କୋଲକତା,୨୨।୧୧: ଭାରତର କୋଚ ରାହୁଲ ଦ୍ରାଭିଡ ନୂତନ ଭୂମିକାରେ ଏକ ବଡ଼ ଉପଲବ୍ଧି ହାସଲ କରିଛନ୍ତି। ସେ କୋଚ ହେବା ପରେ ଭାରତୀୟ ଦଳ ପ୍ରଥମ ଟି-୨୦ ସିରିଜ୍କୁ କ୍ଲିନ୍ସୁଇପ୍ କରିଚନ୍ତି। ଏହି ଆରମ୍ଭକୁ ନେଇ ଦ୍ରାଭିଡ ଖୁସି ବ୍ୟକ୍ତ କରିଛନ୍ତି କିନ୍ତୁ ଖେଳାଳିଙ୍କୁ ଆତ୍ମସନ୍ତୋଷରୁ ଦୂରେଇ ରହିବାକୁ ଚେତାବନୀ ଦେଇଛନ୍ତି। ରବିବାର ତୃତୀୟ ଅନ୍ତର୍ଜାତୀୟ ଟି-୨୦ ନ୍ୟୁଜିଲାଣ୍ଡ ବିପକ୍ଷରେ ଭାରତ ୭୩ ରନରେ ବିଜୟ ହାସଲ କରି ସିରିଜକୁ ୩-୦ରେ ଜିତିଛି। ଅଧିନାୟକ ଭାବରେ ରୋହିତ ଶର୍ମାଙ୍କର ଏହା ମଧ୍ୟ ପ୍ରଥମ ସିରିଜ ଥିଲା। ସେ ଏହି ସିରିଜରେ ସର୍ବାଧିକ ୧୫୯ ରନ ସଂଗ୍ରହ କରିଥିଲେ ଏବଂ ସେ ମ୍ୟାନ୍ ଅଫ୍ ଦ ସିରିଜ୍ ବିବେଚିତ ହୋଇଥିଲେ। ଏବେ ଦୁଇ ଦେଶ ମଧ୍ୟରେ ୨ ମ୍ୟାଚ ବିଶିଷ୍ଟ ଟେଷ୍ଟ ସିରିଜ ନଭେମ୍ବର ୨୫ରୁ ଆରମ୍ଭ ହେଉଛି।
ମ୍ୟାଚ ପରେ ରାହୁଲ ଦ୍ରାଭିଡ କହିଛନ୍ତି, ଏହା ପ୍ରକୃତରେ ଭଲ ସିରିଜ ଥିଲା। ପ୍ରତ୍ୟେକ ଖେଳାଳି ସିରିଜ ଆରମ୍ଭରୁ ଭଲ ସହଯୋଗ କରିଥିଲେ। ଏଭଳି ଆରମ୍ଭ କରିବା ଭଲ ଅଟେ। ଯୁବ ଖେଳାଳିମାନେ ମଧ୍ୟ ଭଲ ପ୍ରଦର୍ଶନ କରିଥିଲେ। ଟି-୨୦ ବିଶ୍ୱକପ ଫାଇନାଲ ପରେ ୬ ଦିନ ମଧ୍ୟରେ ନ୍ୟୁଜିଲାଣ୍ଡ ପାଇଁ ୩ଟି ମ୍ୟାଚ ଖେଳିବା ସହଜ ନ ଥିଲା। ଆମକୁ ପାଦକୁ ଭୂମିରେ ରଖିବାକୁ ହେବ ଏବଂ ନୂତନ ଶିକ୍ଷା ସହିତ ଆଗକୁ ବଢିବାକୁ ପଡିବ। କିଛି ଯୁବ ଖେଳାଳି ଭଲ ପ୍ରଦର୍ଶନ କରିଛନ୍ତି ଏହା ଦେଖିବା ପ୍ରକୃତରେ ଭଲ। ଯେଉଁ ଖେଳାଳିମାନେ ଗତ କିଛି ମାସ ମଧ୍ୟରେ ଅଧିକ କ୍ରିକେଟ ଖେଳି ନ ଥିଲେ ଆମେ ସେହି ଖେଳାଳିମାନଙ୍କୁ ସୁଯୋଗ ଦେଇଥିଲ । ଆମ ପାଖରେ ଭଲ ବିକଳ୍ପ ଅଛି। ଟି -୨୦ ବିଶ୍ୱକପକୁ ୧୦ ମାସ ବାକି ଅଛି । ତେଣୁ ସବୁକିଛି ସହଜ ହେବ ନାହିଁ ବୋଲି ସେ କହିଛନ୍ତି।
T20I series sweep ✅
Over to the Test series, with smiles & some celebrations 😊
Here's what #TeamIndia Head Coach Rahul Dravid has to say. #INDvNZ @Paytm pic.twitter.com/5s4nvQURk8
— BCCI (@BCCI) November 21, 2021
