ଅହମ୍ମଦାବାଦ,୧୧।୩ : ବିଶ୍ୱର ନଂ ୧ ଟି୨୦ ଦଳ ଇଂଲଣ୍ଡ ଚଳିତ ବର୍ଷ ହେବାକୁ ଥିବା ବିଶ୍ୱକପ୍ ଜିତିବା ପାଇଁ ଫେଭରାଇଟ୍ ବୋଲି କହିଛନ୍ତି ଟିମ୍ ଇଣ୍ଡିଆ ଅଧିନାୟକ ବିରାଟ କୋହଲି। ମୋ ମତରେ ଇଂଲଣ୍ଡକୁ ହରାଇବା କଷ୍ଟକର। ସେମାନେ ବିଶ୍ୱର ନଂ ୧ ଟି୨୦ ଦଳ। ତାଙ୍କ ଉପରେ ହିଁ ସଭିଙ୍କ ନଜର ରହିବ। ଇଆନ ମୋର୍ଗାନଙ୍କ ନେତୃତ୍ୱାଧୀନ ଶକ୍ତିଶାଳୀ ଇଂଲଣ୍ଡ ଅନ୍ୟ ଦଳମାନଙ୍କ ପାଇଁ ଚିନ୍ତାର କାରଣ। ପ୍ରତ୍ୟେକ ଦଳ ମୋ ମନ୍ତବ୍ୟରେ ରାଜି ହେବେ। ଟି୨୦ ବିଶ୍ୱକପ୍ ପାଇଁ ଇଂଲଣ୍ଡ ଦଳ ଫେଭରାଇଟ୍ ବୋଲି କୋହଲି କହିଛନ୍ତି। ତେବେ ମୋର୍ଗାନ ଓ ତାଙ୍କ ଡେପୁଟି ଜୋସ ବଟଲରଙ୍କ ମତରେ ଅକ୍ଟୋବର-ନଭେମ୍ବରରେ ହେବାକୁ ଥିବା ଟି୨୦ ବିଶକପ୍ ପାଇଁ ଆୟୋଜକ ଭାରତ ହିଁ ଫେଭରାଇଟ୍।
