ଆର. ଉଦୟଗିରି,୪।୬(ମନୋଜ କୁମାର ପାଢୀ):ଅକାମୀ ହୋଇଛି ବିଦ୍ୟୁତ ଟ୍ରାନ୍ସଫର୍ମର। ୧୫ ଦିନ ହେଲା ଅନ୍ଧାରରେ ଗ୍ରାମବାସୀ। ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ଗଜପତି ଜିଲା ରା -ଉଦୟଗିରି ବ୍ଲକ ମହେନ୍ଦ୍ରଗଡ ପଞ୍ଚାୟତ ସନ୍ଧିସାହିରେ l ଯାହାଫଳରେ ପିଲାଙ୍କ ପଠାପଢା, ମୋବାଇଲ ଚାର୍ଜଇଙ୍ଗ ଭଳି ଦୈନନ୍ଦିନ ଜୀବନ ସମ୍ପୂର୍ଣ୍ଣ ଭାବେ ପ୍ରଭାବିତ ହୋଇଯାଇଛି। ବିଶେଷକରି ଗ୍ରୀଷ୍ମଋତୁର ପ୍ରବଳ ଗରମରେ ବର୍ତ୍ତମାନ ଗାଁରେ ରହିବା କଷ୍ଟସାଧ୍ୟ ହୋଇଯାଇଛି। ଏ ନେଇ ଗ୍ରାମବାସୀ ଅନେକ ଥର ବିଦ୍ୟୁତ ବିଭାଗକୁ ଅବଗତ କରିଥିଲେ ମଧ୍ୟ ଟ୍ରାନ୍ସଫର୍ମର ମରାମତି ଦିଗରେ ବିଭାଗ କୌଣସି ତତ୍ପରତା ଦେଖାଉ ନ ଥିବା ଅଭିଯୋଗ କରିଛନ୍ତି ଗ୍ରାମବାସୀ। ଏନେଇ ଆମେ ବିଭାଗୀୟ କନିଷ୍ଠ ଯନ୍ତ୍ରୀଙ୍କ ସହ ଫୋନ ମାଧ୍ୟମରେ ଯୋଗାଯୋଗ କରିଥିଲୁ କିନ୍ତୁ ଯୋଗାଯୋଗ ହୋଇପାରି ନାହିଁ l ତେବେ ଯଥା ଶୀଘ୍ର ଟ୍ରାନ୍ସଫର୍ମର ମରାମତି କରାଯାଉ ବୋଲି ଅଞ୍ଚଳବାସୀ ଦାବି କରିଛନ୍ତି l
Dharitri – Odisha’s No.1 Odia Daily
