ସୁରକ୍ଷାରେ ‘ଡ୍ରୋନ୍‌’ ସହାୟତା

ଢେଙ୍କାନାଳ ଅଫିସ,୨ା୩ – ଜଙ୍ଗଲ ନିଆଁ ରୋକିବାରେ ଡ୍ରୋନ୍‌ କରୁଛି ବଡ଼ ସହାୟତା। କେଉଁ ସ୍ଥାନରେ ଅଗ୍ନିକାଣ୍ଡ ଘଟିଛି ତାହାର ଫଟୋ ଉଠାଇ ପଠାଉଛି ବନ ବିଭାଗ ନିକଟକୁ। ଫଳରେ ମାତ୍ର କିଛି ସମୟ ମଧ୍ୟରେ ବନ କର୍ମଚାରୀମାନେ ପହଞ୍ଚି ନିଆଁ କୁ ଆୟତ କରିବା ସହ ଜଙ୍ଗଲ ସମ୍ପଦକୁ ସୁରକ୍ଷିତ କରିବାରେ ସଫଳ ହେଉଛନ୍ତି।
ଢେଙ୍କାନାଳ ସହରକୁ ଲାଗିଥିବା ପାଣି ଓହଳା ପାହାଡ ଜଙ୍ଗଲ ଓ ଚାରଖୋଲା ଜଙ୍ଗଲରେ ନିଆଁ ଲାଗିଥିବା ସ୍ଥାନକୁ ଚିହ୍ନଟ କରିବା ପାଇଁ ବନ ବିଭାଗ ପକ୍ଷରୁ ଡ୍ରୋନ୍‌ କ୍ୟାମେରା ଉଡାଯାଉଛି। ଏଥିଯୋଗୁ କେଉଁ ସ୍ଥାନରେ ନିଆଁ ଲାଗିଛି ତାହା ଶୀଘ୍ର ଚିହ୍ନଟ କରାଯାଇପାରୁଛି। ଏପରି କି ଫଟୋ ପାଇବାର ମାତ୍ର ୧୦ ମିନିଟ ମଧ୍ୟରେ ନିଆଁ ଲିଭାଇବାର ଉଦ୍ୟମ ଆରମ୍ଭ କରାଯାଇପାରୁଛି। ଜଙ୍ଗଲ ସହ ଏହା ମଧ୍ୟରେ ରହୁଥିବା ବନ୍ୟପ୍ରାଣୀମାନଙ୍କ ସୁରକ୍ଷା ପାଇଁ ଅଧିକରୁ ଅଧିକ ଡ୍ରୋନ୍‌ କ୍ୟାମେରାର ବ୍ୟବହାର କରାଯାଉଥିବା ସୂଚନା ମିଳିଛି। ସେହିପରି କପିଳାସ ଅଭୟାରଣ୍ୟରେ ଅଧିକାଂଶ ସମୟରେ ନିଆଁ ଲାଗୁଥିବାରୁ ସେଠାରେ ସ୍ବତନ୍ତ୍ର ଭାବେ ନିଆଁକୁ ଆୟତ କରିବା ପାଇଁ ଥର୍ମାଲ ଇମେଜିଂ ବ୍ୟବସ୍ଥା ରହିଥିବା ଏକ ସ୍ବତନ୍ତ୍ର ଡ୍ରୋନ୍‌ କ୍ୟାମେରା ଆଣିବା ପାଇଁ ବନବିଭାଗ ପକ୍ଷରୁ ପ୍ରସ୍ତୁତି ଆରମ୍ଭ ହୋଇଛି। ଏଥିପାଇଁ ରାଜ୍ୟ ସରକାରଙ୍କ ପକ୍ଷରୁ ୫ଲକ୍ଷ ଟଙ୍କା ମଞ୍ଜୁର କରାଯାଇଛି। ମେଘୁଆ ପାଗ, କୁହୁଡି କିମ୍ବା ଧୁଆଁ ଥିଲେ ମଧ୍ୟ ଏହି ସ୍ବତନ୍ତ୍ର କ୍ୟାମେରା ନିଆଁ ଲାଗିବା ସ୍ଥାନର ଫଟୋ ଅତି ପରିଷ୍କାର ଭାବେ ଉଠାଇପାରିବ। ଏହାର ବ୍ୟବହାର ପାଇଁ ବନ କର୍ମଚାରୀଙ୍କୁ ମଧ୍ୟ ତାଲିମ ପ୍ରଦାନ କରାଯାଉଛି। ସେହିପରି ବର୍ତ୍ତମାନ ସାଟେଲାଇଟ ଫଟୋଚିତ୍ରକୁ ନେଇ ନିଆଁ ଲାଗିବା ସ୍ଥାନକୁ ଚିହ୍ନଟ କରାଯାଉଛି। ଜଙ୍ଗଲ ନିଆଁ ରୋକିବା ପାଇଁ ଜିଲାରେ ଥିବା ୮୦ ଜଣ ସଦସ୍ୟଙ୍କୁ ତାଲିମ ଦିଆଯାଇଛି। ଗତ ୩ଦିନ ହେବ ଢେଙ୍କାନାଳ ସହରର ଚାରଖୋଲା ସଂରକ୍ଷିତ ଜଙ୍ଗଲ ଓ ପାଣି ଓହଳା ପାହାଡ ଜଙ୍ଗଲରେ ଲଗାତର ନିଆଁ ଲାଗୁଥିବା ଦେଖାଯାଇଛି। ତଥାପି ବନ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରୁଛନ୍ତି।

ଶୁଖିଲା ପତ୍ର ସଫା କରାଯାଉ
ଖରାଦିନ ଆସିଲେ ଜଙ୍ଗଲ ଶୁଖିଲା ପତ୍ରରେ ଭରିଯାଏ। ବନ କର୍ମଚାରୀମାନେ ତଳେ ପଡିଥିବା ପତ୍ରଗୁଡିକୁ ସଫା କରିବା ବ୍ୟବସ୍ଥା କରାଇପାରିଲେ ନିଆଁ ଅଧିକ ବ୍ୟାପନ୍ତା ନାହିଁ। ବର୍ତ୍ତମାନ ସାଟେଲାଇଟ ଫଟୋରେ ଚିହ୍ନଟ କରି ନିଆଁ ଲାଗିଥିବ ସ୍ଥାନ ଠାବ କରାଯାଇପାରୁଛି। ସେହିପରି ଡ୍ରୋନ୍‌ କ୍ୟାମେରାରେ ମଧ୍ୟ ଏହାକୁ ଜାଣିହେବ ।
-ପ୍ରଦ୍ୟୁମ୍ନ ରଥ, ପରିବେଶବିତ୍‌
ପ୍ରକୃତି ସୁରକ୍ଷା ଜରୁରୀ
ନିଆଁ ଦାଉରୁ ଜଙ୍ଗଲକୁ ରକ୍ଷା କରାଯିବା ଜରୁରୀ। ପ୍ରକୃତି ବଞ୍ଚିଲେ ଜୀବଜଗତ ସୁରକ୍ଷିତ ହୋଇପାରିବ। ଏଥିପାଇଁ ଜନସାଧାରଣଙ୍କୁ ସଚେତନ କରାଯିବା ଜରୁରୀ। ଜଙ୍ଗଲ, ପାହାଡ ଓ ବନ୍ୟପ୍ରାଣୀଙ୍କ ସୁରକ୍ଷା ପ୍ରକୃତି ପାଇଁ କେତେ ଉପାଦେୟ ତାହା ସମସ୍ତେ ଜାଣିବା ଉଚିତ। ମିଳିତ ପ୍ରୟାସ ରହିଲେ ନିଆଁ ଦାଉରୁ ପ୍ରକୃତିକୁ ରକ୍ଷା କରିହେବ।
-ପ୍ରଦ୍ୟୁମ୍ନ ପଣ୍ଡା, ସାମାଜିକ କର୍ମୀ
ଘଣ୍ଟାଏ ବ୍ୟବଧାନରେ ଡ୍ରୋନ୍‌ ଉଡ଼ାଯାଉଛି
ନିଆଁକୁ ଆୟତ କରିବା ପାଇଁ ସାଟେଲାଇଟ୍‌ ମାଧ୍ୟମରେ ଫଟୋ ଆମେ ପାଉଛୁ। ଏତଦ୍‌ବ୍ୟତୀତ ପାଣିଓହଳା ଜଙ୍ଗଲ, ପାହାଡ ଓ ଚାରଖୋଲା ଜଙ୍ଗଲରେ ନିଆଁ ଧରୁଥିବା ସ୍ଥାନ ଚିହ୍ନଟ ପାଇଁ ଦିନକୁ ୧ଘଣ୍ଟା ଲେଖାଏ ବ୍ୟବଧାନରେ ମାନୁଆଲ ଡ୍ରୋନ୍‌ କ୍ୟାମେରା ଉଡାଯାଉଛି। କପିଳାସ ଅଭୟାରଣ୍ୟକୁ ନିଆଁ ଦାଉରୁ ରକ୍ଷା କରିବା ପାଇଁ ଥର୍ମାଲ ଇମେଜିଂ ବ୍ୟବସ୍ଥା ଥିବା ଏକ ସ୍ବତନ୍ତ୍ର ଡ୍ରୋନ୍‌ କ୍ୟାମେରା ଅଣାଯିବ। ବନ ସୁରକ୍ଷା ସମିତି ଓ ଅଞ୍ଚଳବାସୀଙ୍କୁ ନେଇ ସଚେତନତା କାର୍ଯ୍ୟକ୍ରମ ଜାରି ରଖିଛୁ।
-ଡା. ପ୍ରକାଶଚାନ୍ଦ ଗୋଗିନେନି, ଜିଲା ବନଖଣ୍ଡ ଅଧିକାରୀ


Enter your email to get our daily news in your inbox.

All Right Reserved By Dharitri.Com

ବାତିଲ, ଆଂଶିକ ବାତିଲ ହେବ ୨ ଟ୍ରେନ୍‌

ଭୁବନେଶ୍ୱର,୨।୧୧(ବ୍ୟୁରୋ): ପୂର୍ବତଟ ରେଳପଥ ଅଧୀନରେ ଥିବା ସମ୍ବଲପୁର ଡିଭିଜନର ଟିଟିଲାଗଡ଼-ରାୟପୁର ରେଳ ସେକ୍ସନର ତୁରେକେଲା ରୋଡ୍‌-ହରିଶଙ୍କର ରୋଡ୍‌ ଏବଂ ଲଖନା ଷ୍ଟେଶନ ମଧ୍ୟରେ ସୁରକ୍ଷା ସମ୍ବନ୍ଧୀୟ...

ନରସିଂହ କଂଗ୍ରେସ ବିଧାୟକ ଦଳ ନେତା

ଭୁବନେଶ୍ୱର, ୨୪।୬(ବ୍ୟୁରୋ): କଂଗ୍ରେସ ନିକଟରେ ଶେଷ ହୋଇଥିବା ନିର୍ବାଚନରେ ମାତ୍ର ୯ଟି ଆସନ ପାଇଁ ତୃତୀୟ ସ୍ଥାନକୁ ଖସିଯାଇଛି। ତେବେ ଦଳ ପକ୍ଷରୁ କାହାରିକୁ ବିଧାୟକ...

୧୬୦ ନମୁନାରୁ ନେଗେଟିଭ ଆସିଛି ୧୯

ସୁନାବେଡ଼ା,୧୬ା୪: କୋରାପୁଟ ଜିଲାରୁ ଏଯାବତ୍‌ ଜଣେ ମଧ୍ୟ କରୋନା ପଜିଟିଭ୍‌ ଚିହ୍ନଟ ହୋଇନାହାନ୍ତି। ଏହାସତ୍ତ୍ୱେ ଜିଲା ପ୍ରଶାସନ କୋଭିଡ୍‌-୧୯ ମୁକାବିଲା ପାଇଁ ସଜାଗ ରହିଛି। ଜିଲା...

ବୋହୂଙ୍କୁ ପେଟ୍ରୋଲ ଢାଳି ପୋଡି ଦେଲେ

ଗୋଲାମୁଣ୍ଡା,୧୪।୩: କଳାହାଣ୍ଡି ଜିଲା କେଗାଁ ଥାନା କନକପୁର ଗ୍ରାମ ନିକଟ ଜଙ୍ଗଲରୁ ପୋଲିସ ଜଣେ ମହିଳାଙ୍କ ଅର୍ଦ୍ଧଦଗ୍ଧ ମୃତଦେହ ଜବତ କରିଥିଲା। ପୋଲିସ ଘଟଣାର ତଦନ୍ତ...

ବାହାର ଫେରନ୍ତାଙ୍କ ପାଇଁ ଆଜିଠୁ ପଞ୍ଜୀକରଣ

ଭୁବନେଶ୍ୱର,୨୪।୪(ବ୍ୟୁରୋ): ଦ୍ୱିତୀୟ ପର୍ଯ୍ୟାୟ ଲକ୍‌ଡାଉନ ମେ ୩ ପର୍ଯ୍ୟନ୍ତ ଜାରି ରହିଛି। ଲକ୍‌ଡାଉନ୍‌ ହଟିବା ପରେ ନିଜ ରାଜ୍ୟକୁ ଫେରିବେ ପ୍ରବାସୀ ଓଡ଼ିଆ। ଏନେଇ ଶୁକ୍ରବାରଠାରୁ...

ଖବରଦାତାଙ୍କୁ ଦୁର୍ବ୍ୟବହାର ମାମଲା: ସୂଚନା ଓ ଲୋକସମ୍ପର୍କ ବିଭାଗର ତଦନ୍ତ

ଢେଙ୍କାନାଳ ଅଫିସ,୨।୬- ଢେଙ୍କାନାଳ ଜିଲାର ଖବରଦାତାଙ୍କୁ ଜିଲା ସୂଚନା ଓ ଲୋକସମ୍ପର୍କ ଅଧିକାରୀ ଦୁର୍ବ୍ୟବହାର ପ୍ରଦର୍ଶନ କରିବା ଅଭିଯୋଗ ଆସିବା ପରେ ଏହାର ବିଭାଗୀୟ ତଦନ୍ତ...

‘ପଛୁଆବର୍ଗଙ୍କ ବିକାଶ ପାଇଁ ରାଜ୍ୟ ସରକାର ବଦ୍ଧ ପରିକର’

ଭୁବନେଶ୍ୱର,୧୮।୨(ବ୍ୟୁରୋ): ରାଜ୍ୟ ସରକାର ଓଡ଼ିଶାର ପଛୁଆବର୍ଗଙ୍କୁ ଚିହ୍ନଟ କରିବେ। ଏ ସଂକ୍ରାନ୍ତୀୟ ଓଡ଼ିଶା ରାଜ୍ୟ ପଛୁଆବର୍ଗ କମିଶନ(ସଂଶୋଧନ) ବିଲ୍‌ ୨୦୨୦ ସୋମବାର ବିଧାନସଭାରେ ଅନୁମୋଦନ ଲାଭ...

ସାପ କାମୁଡ଼ାରେ ମହିଳା ମୃତ

ଗଞ୍ଜାମ,୬ା୯(ଡି.ଏନ.ଏ.): ଗଞ୍ଜାମ ଏନ୍‌ଏସି ୱାର୍ଡ ନଂ. ୬ ଓଡ଼ିଆ ଢାମଣା ସାହିର ଜଣେ ମହିଳାଙ୍କ ଶୁକ୍ରବାର ସାପ କାମୁଡ଼ାରେ ମୃତ୍ୟୁ ଘଟିଛି। ସେ ହେଲେ ସୁବାସିନୀ...

Advertisement

BGU

Archives

Model This Week

Why Dharitri