ବେଲପଡା,୧୧ା୭(ଡି.ଏନ.ଏ.)-ବଲାଙ୍ଗୀର ଜିଲା ବେଲପଡା ଥାନା ଅଧୀନ ମୁଣ୍ଡାଗଁାରେ ଏକ ଡବଲ ମର୍ଡର ଘଟଣା ଘଟିଛି ା ଟଙ୍କା ଦେଣନେଣକୁ କେନ୍ଦ୍ର କରି ଶନିବାର ଅପରାହ୍ନରେ ଏହି ଦୁଃଖଦ ଘଟଣା ଘଟିଛି ା ଦୁଇ ପରିବାର ସଦସ୍ୟଙ୍କ ମଧ୍ୟରେ ହଣାକଟା ପରେ ବାପ ପୁଅଙ୍କ ଜୀବନ ଯାଇଛି। ମୃତକ ହେଲେ ମୋତିଲାଲ ବନଛୋର(୫୮) ଓ ତାଙ୍କ ପୁଅ ଛନ୍ଦମଣି ବନଛୋର (୩୦)। ଏଥିରେ କୈଳାସ ବନଛୋର(୩୦), ହେମନ୍ତ ବନଛୋର(୨୬), ବାଲ୍ମିକୀ ରାଉତ(୬୦) ତାଙ୍କ ପୁଅ ଫକୀର ରାଉତ(୩୫), ମଙ୍ଗଳ ରାଉତ(୩୦) ଓ ଘାସିରାମ ରାଉତ(୨୬) ପ୍ରମୁଖ ଉଭୟ ପକ୍ଷର ୬ଜଣ ଆହତ ହୋଇଛନ୍ତି। ସେମାନଙ୍କୁ ବେଲପଡା ଡାକ୍ତରଖାନାରେ ଭର୍ତ୍ତି କରାଯାଇଛି। ବାଲ୍ମିକୀ ଓ ଫକୀରଙ୍କ ଅବସ୍ଥା ସଙ୍କଟାପନ୍ନ ହେବାରୁ ଉଭୟଙ୍କୁ ବଲାଙ୍ଗୀର ଡାକ୍ତରଖାନା ସ୍ଥାନାନ୍ତର କରାଯାଇଛି ା ଗାଁରେ ଉତ୍ତେଜନା ଲାଗି ରହିଥିବାରୁ ଘଟଣାସ୍ଥଳରେ ମୋତିଲାଲଙ୍କ ମୃତଦେହ ପଡି ରହିଛି ା ପାଟଣାଗଡ଼ ଏସ୍ଡିପିଓ ସୁରେଶ ନାୟକ, ବେଲପଡା ଥାନା ଅଧିକାରୀ ସଚ୍ଚିଦାନନ୍ଦ ବରିହା ସେଠାରେ ପହଞ୍ଚି ତନାଘନା ଚଳାଇଛନ୍ତି। ଘଟଣାସ୍ଥଳରେ ପୋଲିସ ଫେର୍ସ ମୁତୟନ କରାଯାଇଛି ା
ପୋଲିସ ସୂତ୍ରରୁ ପ୍ରକାଶ ଯେ, ବାଲ୍ମିକ ରାଉତଙ୍କ ପୁଅ ଫକୀର ରାଉତ ଜଣେ ଟ୍ରାକ୍ଟର ଡ୍ରାଇଭର। ମୋତିଲାଲ ଗତ କିଛିଦିନ ତଳେ ଏକ ଟ୍ରାକ୍ଟର ଲିଜସୂତ୍ରରେ ଆଣିଥିଲେ ା ଫକୀର ସେହି ଟ୍ରାକ୍ଟରର ଚଳାଉ ଥିଲେ। ଟ୍ରାକ୍ଟର ମାଲିକ ମୋତିଲାଲ କୁଆଡେ ତାଙ୍କୁ ୧୦ ମାସର ଦରମା ଦେଇ ନ ଥିଲେ। ଏହାକୁ ନେଇ ନେଇ ଫକୀର ଓ ମୋତିଲାଲଙ୍କ ମଧ୍ୟରେ ବିଭିନ୍ନ ସମୟରେ ପାଟିତୁଣ୍ଡ ହେଉଥିଲା। କିଛିଦିନ ପୂର୍ବରୁ ମୋତିଲାଲ ତାଙ୍କୁ ଅଳ୍ପ ଟଙ୍କା ଦେଇଥିଲେ ା ତେବେ ଅବଶିଷ୍ଟ ଟଙ୍କାକୁ ନେଇ ବିବାଦ ଲାଗି ରହିଥିଲା ା ଏହି ଘଟଣାକୁ କେନ୍ଦ୍ର କରି ଶନିବାର ଅପରାହ୍ନରେ ଦୁଇ ପରିବାର ମଧ୍ୟରେ ପାଟିତୁଣ୍ଡ ହୋଇଥିଲା ା ଉଭୟ ପକ୍ଷ ମାରଣାସ୍ତ୍ର ଧରି ଗାଁ ଶେଷମୁଣ୍ଡ ଜୋର ପାଖରେ ମୁହଁାମୁହିଁ ହୋଇଥିଲେ ା ଫକୀରଙ୍କ ଭାଇ ମଙ୍ଗଲ ଏକ ତାବଲି(ମାରଣାସ୍ତ୍ର)ରେ ମୋତିଲାଲଙ୍କୁ ହଠାତ୍ ଆକ୍ରମଣ କରିଥିଲେ। ଫଳରେ ଘଟଣାସ୍ଥଳରେ ମୋତିଲାଲ ଟଳି ପଡିଥିଲେ। ପରେ ମଙ୍ଗଳ ଛନ୍ଦମଣିଙ୍କୁ ବି ଆକ୍ରମଣ କରିଥିଲେ। ଗାଁ ଲୋକଙ୍କଠାରୁ ଖବର ପାଇ ପୋଲିସ ଓ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ସମସ୍ତ ଗୁରୁତରଙ୍କୁ ଡାକ୍ତରଖାନାକୁ ଆଣିଥିଲେ ା ହେଲେ ଛନ୍ଦମଣିଙ୍କୁ ଡାକ୍ତର ମୃତ ଘୋଷଣା କରିଥିଲେ ା
