Odisha Elections 2024

ଏହିସବୁ ହିଟ୍‌ ଟ୍ରାକ୍‌ରେ ଚାଲିଛି ନିର୍ବାଚନୀ ଗୀତ ରେକର୍ଡିଂ

କଟକ,୧୭ା୪ (କାର୍ତ୍ତିକ ସାହୁ):ଜିନ୍ଦାବାଦ୍‌, ଜିନ୍ଦାବାଦ୍‌…, ଆମର ଭାଇ, ତମର ଭାଇ…, ଭୋଟ ଦବ କୋଉଠି… ଆଦି ଚିର ପରିଚିତ ସ୍ଲୋଗାନ। ଡାକବାଜି ଯନ୍ତ୍ରରେ ମନମତାଣିଆ ଗୀତର ତାଳରେ ଜିନ୍ଦାବାଦ୍‌ ଧ୍ୱନି ବାଜି ଉଠିଲେ ଲୋକେ କାନ ପାରି ଶୁଣନ୍ତି। ପଚାରିବାକୁ ପଡ଼େନା ଇଏ କେଉଁ ଦଳର ବୋଲି। ଆଉ କିଛିଦିନ ପରେ ଦୁଲୁକିବ ଗଁାଠୁ ସହର। ଡାକବାଜି ଯନ୍ତ୍ରରେ ବାଜିବ ନିର୍ବାଚନୀ ଗୀତ ଓ ପ୍ରାର୍ଥୀଙ୍କ ଜିନ୍ଦାବାଦ ଧ୍ୱନି। ନିଜ ସପକ୍ଷରେ ଭୋଟ ହାତେଇବା ପାଇଁ ପ୍ରାର୍ଥୀଙ୍କ ପ୍ରଚାର ଏକ ଅମୋଘ ଅସ୍ତ୍ର। ଏହି ନିର୍ବାଚନୀ ସଙ୍ଗୀତ ପ୍ରସ୍ତୁତି ପାଇଁ କଟକର ବିଭିନ୍ନ ରେକର୍ଡିଂ ଷ୍ଟୁଡିଓରେ ଭିଡ଼ ଜମିଲାଣି। ହିଟ୍‌ ହୋଇଥିବା ନୂଆ ସିନେମା ବା ଆଲବମ୍‌ ସଙ୍ଗୀତର ଧୂନ୍‌କୁ ଅଗ୍ରାଧିକାର ଦିଆଯାଉଛି।
ଭୋଟରଙ୍କୁ ଆକୃଷ୍ଟ କରିବା ନିମନ୍ତେ ପ୍ରାର୍ଥୀମାନେ ପ୍ରଚାର ପାଇଁ ପୂରାଦମ୍‌ରେ ପ୍ରସ୍ତୁତ ହେଲେଣି। ପ୍ରାର୍ଥୀଙ୍କ ଅପେକ୍ଷା ଦଳୀୟ କର୍ମୀମାନେ ନିଜ ଅଞ୍ଚଳ ତଥା ଭୋଟରଙ୍କ ମାନସିକତାକୁ ଦେଖି କେଉଁଭଳି ସଙ୍ଗୀତ ଉପଯୁକ୍ତ ହେବ ତାହା ଚୟନ କରୁଛନ୍ତି। ଜଣେ ପ୍ରାର୍ଥୀ ପାଇଁ ୫ଟି ସଙ୍ଗୀତର ପ୍ୟାକେଜ୍‌ ରହୁଛି। ସଙ୍ଗୀତ ମଝିରେ ଜିନ୍ଦାବାଦ ସହ ପ୍ରାର୍ଥୀଙ୍କ ଜୟ ଜୟକାର ବି ରହୁଛି। ସାଧାରଣ ଭାବେ ଏଭଳି ପ୍ୟାକେଜ୍‌ ପାଇଁ ୪୦ ହଜାର ଟଙ୍କା ଷ୍ଟୁଡିଓମାନେ ଦାବି କରୁଛନ୍ତି। ଆଗଧାଡ଼ିର ପ୍ରଚ୍ଛଦପଟ ଗାୟିକା, ଗାୟକଙ୍କ ସାଙ୍ଗକୁ ଅନ୍ୟ କଣ୍ଠଶିଳ୍ପୀଙ୍କୁ ସାମିଲ କରାଯାଉଛି। ପ୍ରଚ୍ଛଦପଟ ଗାୟିକା, ଗାୟକମାନେ ଅଧିକ ପ୍ରାପ୍ୟ ନେଉଥିବାବେଳେ ଅନ୍ୟମାନଙ୍କୁ କମ୍‌ ଦେଲେ ଗୋଟିଏ ପ୍ୟାକେଜ୍‌ର ବଜେଟ୍‌ ଠିକ୍‌ ହୋଇଯାଉଛି। ଏହି ନିର୍ବାଚନ ସଙ୍ଗୀତ ପ୍ରସ୍ତୁତି ପାଇଁ ଗୀତିକାର, କଣ୍ଠଶିଳ୍ପୀ, ରେକର୍ଡିଷ୍ଟ ଓ ଷ୍ଟୁଡିଓ ଦେୟ ଭିନ୍ନ ଭିନ୍ନ ରହୁଛି। ପୁଣି ଜିନ୍ଦାବାଦ୍‌ ପକାଇବା ଅଥବା ପ୍ରାର୍ଥୀଙ୍କ ନିର୍ବାଚନୀ ଇସ୍ତାହାର ବଖାଣିବା ପାଇଁ ଆଉ କେଇ ଜଣଙ୍କର ଆବଶ୍ୟକତା ପଡ଼ୁଛି। ଏଭଳି ମୋଟାମୋଟି ୧୮ରୁ ୨୦ ଜଣକୁ ନେଇ ଷ୍ଟୁଡିଓରେ କାମ ଚାଲୁଛି। କଟକ, କେନ୍ଦ୍ରାପଡ଼ା, ଜଗତ୍‌ସିଂହପୁର, ଯାଜପୁର, ପୁରୀ, ଗଞ୍ଜାମ, ବାଲେଶ୍ୱର, ଭଦ୍ରକ, ମୟୂରଭଞ୍ଜ ଆଦି ଜିଲାରୁ ପ୍ରାର୍ଥୀମାନେ କଟକରେ ଆସି ଗୀତ ରେକର୍ଡିଂ କରାଉଛନ୍ତି। ଅକ୍ଷୟ ମହାନ୍ତିଙ୍କ ଗୀତ ସକାଳୁ ଉଠି ସାହିର ପିଲେ କରିଲେ କବାଟ ଖଟ୍‌, ତୁ କାହାକୁ ଦେବୁ ଭୋଟ୍‌… ଭଳି ପୁରୁଣା ଗୀତ ବି ବେଳେବେଳେ ଏଥିରେ ସାମିଲ କରାଯାଉଛି।
ବିଶେଷକରି ହୁନୁହୁନୁ, ଚାଙ୍ଗୁମାଡ଼, ଚକୋବାର, ଝଲମଲ, କୁଟୁକୁଟା, ରସିଆ ଆଦି ହିଟ୍‌ ଗୀତର ଟ୍ରାକ୍‌ରେ ନିର୍ବାଚନ ସଙ୍ଗୀତ ପ୍ରସ୍ତୁତ ହେଉଛି। କଟକ ଲିଙ୍କ୍‌ରୋଡ୍‌ର ପି.ଏମ୍‌. ଷ୍ଟୁଡିଓ, ବାଦାମବାଡ଼ିର ପବିତ୍ର ଷ୍ଟୁଡିଓ, ମହତାବ ରୋଡ୍‌ର ମା’ ଷ୍ଟୁଡିଓ, ସିଡିଏ ସେକ୍ଟର-୯ରେ ଥିବା ପ୍ରତିଭା ଷ୍ଟୁଡିଓ ନିର୍ବାଚନ ଗୀତ ରେକର୍ଡିଂ କରିବାରେ ପ୍ରମୁଖ ଭୂମିକା ଗ୍ରହଣ କରୁଛନ୍ତିି। ଏନେଇ ମା’ ଷ୍ଟୁଡିଓର ସ୍ବତ୍ୱାଧିକାରୀ ଦିଲୀପ ଜେନା କହିଛନ୍ତି, ଗୋଟିଏ ପ୍ୟାକେଜ ଗୀତ ଲେଖାଠାରୁ ରେକର୍ଡିଂ ପର୍ଯ୍ୟନ୍ତ ଅନୂ୍ୟନ ୨ ଦିନ ସମୟ ଲାଗିଯାଏ। ଡୁଏଟ୍‌, ଏକକ ଗୀତ ଆଦି ପ୍ରସ୍ତୁତ ହେଉଛି। ଗୋଟିଏ ଗୀତ ଲେଖିବା ପାଇଁ ପ୍ରାୟ ୪ରୁ ୫ଘଣ୍ଟା ସମୟ ଲାଗିଥାଏ। ଗୀତଟି ଲେଖା ସରିବା ପରେ ନିର୍ଦ୍ଧାରିତ ଟ୍ରାକ୍‌ରେ ତାକୁ କଣ୍ଠଶିଳ୍ପୀ ଗାଇବା ପରେ ରେକର୍ଡିଂ କରାଯାଏ। ବର୍ତ୍ତମାନ ଅଳ୍ପ ଅଳ୍ପ ଗୀତ ରେକର୍ଡିଂ ହେଉଛି। ପ୍ରାର୍ଥିପତ୍ର ଦାଖଲ ପରେ ଗୀତ ରେକର୍ଡିଂ ଜୋରସୋର୍‌ରେ ହେବ।


Enter your email to get our daily news in your inbox.

All Right Reserved By Dharitri.Com

ବିଜେଡି ନେତାଙ୍କୁ ହତ୍ୟା: ରାଜନୈତିକ ଶତ୍ରୁତାରୁ ହତ୍ୟା କରାଯାଇଥିବା ପରିବାର ଲୋକଙ୍କ ଅଭିଯୋଗ

ଛେଣ୍ଡିପଦା,୨୮।୫: ଅନୁଗୋଳ ଜିଲା ଜରପଡା ଥାନା ଜେରେଙ୍ଗ ଦେହୁରୀ ସାହିର ପୂର୍ବତନ ସରପଞ୍ଚ ତଥା ବିଜେଡି ନେତା ବିଭୁତି ଗଡ଼ନାୟକଙ୍କ ମୃତଦେହ ଉଦ୍ଧାର କରାଯାଇଛି। ରାଜନୈତିକ...

ମା’ଙ୍କ ମଥାରୁ ଖସିଲା ପୁଷ୍ପ: ରାମାୟାଣାମ୍ମା ଠାକୁରାଣୀ ଯାତ୍ରା ଶୁଭାରମ୍ଭ

ଛତ୍ରପୁର,୨୮।୫(ସନ୍ତୋଷ ପାଢ଼ୀ): ଗଞ୍ଜାମ ଜ଼ିଲାରେ ପ୍ରତି ୨ବର୍ଷକୁ ଥରେ ହେଉଥିବା ଛତ୍ରପୁରର ଅଧିଷ୍ଠାତ୍ରୀ ଦେବୀ ମା’ ରାମାୟାଣାମ୍ମା ଠାକୁରାଣୀଙ୍କ ଯାତ୍ରା ଆରମ୍ଭ ହୋଇଛି। ଏହା ଜୁନ...

ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ଅସୁସ୍ଥ

ଭୁବନେଶ୍ୱର,୨୮।୫: ଅନ୍ତର୍ଜାତୀୟ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ମଙ୍ଗଳବାର ଅସୁସ୍ଥ ହୋଇ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଭର୍ତ୍ତି ହୋଇଛନ୍ତି। ନିଶ୍ୱାସ ନେବାରେ ଅସୁବିଧା ହେବା...

କୁଲଡିଆ ରେଞ୍ଜରୁ ଆସିଲା ଦୁଃଖଦ ଘଟଣା: ଟ୍ରେଞ୍ଜ ଗାତରେ ପଡ଼ି ଗର୍ଭବତୀ ହାତୀର ମୃତ୍ୟୁ

ବାଲେଶ୍ୱର,୨୮।୫: ବାଲେଶ୍ୱର ଜିଲା କୁଲଡିଆ ରେଞ୍ଜ ଅସନଘାଟି ଜଙ୍ଗଲରୁ ମଙ୍ଗଳବାର ଏକ ଦୁଃଖଦ ଖବର ସାମ୍‌ନାକୁ ଆସିଛି। ଖୋଲାଯାଇଥିବା ଏକ ଟ୍ରେଞ୍ଜ ଗାତରେ ପଡିରେ ଏକ...

ଅସହ୍ୟ ଗୁଳୁଗୁଳିରେ ଗାଁ, ସହରବାସୀ କଲବଲ

ପଟ୍ଟାମୁଣ୍ଡାଇ,୨୮ା୫ (କଳ୍ପତରୁ ନାୟକ):ଲଘୁଚାପଜନିତ ରବିବାର ମେଘ ପବନ ପରେ ସୋମବାର ତାପମାତ୍ରା ବଢ଼ିବା ଆରମ୍ଭ କରିଛି। ସହରର ତାପମାତ୍ରା ବୃଦ୍ଧି ହେବା ସହ ଅସହ୍ୟ ଗୁଳୁଗୁଳିରେ...

କମ ନମ୍ବର ରଖିବାରୁ ମୂଷା ଔଷଧ ପିଇଦେଲେ ଛାତ୍ରୀ

ହାଟଡିହୀ,୨୮l୫(ଶୁଭକାନ୍ତ ନାୟକ): ମାଟ୍ରିକ ପରୀକ୍ଷାରେ କମ ନମ୍ବର ରଖିବାରୁ କେନ୍ଦୁଝର ଜିଲା ହାଟଡିହୀ ବ୍ଲକ୍‌ ନନ୍ଦିପଦା ଥାନା ଅଞ୍ଚଳରେ ଜଣେ ଛାତ୍ରୀ ସୋମବାର ବିଷ ପିଇ...

ସହରାଟିକ୍ରାରେ ଚାଞ୍ଚଲ୍ୟ: ଛାତରେ ଶୋଇଥିବାବେଳେ ଗୃହକର୍ତ୍ତାଙ୍କୁ ହତ୍ୟା

ବରଗଡ଼,୨୮।୫(ପ୍ରେମାନନ୍ଦ ଖମାରୀ):ବରଗଡ଼ ଜିଲା ଭେଡେନ ଥାନା ଅର୍ନ୍ତଗତ ସହରାଟିକ୍ରା ଗ୍ରାମରେ ସୋମବାର ବିଳମ୍ବିତ ରାତିରେ ଏକ ହତ୍ୟାକାଣ୍ଡ ଘଟିଛି। ଘରଛାତ ଉପରେ ଏକ ଖଟିଆରେ ଶୋଇଥିବାବେଳେ...

୪ ସୁଦ୍ଧା ରତ୍ନଭଣ୍ଡାର ଚାବି ହାଇକୋର୍ଟଙ୍କୁ ହସ୍ତାନ୍ତର କର

କେନ୍ଦ୍ରାପଡ଼ା/ମାର୍ଶାଘାଇ, ୨୮ା୫(ଜଗନ୍ନାଥ ଧଳ/ ଶୁଭେନ୍ଦୁ ପ୍ରସାଦ ଚୌଧୁରୀ):ଶ୍ରୀମନ୍ଦିର ରତ୍ନଭଣ୍ଡାର ଚାବି ମିଳୁନାହିଁ। ତଦନ୍ତ ରିପୋର୍ଟ ଚାପିଦିଆଯାଇଛି। ମୋର ସନ୍ଦେହ ହେଉଛି ଯେ, ରତ୍ନଭଣ୍ଡାର ଚାବି ପାଣ୍ଡିଆନ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri