ଗାଈ ଗୋବରର ଉପକାରିତା ବିଷୟରେ ବହୁତ ଶୁଣିଥିବେ। ବାୟୋଗ୍ୟାସ, ଗୋବର ଗ୍ୟାସ, ଖତ ଏବଂ ଗୋବରରୁ ଦୀପ ତିଆରି ହୋଇଥିବା ସମ୍ପର୍କରେ ବି ପୂର୍ବରୁ ଜାଣିଥିବେ। ଏଥିସହିତ କିଛି ଲୋକ ଗୋବର ଖାଇବାର ଉପକାରିତା ବିଷୟରେ ମଧ୍ୟ କହିଥିବା ଶୁଣିଥିବେ। ନିକଟରେ ଜଣେ ଡାକ୍ତରଙ୍କ ଭିଡିଓ ଭାଇରାଲ ହୋଇଥିଲା। ଏହି ଭିଡିଓରେ ଡାକ୍ତର ଜଣକ ଗୋବର ଖାଇବାର ଉପକାରିତା ବିଷୟରେ କହୁଥିବାର ନଜର ଆସିଥିଲେ।
ଏତେସବୁ ପରେ ଏବେ ଗୋବର ବିଷୟରେ ଆଉ ଏକ ଆଶ୍ଚର୍ଯ୍ୟଜନକ ତଥ୍ୟ ପ୍ରକାଶ ପାଇଛି। ଗୋବରରୁ ବର୍ତ୍ତମାନ ବିଦ୍ୟୁତ୍ ଉତ୍ପନ୍ନ ହେବ। ବ୍ରିଟିଶ କୃଷକମାନେ ଗୋବରରୁ ବିଦ୍ୟୁତ ପାଇଁ ଏକ ବିକଳ୍ପ ପ୍ରସ୍ତୁତ କରିଛନ୍ତି। କୃଷକଙ୍କ ଏକ ଗୋଷ୍ଠୀ ଅନୁଯାୟୀ, ସେମାନେ ଗୋବରରୁ ଏପରି ପାଉଡର ପ୍ରସ୍ତୁତ କରିଛନ୍ତି, ଯେଉଁଥିରୁ ବ୍ୟାଟେରୀ ତିଆରି ହୋଇପାରିବ।
ବ୍ରିଟେନର କୃଷକମାନେ ଏକ କିଲୋଗ୍ରାମ ଗୋବରରୁ ପର୍ଯ୍ୟାପ୍ତ ବିଦ୍ୟୁତ୍ ଶକ୍ତି ଉତ୍ପାଦନ କରିଛନ୍ତି, ଯାହା କ୍ରମାଗତ ଭାବରେ ୫ ଘଣ୍ଟା ପାଇଁ ଏକ ଭ୍ୟାକ୍ୟୁମ୍ କ୍ଲିନର୍ ଚାଲିପାରବ। ଗୋବରର ପାଉଡର ତିଆରି କରି ଏହି ବ୍ୟାଟେରୀ ପ୍ରସ୍ତୁତ କରାଯାଇଛି। ଗୋବରରୁ ଅତି କମ୍ରେ ତିନୋଟି ଘର ବର୍ଷସାରା ଆରାମରେ ବିଦ୍ୟୁତ୍ ପାଇପାରିବେ। ଏହା ବ୍ୟତୀତ କେବଳ ଏକ କିଲୋଗ୍ରାମ ଗୋବରରୁ ୩.୭୫ କିଲୋୱାଟ ବିଦ୍ୟୁତ୍ ଉତ୍ପାଦନ ହୋଇପାରିବ। ଏଭଳି ପରିସ୍ଥିତିରେ ଯଦି ୪, ୬୦,୦୦୦ ଗାଈଙ୍କ ଗୋବରରୁ ବିଦ୍ୟୁତ୍ ତିଆରି ହୁଏ, ତେବେ ୧୨ ଲକ୍ଷ ଘରକୁ ବିଦ୍ୟୁତ୍ ଯୋଗାଣ କରାଯାଇପାରିବ।
