ଜୋହାନ୍ସବର୍ଗ,୭।୧:ଜୋହାନ୍ସବର୍ଗରେ ଅନୁଷ୍ଠିତ ଦ୍ୱିତୀୟ ଟେଷ୍ଟ ମ୍ୟାଚରେ ଦକ୍ଷିଣ ଆଫ୍ରିକା ବିପକ୍ଷ ସିରିଜ ଜିତିବାର ସୁଯୋଗକୁ ଟିମ ଇଣ୍ଡିଆ ସୁଯୋଗ ହାତଛଡ଼ା କରିଛି। ଏବେ ତୃତୀୟ ଟେଷ୍ଟ ମ୍ୟାଚ ପର୍ଯ୍ୟନ୍ତ ଭାରତର ସିରିଜର ଫଳାଫଳକୁ ଅପେକ୍ଷା କରିବାକୁ ପଡ଼ିବ। ଯଦି ଭାରତ ଏହି ମ୍ୟାଚ ଜିତିଥାନ୍ତା, ତେବେ ଏହା ଦକ୍ଷିଣ ଆଫ୍ରିକା ମାଟିରେ ଟେଷ୍ଟ ସିରିଜ କବ୍ଜା କରିଥାନ୍ତା, କିନ୍ତୁ ଗୋଟିଏ ଖେଳାଳିଙ୍କ ଭୁଲ ସମଗ୍ର ଦଳକୁ ଘାରିଛି। ଟିମ ଇଣ୍ଡିଆର ମୁଖ୍ୟ କୋଚ ରାହୁଲ ଦ୍ରାବିଡ ମଧ୍ୟ ଏହି ଖେଳାଳିଙ୍କ ଉପରେ ଅତ୍ୟଧିକ ରାଗିଛନ୍ତି।
ଏହି ମ୍ୟାଚରେ ଭାରତୀୟ ଦଳ ୬୦-୭୦ ରନ କମ ସ୍କୋର କରିଛ। ରିଷଭ ପନ୍ତଙ୍କ ଖରାପ ବ୍ୟାଟିଂ ସବୁଠାରୁ ବଡ କାରଣ ଭାବରେ ବିବେଚନା କରାଯାଉଛି। ପ୍ରଥମ ଇନିଂସରେ ୧୭ ରନ ଏବଂ ଦ୍ୱିତୀୟ ଇନିଂସରେ ‘ଶୂନ’ରେ ପନ୍ତ ଆଉଟ୍ ହୋଇଥିଲେ। ଏହି ସମୟରେ ରିଷଭ ପନ୍ତ ଦ୍ୱିତୀୟ ଇନିଂସରେ ଖରାପ ସଟ ଖେଳି ଆଉଟ୍ ହୋଇଥିଲେ, ଯାହା ପରେ ସମସ୍ତେ ତାଙ୍କ ଉପରେ ରାଗିଥିଲେ।
ରାହୁଲ ଦ୍ରାବିଡଙ୍କ ଅନୁଯାୟୀ, ରିଷଭ ପନ୍ତ ଆରମ୍ଭରେ କ୍ରିଜରେ ରହି ନିଜକୁ ସମୟ ଦେବା ଉଚିତ୍। କେତେବେବେଳ ଆମକୁ ଆକ୍ରମଣାତ୍ମକ ଏବଂ ଆଉ କେେବେଳେ ରକ୍ଷଣଶୀଳ ଖେଳାଯିବ ତାହା କ୍ରିକେଟର୍ ସ୍ଥିର କରିବା ଉଚିତ୍। ପନ୍ତ ଜଣେ ସକରାତ୍ମକ ଖେଳାଳି। ସେ ସେହି ବ୍ୟାଟ୍ସମ୍ୟାନ୍ମାନଙ୍କ ମଧ୍ୟରୁ ଜଣେ ଯିଏ ଆମ ପାଇଁ ମ୍ୟାଚ୍ର ଗତି ଅତି ଶୀଘ୍ର ବଦଳାଇ ପାରିବେ। ଆଗକୁ ପନ୍ତ ନିଜକୁ ସୁଧାରିବେ ବୋଲି ସେ କହିଛନ୍ତି।
ଦ୍ୱିତୀୟ ଟେଷ୍ଟ ମ୍ୟାଚରେ ଭାରତକୁ ୭ ଉଇକେଟରେ ପରାଜୟର ସମ୍ମୁଖୀନ ହେବାକୁ ପଡିଛି। ଭାରତ ପ୍ରଥମ ଟେଷ୍ଟ ମ୍ୟାଚ ଜିତିଥିବାରୁ ତିନି ମ୍ୟାଚ ବିଶିଷ୍ଟ ସିରିଜ ବର୍ତ୍ତମାନ ୧-୧ରେ ବରାବର ହୋଇଛି। ତୃତୀୟ ଟେଷ୍ଟ ମ୍ୟାଚ ଜାନୁଆରୀ ୧୧ରୁ କେପଟାଉନରେ ଖେଳାଯିବ।
