ସାଉଥ୍ ଫିଲ୍ମର ସୁପରଷ୍ଟାର ଚିୟାନ୍ ବିକ୍ରମଙ୍କ ଘର ଉପରେ ବୋମା ପକାଇ ଉଡାଇ ଦେବାକୁ ଧମକ ମିଳିଛି। ଏହାକୁ ନେଇ ଉତ୍ତେଜନା ପ୍ରକାଶ ପାଇଛି। ଏ ନେଇ ପୋଲିସ ପହଞ୍ଚି ବିକ୍ରମଙ୍କ ଘରେ ଖୋଜାଖୋଜି ଚଲାଇଥିଲା।
ବିକ୍ରମ ଚେନ୍ନାଇର ବେସାନ୍ତ ନଗରରେ ରୁହନ୍ତି। ସୋମବାର ସକାଳେ ପୋଲିସ କଣ୍ଟ୍ରୋ ରୁମ୍କୁ ଏକ ଅଜଣା ବ୍ୟକ୍ତିଙ୍କ ଫୋନ୍ କଲ୍ ଆସିଲା। ସେ ବିକ୍ରମଙ୍କ ଘରକୁ ବମ୍ରେ ଉଡାଇଦେବେ ବୋଲି କହିଥିଲେ। ଏହାପରେ ତୁରୁଭାନମିୟୁର ଥାନା ପୋଲିିସ ସନ୍ଧାନୀ କୁକୁର ସହ ପହଞ୍ଚି ବିକ୍ରମଙ୍କ ଘରେ ଖୋଜାଖୋଜି କରିଥିଲେ ମଧ୍ୟ କିଛି ପାଇ ନ ଥିଲେ। ଅନୁସନ୍ଧାନ ପରେ ପୋଲିସ ଏହାକୁ ବିଭ୍ରାନ୍ତିକର ବୋଲି କହିଛି। ଏଥିସହ ପୋଲିସ ବିକ୍ରମଙ୍କ ଫୋନ୍ କଲ୍ ଟ୍ରାକ୍ କରିବାକୁ ନିର୍ଦ୍ଦେଶ ଦେଇଛି। ତେବେ ବିକ୍ରମଙ୍କ ପୂର୍ବରୁ ଅଭିନେତା ବିଜୟ, ଅଜିତ, ସୂର୍ଯ୍ୟ, ବିଜୟକାନ୍ତ ଏବଂ ରଜନୀକାନ୍ତଙ୍କୁ ମଧ୍ୟ ଏପରି କଲ୍ ଆସିଥିଲା।
