ନ୍ୟୁୟର୍କ,୧୧।୩: ବିଶ୍ୱର ଏକ ନମ୍ବର ଧନୀ ବ୍ୟକ୍ତି ଏଲୋନ ମସ୍କ ଏବଂ ହଲିଉଡ୍ର ପ୍ରସିଦ୍ଧ ଗାୟିକା ଗ୍ରିମସ ପୁଣି ଥରେ ମାତାପିତା ହୋଇଛନ୍ତି। ସରୋଗେସି ମାଧ୍ୟମରେ ଡିସେମ୍ବର ୨୦୨୧ରେ ସେମାନଙ୍କର ଦ୍ୱିତୀୟ ଶିଶୁକୁ ଗୁପ୍ତ ଭାବରେ ସ୍ବାଗତ କରିଛନ୍ତି। ଶିଶୁର ସମ୍ପୂର୍ଣ୍ଣ ନାମ ହେଉଛି ଏକ୍ସା ଡାର୍କ ସିଡେରାଏଲ (Exa Dark Siderael) ଏବଂ ଡାକ ନାମ ଓ୍ବାଇ ରହିଛି।
୩୩ ବର୍ଷୀୟ ଗ୍ରିମସ ପିପୁଲ୍ସ ମାଗାଜିନ ପକ୍ଷରୁ ଏକ ସାକ୍ଷାତକାରରେ ଏହାର ଖୁଲାସା କରିଛନ୍ତି। ପୂର୍ବରୁ ତାଙ୍କର ଏକ ପୁଅ ଅଛି। ତିନି ବର୍ଷ ଏକାଠି ରହିବା ପରେ ସେପ୍ଟେମ୍ବର ୨୦୨୧ରେ ଏହି ଯୋଡି ଅଲଗା ହେବା ବିଷୟରେ ଘୋଷଣା କରିଥିଲେ। କିନ୍ତୁ ଦେଖାଯାଉଛି ଯେ ଦୁହେଁ ଏବେ ପୁଣିଥରେ ଏକାଠି ହୋଇଛନ୍ତି। ଗ୍ରିମସ କହିଛନ୍ତି, ଆମେ ଦୁହେଁ ଉତ୍ତମ ବନ୍ଧୁ। ଅଲଗା ଅଲଗା ଘରେ ରହୁଥିଲେ ମଧ୍ୟ ଉଭୟଙ୍କ ମଧ୍ୟରେ ବୁଝାମଣା ରହିଛି। ଆମେ ଅଧିକାଂଶ ସମୟରେ ପରସ୍ପରକୁ ଭେଟିଥାଉ। ମୁଁ ମସ୍କଙ୍କ ସହ ଖୁସି ଅଛି। ଏଲୋନ ମସ୍କଙ୍କ ଏହା ୭ମ ସନ୍ତାନ। ପୂର୍ବରୁ ତାଙ୍କ ପ୍ରଥମ ସ୍ତ୍ରୀ ଜଷ୍ଟିନ୍ ଓ୍ବିଲସନ୍ ୫ ପୁଅ ଅଛି।
