ନୂଆଦିଲ୍ଲୀ,୨୨।୧: ଇପିଏଫ୍ଓ ଆକାଉଣ୍ଟଧାରୀଙ୍କ ପାଇଁ ସୁଧର ଅପେକ୍ଷା ଶେଷ ହୋଇପାରେ। କାରଣ ଖୁବ୍ଶୀଘ୍ର ସରକାରଙ୍କ ପକ୍ଷରୁ ସୁଧ ଟଙ୍କା ଆକାଉଣ୍ଟଙ୍କୁ ଆସିପାରେ। କାଉଣ୍ଟଧାରୀମାନେ ନଭେମ୍ବର ୨୦୨୨ରୁ ୨୦୨୧-୨୨ ଆର୍ଥିକ ବର୍ଷ ପାଇଁ ସୁଧ ଟଙ୍କା କ୍ରେଡିଟ କରିବାକୁ ଅପେକ୍ଷା କରିଛନ୍ତି। ଆକାଉଣ୍ଟଧାରୀମାନେ ନଭେମ୍ବରରୁ ଟଙ୍କା ପାଇବା ଆରମ୍ଭ କରିବେ ବୋଲି ଇପିଏଫ୍ଓ ଅକ୍ଟୋବରରେ ଘୋଷଣା କରିଥିଲା। କିନ୍ତୁ ଏପର୍ଯ୍ୟନ୍ତ ସୁଧ ଅଟକି ରହିଛି।
ଅର୍ଥ ମନ୍ତ୍ରଣାଳୟ ଜୁନ୍ ୨୦୨୨ରେ ୮.୧% ହାରରେ ସୁଧ ଦେୟ ଲାଗି ଅନୁମୋଦନ କରିଥିଲା। ଇପିଏଫ୍ ଟ୍ରଷ୍ଟିମାନେ ସୁଧରେ ବିଳମ୍ବକୁ ନେଇ ଉଦ୍ବେଗ ପ୍ରକାଶ କରିଥିଲେ। ଆସନ୍ତା ହୋଲି ପୂର୍ବରୁ ସରକାର ଏହି ସୁଧକୁ ଦେବାର ସମ୍ଭାବନା ରହିଛି। ହେଲେ ଏପର୍ଯ୍ୟନ୍ତ ଇପିଏଫ୍ଓ ପକ୍ଷରୁ ଏନେଇ କୌଣସି ସରକାରୀ ବିବୃତ୍ତି ପ୍ରକାଶ କରାଯାଇନାହିଁ।
କିଭଳି କରିବେ ଯାଞ୍ଚ:
ଅନଲାଇନରେ ଇପିଏଫ୍ ବାଲାନ୍ସ ଯାଞ୍ଚ କରିବାକୁ, ପ୍ରଥମେ epfindia.gov.in କୁ ଯାଆନ୍ତୁ। ଏହା ପରେ ‘ଆଓ୍ବାର ସର୍ଭିସେସ୍’ ଟ୍ୟାବ ଉପରେ କ୍ଲିକ କରନ୍ତୁ । ଏହା ପରେ ‘ଫର୍ ଏମ୍ପ୍ଲୋଇଜ୍’ ବିକଳ୍ପ ଚୟନ କରନ୍ତୁ।
ଯେତେବେଳେ ନୂତନ ପୃଷ୍ଠା ଖୋଲିବ, ଆପଣଙ୍କୁ ‘ମେମ୍ବର ପାସ୍ବୁକ୍’ ଉପରେ କ୍ଲିକ କରିବାକୁ ପଡିବ। ଏଠାରେ ଆପଣଙ୍କୁ ଆପଣଙ୍କର UAN (ୟୁନିଭର୍ସାଲ ଆକାଉଣ୍ଟ ନମ୍ବର) ଏବଂ ପାସୱାର୍ଡ ଦେବାକୁ ପଡିବ।
ଲଗ୍ଇନ୍ରେ, ଆପଣଙ୍କ ସାମ୍ନାରେ ଏକ ଡ୍ରପ ଡାଉନ୍ ହେବ, ଏଥିରେ ଭିନ୍ନ ପିଏଫ୍ ଆକାଉଣ୍ଟ ବିକଳ୍ପ ରହିବ। କରେଣ୍ଟ ମେମ୍ବର ଆଇଡିକୁ ଚୟନ କରନ୍ତୁ । ଏଥିରେ ଉଭୟ ନିଜର ଏବଂ ନିଯୁକ୍ତିଦାତାଙ୍କ ମାସିକ ଅବଦାନ ଦେଖିପାରିବେ। ଏହା ସହିତ ମୋଟ ଟଙ୍କା ଦେଖାଯିବ। ଏଥିରୁ ଋଣ ଟଙ୍କା କ୍ରେଡିଟ୍ ହୋଇଛି କି ନାହିଁ ଜଣାପଡ଼ିବ।
-ଏସ୍ଏମ୍ଏସ୍ ଏବଂ ଉମଙ୍ଗ ଆପ୍ ମାଧ୍ୟମରେ ବାଲାନ୍ସ କିଭଳି ଚେକ୍ କରିବେ?
ବାଲାନ୍ସ ଚେକ୍୍ କରିବାକୁ ୭୭୩୮୨୯୯୮୯୯କୁ ‘EPFOHO UAN ENG’ ବାର୍ତ୍ତା ପଠାଇପାରିବେ। ୯୯୬୬୦୪୪୪୨୫ ମଧ୍ୟ ଏକ ନମ୍ବର ଅଛି, ଯେଉଁଥିରେ ଏକ ମିସ କଲ ପଠାଇ ପିଏଫ୍ ବାଲାନ୍ସ ଯାଞ୍ଚ କରିପାରିବେ। ଏହା ବ୍ୟତୀତ, ଉମଙ୍ଗ ଆପ ମାଧ୍ୟମରେ ପିଏଫ୍ ଆକାଉଣ୍ଟକୁ ମଧ୍ୟ ଆକ୍ସେସ କରାଯାଇପାରିବ।
