୀଙ୍କ ଗତିବିଧି ବୃଦ୍ଧି ଘଟିଥିବା ଏନ୍‌ଆଇଏ ୨୦୨୦ରେ ସତର୍କ ଜାରି କରିଥିଲା। ଏପରି କି ଜେଏମ୍‌ବି ସହିତ ଜଡ଼ିତ ୧୨୫ସନ୍ଦିଗ୍ଧଙ୍କ ତଥ୍ୟ ବିଭିନ୍ନ ରାଜ୍ୟରେ ଥିବା ଗୋଇନ୍ଦା ଏଜେନ୍ସିକୁ ପଠାଯାଇଥିଲା। ଏହି ସତର୍କତା ପରେ ବି ରାଜ୍ୟ ଗୋଇନ୍ଦା ବିଭାଗ ଆତଙ୍କବାଦୀଙ୍କ ସମ୍ପର୍କରେ ସାମାନ୍ୟତମ ସୂଚନା ପାଇପାରୁ ନାହିଁ। ଏବେ କୋଲକାତା ପୋଲିସର ସ୍ପେଶାଲ ଟାସ୍କ ଫୋର୍ସ ୩ ବାଂଲାଦେଶୀ ଆତଙ୍କବାଦୀଙ୍କୁ ଗିରଫ କରିବା ପରେ ଓଡ଼ିଶାରେ ଆତଙ୍କବାଦୀଙ୍କ ଉପସ୍ଥିତିକୁ ନେଇ ପ୍ରଶ୍ନବାଚୀ ସୃଷ୍ଟି କରିଛି। କୋଲକତା ପୋଲିସର ଜଣେ ଅଧିକାରୀଙ୍କ ସୂଚନା ମୁତାବକ ପ୍ରାୟ ୧୫ଜଣ ବାଂଲାଦେଶୀ ଆତଙ୍କବାଦୀ ଭାରତକୁ ଅନୁପ୍ରବେଶ କରିଥିବାବେଳେ ଏମାନଙ୍କ ମଧ୍ୟରୁ ୧୦ଜଣ ଓଡ଼ିଶା, ବିହାର ଓ ଝାଡ଼ଖଣ୍ଡରେ ରହିଥିବା ଜଣାପଡ଼ିଛି। ଗିରଫ ଆତଙ୍କବାଦୀମାନେ ଜାଲ୍‌ କାଗଜପତ୍ରରେ ଭାରତରେ ପ୍ରବେଶ କରିବା ସହ ଘରଭଡ଼ାରେ ରହି ଫଳ ଓ ମଶାରି ଆଦି ବିକ୍ରି କରୁଥିବା କୋଲକାତା ପୋଲିସ କହିଛି।
ରାଜ୍ୟର ଉପକୂଳବର୍ତ୍ତୀ ଜିଲାଗୁଡ଼ିକରେ ବାଂଲାଦେଶୀଙ୍କ ଗତିବିଧି ଏବେ ଦେଖିବାକୁ ମିଳୁଛି। ନିଜକୁ କୋଲକାତାର ବାସିନ୍ଦା କହି ସହର ଓ ଗାଁ ବୁଲି ବୁଲି ଫେରି ବେପାର କରୁଥିଲେ ମଧ୍ୟ ଏମାନଙ୍କ ଉପରେ ଗୋଇନ୍ଦା ବିଭାଗର ନଜର ପଡୁନି। ଅନ୍ୟପକ୍ଷରେ କେନ୍ଦ୍ରାପଡ଼ା, ଭଦ୍ରକ, ବାଲେଶ୍ୱର, ଜଗତ୍‌ସିଂହପୁର ଆଦି ଜିଲାର ଉପକୂଳ ଅଞ୍ଚଳରେ ବାଂଲାଦେଶୀ ଶରଣାର୍ଥୀମାନେ ସ୍ଥାୟୀ ବାସିନ୍ଦା ପାଲଟିଯାଇଥିବାରୁ ସେମାନଙ୍କ ପାଖରେ ମଧ୍ୟ ଆତଙ୍କବାଦୀମାନେ ଆଶ୍ରୟ ନେଉଥିବା ଆଶଙ୍କା କରାଯାଉଛି। ବହୁ ବାଂଲାଦେଶୀ ଅନୁପ୍ରବେଶକାରୀ ଓଡ଼ିଶାର ମତ୍ସ୍ୟଜୀବୀ ଭାବେ ରହିଥିବା ମଧ୍ୟ ନଜିର ରହିଛି। ତେବେ ଏମାନଙ୍କ କାର୍ଯ୍ୟକଳାପ ଉପରେ ରାଜ୍ୟ ଗୋଇନ୍ଦା ବିଭାଗ ପକ୍ଷରୁ ନିୟମିତ ନଜର ରଖାଯାଉ ନ ଥିବାରୁ ଆଗକୁ ଓଡ଼ିଶା ପାଇଁ ଦେଶର ସୁରକ୍ଷା ବିପନ୍ନ ହେବ ବୋଲି ମତପ୍ରକାଶ ପାଇଲାଣି। ପ୍ରତିରକ୍ଷା ବିଶେଷଜ୍ଞ କମଳାକାନ୍ତ ଦାସଙ୍କ କହିବା ଅନୁସାରେ ଓଡ଼ିଶାରେ ଅନ୍ୟ ରାଜ୍ୟଭଳି ହିଂସାତ୍ମକ କାର୍ଯ୍ୟକଳାପ ନ ଥିବାରୁ ଆତଙ୍କବାଦୀମାନେ ଏହାକୁ ସୁରକ୍ଷିତ ସ୍ଥାନ ବୋଲି ଭାବୁଛନ୍ତି। ଉତ୍ତର ପ୍ରଦେଶ ଓ ବିହାର ଭଳି ଏଠାରେ ସାମ୍ପ୍ରଦାୟିକ ହିଂସା ନାହିଁ, ତେଣୁ ଏଠାକାର ପୋଲିସ ମଧ୍ୟ ସେଦିଗରେ ଅଧିକ ତଦନ୍ତ କରୁନାହିଁ। ଏପରି କି ଏଠାରେ ଆତଙ୍କବାଦୀ କାର୍ଯ୍ୟକଳାପ ମଧ୍ୟ ସେତେଟା ନାହିଁ। ହେଲେ ଏବେ ସ୍ଥିତି କିନ୍ତୁ ଭିନ୍ନ ହେଲାଣି। କୌଣସି ବି ସମୟରେ ଆତଙ୍କବାଦୀମାନେ ହିଂସା ଘଟାଇ ପାରନ୍ତି। ତେଣୁ ଓଡ଼ିଶା ପୋଲିସର ଗୋଇନ୍ଦା ବିଭାଗକୁ ଦୃଢ କରିବା ସହ ରାଜ୍ୟ ସରକାର ଆଣ୍ଟି ଟେରୋରିଷ୍ଟ ସ୍କ୍ବାଡ୍‌ ଗଠନ କରିବା ଆବଶ୍ୟକ। ଫଳରେ ଆତଙ୍କବାଦ କାର୍ଯ୍ୟକଳାପ ଓ ଆତଙ୍କବାଦୀଙ୍କ ଉପରେ ଗୋଇନ୍ଦା ତଥ୍ୟ ଯୋଗାଡ଼ କରାଯାଇ ପାରିବ। ଏନେଇ ଗୋଇନ୍ଦା ନିର୍ଦ୍ଦେଶକ ଲଳିତ ଦାସ କହିଛନ୍ତି, ଗିରଫ ଆତଙ୍କବାଦୀଙ୍କ ଓଡ଼ିଶା ସହ କୌଣସି ସମ୍ପର୍କ ନାହିଁ। ପଶ୍ଚିମବଙ୍ଗ ପୋଲିସ ନିକଟରୁ ମଧ୍ୟ ସେମିତି କୌଣସି ସୂଚନା ଆସିନାହିଁ। ଏହା ଏକ ଭିତ୍ତିହୀନ କଥା, ଏଥିରେ କୌଣସି ସତ୍ୟାସତ୍ୟ ନାହଁ। ପୂର୍ବ ସତର୍କତା ଅନୁସାରେ ଆମେ ସଜାଗ ଅଛୁ ଓ ରାଜ୍ୟରେ ସମସ୍ତ ଦିଗକୁ ଗୋଇନ୍ଦା ନଜର ରଖିଥିବା ଦାସ କହିଛନ୍ତି।
ବିଗତ ଦିନରେ ଓଡ଼ିଶାରେ ଘଟିଥିବା ଆତଙ୍କବାଦ ଘଟଣାକୁ ତର୍ଜମା କଲେ ରାଜ୍ୟ ଗୋଇନ୍ଦା ବିଭାଗର କାର୍ଯ୍ୟଧାରା ଓ ଅଧିକାରୀଙ୍କ ବୟାନ ବାସ୍ତବତା ସହଜରେ ବାରି ହୋଇପଡୁଛି। ଏନ୍‌ଆଇଏର ସୂଚନାକୁ ଆଧାର କରି ଆତଙ୍କବାଦୀ ଲିଙ୍କ୍‌ ନେଇ ୨୦୧୫ଜାନୁୟାରୀ ୨୪ରେ ଚାନ୍ଦିପୁର ଆଇଟିଆର୍‌ରେ ଠିକା ଭାବେ କାମକରୁଥିବା କ୍ୟାମେରାମ୍ୟାନ୍‌ ତଥା ମୟୂରଭଞ୍ଜର ଈଶ୍ୱର ଚନ୍ଦ୍ର ବେହେରାଙ୍କୁ ବାଲେଶ୍ୱର ପୋଲିସ ଗିରଫ କରିଥିଲା। ପାକିସ୍ତାନର ଆତଙ୍କବାଦୀ ସଙ୍ଗଠନ ଆଇଏସ୍‌ଆଇ ଏଜେଣ୍ଟ ଭାବେ କାର୍ଯ୍ୟ କରୁଥିବା ଓ ଡିଆର୍‌ଡିଓର ଗୁରୁତ୍ୱପୂର୍ଣ୍ଣ ଫଟୋ ସହ ତଥ୍ୟ ପଠାଉଥିବା ନେଇ ଈଶ୍ୱରଙ୍କ ବିରୋଧରେ ଅଭିଯୋଗ ରହିଥିଲା। ସେହିବର୍ଷ ଅକ୍ଟୋବର ୧୫ରେ ଅଲ୍‌କଏଦା ଆତଙ୍କବାଦୀ ସଂଗଠନର ସଦସ୍ୟ ଅବଦୁର୍‌ ରହମନଙ୍କୁ ଦିଲ୍ଲୀ ପୋଲିସ୍‌ର ସ୍ବତନ୍ତ୍ର ସେଲ୍‌ କଟକ ଜଗତପୁରରୁ ଗିରଫ କରିଥିଲା। ରହମାନ ନିଜ ସଂଗଠନର ୫ ସଦସ୍ୟଙ୍କୁ କଟକ ଲାଲ୍‌ବାଗ ଥାନା ଓଡ଼ିଆ ବଜାରରେ ଘର ଭଡ଼ା ନେଇ ରଖିଥିଲେ। ସେହିଭଳି ୨୦୧୬ ଫେବୃୟାରୀ ୧୬ରେ ରାଉରକେଲାର କ୍ୟୁରେସି ମହଲ୍ଲାସ୍ଥିତ ଏକ ଭଡ଼ାଘରୁ ଜଣେ ମହିଳାଙ୍କ ସମେତ ୫ଜଣ ଫେରାର ସିମି ଆତଙ୍କବାଦୀଙ୍କୁ ତେଲଙ୍ଗାନା କାଉଣ୍ଟର ଇଣ୍ଟେଲିଜେନ୍ସ ସେଲ୍‌ ଗିରଫ କରିିଥିଲା। ୨୦୧୮ ଅଗଷ୍ଟ ୫ରେ ଲଶ୍କର-ଇ-ତୋଏବା ଆତଙ୍କବାଦୀ ସଂଗଠନର ସଦସ୍ୟ ହବିବୁର ରହମାନଙ୍କୁ ଏନ୍‌ଆଇଏ କେନ୍ଦ୍ରାପଡ଼ା ପାଟକୁରା ଥାନା ଅଞ୍ଚଳରୁ ଗିରଫ କରିଥିଲା। ତେବେ ଏସବୁ ଘଟଣାରେ ରାଜ୍ୟ ଗୋଇନ୍ଦା ବିଭାଗ ନିଜ ଆଡୁ ପ୍ରଥମେ ସୂଚନା ପାଇବାରେ ବିଫଳ ହୋଇଥିଲା।


Enter your email to get our daily news in your inbox.

All Right Reserved By Dharitri.Com

ଖୋର୍ଦ୍ଧା-ବଲାଙ୍ଗୀର ରେଳ ପ୍ରକଳ୍ପକୁ ନେଇ ପ୍ରତିକ୍ରିୟା ରଖିଲେ ରେଳମନ୍ତ୍ରୀ

ବଲାଙ୍ଗୀର ଅଫିସ, ୨୩ା୮: କେନ୍ଦ୍ର ରେଳ, ସଞ୍ଚାର ଓ ସୂଚନା ପ୍ରଯୁକ୍ତି ମନ୍ତ୍ରୀ ଅଶ୍ୱିନୀ ବୈଷ୍ଣବ ଜନ ଆଶୀର୍ବାଦ ଯାତ୍ରାରେ ରବିବାର ବଲାଙ୍ଗୀର ଜିଲାର ବିଭିନ୍ନ...

ପେଟ୍ରୋଲ ପମ୍ପ ବିସ୍ଫୋରଣ: ମାସେ ପରେ ବି ଆସୁନି ସତ

ଭୁବନେଶ୍ୱର,୮ା୧୧(ବ୍ୟୁରୋ): ରାଜଭବନ ନିକଟ ଇଣ୍ଡିଆନ ଅଏଲ ପେଟ୍ରୋଲ ପମ୍ପ ବିସ୍ଫୋରଣ ଘଟଣାକୁ ଇତିମଧ୍ୟରେ ମାସେ ପୂରିଛି। ହେଲେ ଏଯାଏ ଏହି ଲୋମଟାଙ୍କୁରା ଘଟଣାର କାରଣ ଅସ୍ପଷ୍ଟ...

ବିଧାନସଭା ଶୀତ ଅଧିବେଶନ: ୧୩ରେ ବିଜେଡି ବିଧାୟକ ଦଳ ବୈଠକ

ଭୁବନେଶ୍ୱର,୫ା୧୧(ବ୍ୟୁରୋ):  ଓଡ଼ିଶା ବିଧାନସଭାର ଶୀତ ଅଧିବେଶନ ଆସନ୍ତା ୧୩ ତାରିଖରୁ ଆରମ୍ଭ ହେବ। ଏଥର ବିଧାନସଭାରେ ସରକାର ଅତିରିକ୍ତ ବଜେଟ ଉପସ୍ଥାପନ କରିବେ। ଏହା ପୂର୍ବରୁ...

ବ୍ୟାଙ୍କ୍‌ ମ୍ୟାନେଜରଙ୍କ ଘରୁ ଡକାୟତି : ଦୁର୍ବୃତ୍ତ ଲୁଟିନେଲେ ୨୦ ହଜାର ଟଙ୍କା, ସୁନା ଗହଣା

ଭୁବନେଶ୍ୱର,୨୩।୧୦(ବ୍ୟୁରୋ)/ ପୁରୁଣା ଭୁବନେଶ୍ୱର (ଡି.ଏନ.ଏ): ଶ୍ରୀଲିଙ୍ଗରାଜ ଥାନା ଅଧୀନ ସାମନ୍ତରାପୁର ଦିବ୍ୟବିହାର ଲେନ୍‌-୭ ପ୍ଲଟ ନଂ. ୫୩/୧୩୯ରେ ଭଡ଼ା ରହୁଥିବା ବ୍ୟାଙ୍କ୍‌ ମ୍ୟାନେଜର ଶର୍ମିଷ୍ଠା ସ୍ବାଇଁଙ୍କ...

ବେକରେ ରଶି ଲଗାଇ ଗାଁରେ ବୁଲାଇଲା କଙ୍ଗାରୁ କୋର୍ଟ

ଝାରସୁଗୁଡ଼ା ଅଫିସ,୧୬ା୬: ଦୋଷୀଙ୍କୁ ଦଣ୍ଡ ବିଧାନ ପାଇଁ ଥାନା, କୋର୍ଟ ଆଦିର ବ୍ୟବସ୍ଥା ରହିଛି। କିନ୍ତୁ ଲୋକେ ଏହା ନ କରି ଆଇନ ହାତକୁ ନେଇ...

ଜାଲ୍‌ ଜାତିଗତ ପ୍ରମାଣପତ୍ର ଦେବା ଘଟଣା: କମ୍ପ୍ୟୁଟର ସେଣ୍ଟର ସିଲ୍‌, ମାଲିକ ଅଟକ

ବେଗୁନିଆପଡ଼ା,୮ା୧(ଡି.ଏନ.ଏ.): ଜଣେ ବ୍ୟକ୍ତିଙ୍କ ଚାକିରି ନିମନ୍ତେ ଜାଲ୍‌ ଜାତିଗତ ପ୍ରମାଣପତ୍ର ପ୍ରସ୍ତୁତ କରିଥିବା କମ୍ପ୍ୟୁଟର ସେଣ୍ଟର ମାଲିକଙ୍କୁ ମଙ୍ଗଳବାରଠାରୁ ଅଟକ ରଖାଯାଇଛି। କୋଦଳା ତହସିଲଦାର ପ୍ରଭାତ...

କୋଇଲା ଲୋଡିଂ ଜାଲିଆତିରେ ୭ ଗିରଫ

ପାରାଦୀପ, ୨୧।୧୦(ସ୍ବ.ପ୍ର.): ପାରାଦୀପ ବନ୍ଦର ନିଷିଦ୍ଧାଞ୍ଚଳରେ ପୁଣି ଏକ ବଡ ଧରଣର ଜାଲିଆତି ଘଟଣା ଚଳିତ ମାସରେ ଘଟିଛି। ଏହି ଘଟଣା ପ୍ରଥମେ କୋର୍ଟ ଓ...

‘କୋରାପୁଟ ଜିଲାର ବିକାଶ ଏବେ ଶୀର୍ଷରେ’

କୋରାପୁଟ,୨୬ା୧: ଭାରତର ସ୍ବାଧୀନତା ଆନ୍ଦୋଳନରେ କୋରାପୁଟ ଜିଲାର ଅବଦାନ ଅତୁଳନୀୟ। କୋରାପୁଟସ୍ଥିତ ପୋଲିସ ପଡ଼ିଆଠାରେ ଆୟୋଜିତ ଜିଲାସ୍ତରୀୟ ସାଧାରଣତନ୍ତ୍ର ଦିବସ ସମାରୋହରେ ମୁଖ୍ୟ ଅତିଥିଭାବେ ଯୋଗଦେଇ...

Advertisement
Archives

Model This Week