ଭଦ୍ରକ ଅଫିସ୍,୧୩।୯: ଭଦ୍ରକ ଜିଲା ଭଣ୍ଡାରିପୋଖରୀ ଛକ ନିକଟରେ ମଙ୍ଗଳବାର ଭୋରରୁ ଏକ ଦୁର୍ଘଟଣା ଘଟିଛି। ରାସ୍ତା କଡ଼ରେ ତମ୍ବୁ ଟାଣି ରହୁଥିବା ଶ୍ରମିକଙ୍କ ଉପରେ ବାଲି ବୋଝେଇ ଡମ୍ଫର ଚଢିଯାଇଛି। ଏଥିରେ ଘଟଣାସ୍ଥଳରେ ଜଣଙ୍କର ମୃତ୍ୟୁ ହୋଇଥିବା ବେଳେ ୫ରୁ ଊର୍ଦ୍ଧ୍ୱ ଗୁରୁତର ହୋଇଛନ୍ତି। ଭଣ୍ଡାରିପୋଖରୀ ଛକ ନିକଟରେ ରାଜପଥ ସମ୍ପ୍ରସାରଣ କାମ ଚାଲିଛି। ଡିବିଏଲ କମ୍ପାନୀ ଏହି କାମ ନେଇଥିବା ବେଳେ ଏଥିରେ ଅଣ ଓ ଶ୍ରମିକ ନିୟୋଜିତ ହୋଇଛନ୍ତି। ଏହି କାମରେ ନିୟୋଜିତ ୧୦ କର୍ମଚାରୀ ରାଜପଥ ପାର୍ଶ୍ୱରେ ତମ୍ବୁ ଟାଣି ରହୁଛନ୍ତି। ମୃତକଙ୍କ ପରିଚୟ ଜଣାପ ନ ଥିବା ବେଳେ ତାଙ୍କ ଘର ମଧ୍ୟପ୍ରଦେଶରେ ବୋଲି ଜଣାପଡିଛି।
ଖବର ପାଇ ଭଣ୍ଡାରିପୋଖରୀ ପୁଲିସ ଘଟଣାସ୍ଥଳରେ ପହଞ୍ଚି ସ୍ଥାନୀୟ ଲୋକଙ୍କ ସହାୟତାରେ ଗୁରୁତରଙ୍କୁ ଭଣ୍ଡାରିପୋଖରୀ ମେଡିକାଲ ପଠାଯାଇଛି।
