ସୁଯୋଗର ହେଉନି ସଦୁପଯୋଗ

ଅନୁଗୋଳ ଅଫିସ, ୨୩ା୧୦

ଶିଳ୍ପ ସମୃଦ୍ଧ ଅନୁଗୋଳ ଜିଲାରେ ପର୍ଯ୍ୟଟନର ପର୍ଯ୍ୟାପ୍ତ ସୁଯୋଗ ରହିଛି। କିନ୍ତୁ ଏଯାଏ ମାତ୍ର ୧୩ଟି ସ୍ଥାନକୁ ପର୍ଯ୍ୟଟନ ମାନଚିତ୍ରରେ ସ୍ଥାନିତ କରାଯାଇପାରିଛି। ଜିଲାର କେତୋଟି ପୂରାତନ ଦେବଦେବୀ ପୀଠ, ଜଳପ୍ରପାତ, ଡ୍ୟାମ୍‌ ଏବେ ବି ଲୋକ ଲୋଚନକୁ ଆସିପାରି ନାହିଁ। ଏପରି କି ପର୍ଯ୍ୟଟନସ୍ଥଳୀର ମାନ୍ୟତା ପାଇଥିବା କେତେକ ସ୍ଥାନକୁ ଭଲ ରାସ୍ତାଟିଏ ନିର୍ମାଣ କରାଯାଇପାରି ନାହିଁ। ଜିଲାରେ ଅର୍ଥର ଅଭାବ ନ ଥିଲେ ମଧ୍ୟ ପର୍ଯ୍ୟଟନ ଶିଳ୍ପ ଏଠାରେ ଆଗେଇପାରୁ ନାହିଁ। ପ୍ରଶାସନ ଓ ପର୍ଯ୍ୟଟନ ବିଭାଗର ଆନ୍ତରିକତା ଅଭାବ ଏବଂ ସୁଯୋଗର ସଦୁପଯୋଗ କରାଯାଇ ନ ପାରିବା ଏହାର କାରଣ ବୋଲି ସାଧାରଣରେ ମତପ୍ରକାଶ ପାଉଛି।
ଜୈବ ବିବିଧତାପୂର୍ଣ୍ଣ ସାତକୋଶିଆକୁ ଅନୁଗୋଳ ଜିଲା ପର୍ଯ୍ୟଟନର ମେରୁଦଣ୍ଡ ବୋଲି କୁହାଯାଉଛି। ଏଥିସହ ତାଳଚେରର ଅଗ୍ନିରୂପା ମା’ ହିଙ୍ଗୁଳା ପୀଠ, ରେଙ୍ଗାଳି, ଡେରଜେଙ୍ଗ ଜଳଭଣ୍ଡାର, ଆଠମଲ୍ଲିକର ଦେଉଳଝରୀ, ବିନିକେୟୀ, ପାତ୍ରପଡ଼ାର ମା’ ବାୟାଣୀ ପୀଠ, ଅନୁଗୋଳର ଶୈଳଶ୍ରୀକ୍ଷେତ୍ର, ପୁରୁଣାଗଡ଼ର ଜଗନ୍ନାଥ ମନ୍ଦିର, କୋଶାଳାର ମା’ ରାମଚଣ୍ଡୀ ପୀଠ, କୁକୁଡ଼ାଙ୍ଗର ନାରାୟଣ ସେବାଶ୍ରମ, ଲୋଭୀ ଠାକୁରାଣୀ, କଣିହଁାର ଭୀମକୁଣ୍ଡ ଓ ମନ୍ଦରଗିରି ଜିଲା ପର୍ଯ୍ୟଟନର ଗୁରୁତ୍ୱ ବହନ କରୁଛି। ପାଲଲହଡ଼ାର ଖୁଲୁଡ଼ି ଜଳ ପ୍ରପାତ ମଧ୍ୟ ବର୍ଷ ତମାମ୍‌ ପର୍ଯ୍ୟଟକଙ୍କୁ ଆକର୍ଷିତ କରୁଛି। କିନ୍ତୁ ଏହାକୁ ବାଦ୍‌ ଦେଲେ ଜିଲାରେ ଅନେକ ପର୍ଯ୍ୟଟନସ୍ଥଳୀ ଏବେ ମଧ୍ୟ ଲୁକ୍କାୟିତ ହୋଇରହିଛି। ସେଥିମଧ୍ୟରୁ ଗୋଟିଏ ହେଲା ପାଲଲହଡ଼ାର ସାନଚିଲିକା। ଏହି ସ୍ଥାନ ଏଯାଏ ଲୋକଲୋଚନକୁ ଆସିପାରି ନ ଥିଲେ ମଧ୍ୟ ଗତ କିଛିଦିନ ତଳେ ପାଲଲଲଡ଼ା ଗସ୍ତରେ ଯାଇଥିବା ଅନୁଗୋଳ ଜିଲାପାଳ ଏହାର ସୌନ୍ଦର୍ଯ୍ୟ ଦେଖି ଆଶ୍ଚର୍ଯ୍ୟ ହୋଇଯାଇଥିଲେ। ସେହିପରି ପର୍ଯ୍ୟଟନ ମାନଚିତ୍ରରେ ସ୍ଥାନିତ ମା’ ହିଙ୍ଗୁଳାଙ୍କ ପୀଠ, ଆଠମଲ୍ଲିକର ଦେଉଳଝରୀ, ବିନିକେୟୀକୁ ଗମନଗମନର ଭଲ ସୁଯୋଗ ସୃଷ୍ଟି କରାଯାଇପାରି ନାହିଁ। ମହାନଦୀରେ ସାମାନ୍ୟ ବନ୍ୟା ଆସିଲେ ଦେଉଳଝରୀ ଓ ବିନିକେୟୀକୁ ଯୋଗାଯୋଗ ବିଚ୍ଛିନ୍ନ ହୋଇପଡ଼ୁଛି। ବର୍ଷ ବର୍ଷର ଏହି ସମସ୍ୟା ପ୍ରତି ପ୍ରଶାସନ ଯେପରି ଦୃଷ୍ଟି ଦେବା କଥା ତାହା ହୋଇପାରି ନାହିଁ। ତେବେ ବିଳମ୍ବରେ ହେଲେ ବି ଅନୁଗୋଳ ଜିଲାପାଳ ପର୍ଯ୍ୟଟନର ବିକାଶ ଉପରେ ଗୁରୁତ୍ୱ ଦେବା ଆରମ୍ଭ କରିଛନ୍ତି। ବିଭିନ୍ନ ଉପଖଣ୍ଡ ଓ ବ୍ଲକ ପରିଭ୍ରମଣ ବେଳେ ସେଠାକାର ପର୍ଯ୍ୟଟନ ସୁଯୋଗର ଅନୁଧ୍ୟାନ କରିଛନ୍ତି। ଏ ନେଇ ଏକ ମାଷ୍ଟର ପ୍ଲାନ ପ୍ରସ୍ତୁତ କରିବାକୁ ନିର୍ଦ୍ଦେଶ ଦେବା ସହ ଏକ ଟିମ୍‌ ମଧ୍ୟ ଗଢ଼ିଥିବା ସୂଚନା ମିଳିଛି।
ଚିହ୍ନଟ ଓ ଉନ୍ନୟନ ପାଇଁ ବୈଠକ
ଅନୁଗୋଳ ଅଫିସ: ଅନୁଗୋଳ ଜିଲାର ପର୍ଯ୍ୟଟନସ୍ଥଳୀ ଗୁଡ଼ିକର ବିକାଶ ପାଇଁ ଗୁରୁବାର ଜିଲାପାଳ ସିଦ୍ଧାର୍ଥ ଶଙ୍କର ସ୍ବାଇଁଙ୍କ ଅଧ୍ୟକ୍ଷତାରେ ଉନ୍ନୟନ ପରିଷଦର ବୈଠକ ଅନୁଷ୍ଠିତ ହୋଇଯାଇଛି। ସ୍ବତନ୍ତ୍ର ପର୍ଯ୍ୟଟନ ପୁସ୍ତିକା ପ୍ରସ୍ତୁତ ସହ ସପ୍ତାହକ ମଧ୍ୟରେ ସମ୍ଭାବ୍ୟ ପର୍ଯ୍ୟଟନ ସ୍ଥାନଗୁଡ଼ିକର ଭିଡିଓ ଚିତ୍ର ପ୍ରସ୍ତୁତ କରିବା ଉପରେ ଜିଲାପାଳ ଗୁରୁତ୍ୱାରୋପ କରିଥିଲେ। ଏଥିସହ ପ୍ରଚୀନ ବାଜି ରାଉତ ଛାତ୍ରାବାସ ଓ ତାଳଚେର ରାଜପ୍ରସାଦକୁ ଐତିହସ୍ଥଳୀର ମାନ୍ୟତା ପାଇଁ ପଦକ୍ଷେପ ନିଆଯିବ। ଅନୁଗୋଳର ପ୍ରବେଶ ପଥରେ ଏକ ଅତ୍ୟାଧୁନିକ ଗେଟ୍‌ କରାଯିବ। ଇକୋ ପାର୍କର ସୌନ୍ଦର୍ଯ୍ୟକରଣ, ଅନୁଗୋଳରେ ଏକ ଅନ୍ତର୍ଜାତୀୟସ୍ତରର ପାଠାଗାର ଓ ତାଳଚେରରେ କଳାହୀରା ସଂଗ୍ରହାଳୟ ପ୍ରତିଷ୍ଠା କରାଯିବ। ତାଳଚେର ରାଣୀ ପାର୍କର ଉନ୍ନତୀକରଣ ପାଇଁ ଏମ୍‌ସିଏଲ୍‌ ପାଣ୍ଠି ମଞ୍ଜୁର କରିଛି। ସେହିପରି ରାସ୍ତାର ଉନ୍ନତୀକରଣ ସହ ପର୍ଯ୍ୟଟନସ୍ଥଳୀ ଗୁଡ଼ିକରେ ପର୍ଯ୍ୟଟକମାନଙ୍କ ରହିବାର ବ୍ୟବସ୍ଥା କରାଯିବା ଉପରେ ବୈଠକରେ ଆଲୋଚନା ହୋଇଥିଲା। ଢେଙ୍କାନାଳ ଏମ୍‌ପି ମହେଶ ସାହୁ, ଛେଣ୍ଡିପଦା ବିଧାୟକ ସୁଶାନ୍ତ କୁମାର ବେହେରା, ତାଳଚେର ବିଧାୟକ ବ୍ରଜ କିଶୋର ପ୍ରଧାନ, ସମ୍ବଲପୁର ଏମ୍‌ପିଙ୍କ ପ୍ରତିନିଧି ଏବଂ ଜିଲାର ଅନ୍ୟ ବିଧାୟକମାନଙ୍କ ପ୍ରତିନିଧି ଯୋଗଦେଇ ନିଜ ଅଞ୍ଚଳର ପର୍ଯ୍ୟଟନୀସ୍ଥଳୀ ସମ୍ପର୍କରେ ଅବଗତ କରିଥିଲେ। ସାତକୋଶିଆ ଡିଏଫ୍‌ଓ ରାମାସ୍ବାମୀ.ପି, ପିଡି ଦିଲୀପ କୁମାର ସାହୁ, ରେଷ୍ଟୁରାଣ୍ଟ ସଂଘର କର୍ମକର୍ତ୍ତା ଓ ଜିଲା ପର୍ଯ୍ୟଟନ ଅଧିକାରୀ ଜଗଦୀଶ ରାଏ ପ୍ରମୁଖ ଉପସ୍ଥିତ ଥିଲେ।

ଉଦ୍ୟମ କରୁନି ଜିଲା ପ୍ରଶାସନ
ଅନୁଗୋଳ ଜିଲାରେ ପର୍ଯ୍ୟଟନ କ୍ଷେତ୍ରର ଅଭାବ ନାହିଁ। ହେଲେ ଏହାର ଉନ୍ନତି ଦିଗରେ ପ୍ରଶାସନ ଉଦ୍ୟମ କରୁନାହିଁ। ସେଥିପାଇଁ ବହୁ ପର୍ଯ୍ୟଟନସ୍ଥଳୀ ଏଯାଏ ଲୋକ ଲୋଚନକୁ ଆସିପାରିନାହିଁ। ଯେଉଁ କେତୋଟିକୁ ସରକାରୀ ମାନ୍ୟତା ମିଳିଛି ସେଠାକୁ ଯାତାୟାତର ସେପରି ସୁବିଧା କରାଯାଉନି।
-ପ୍ରତାପ ମହାପାତ୍ର, ଅନୁଗୋଳ
ଭାଗ୍ୟ ବଦଳି ପାରନ୍ତା
ପାଲଲହଡ଼ା ବ୍ଲକର କେବଳ ଖୁଲୁଡ଼ିକୁ ପର୍ଯ୍ୟଟନସ୍ଥଳୀର ମାନ୍ୟତା ମିଳିଛି। ଏହି ବ୍ଲକରେ ସାନ ଚିଲିକା, ଗର୍ଜନଖୋଳ ଜଳପ୍ରପାତ, ସମଲ ଜଳପ୍ରପାତ ରହିଛି। କିନ୍ତୁ ଏସବୁ ସମ୍ପର୍କରେ ବାହାର ଲୋକେ ଜାଣିପାରୁ ନାହାନ୍ତି। ଏଥିପ୍ରତି ପ୍ରଶାସନ ଦୃଷ୍ଟି ଦେଲେ ସ୍ଥାନୀୟ ଅଞ୍ଚଳବାସୀଙ୍କ ଭାଗ୍ୟ ବଦଳିପାରନ୍ତା।
-ରମାକାନ୍ତ ତ୍ରିପାଠୀ, ପାଲଲହଡ଼ା
ଟୁରିଜମ୍‌ ସେଣ୍ଟର କରାଯାଉ
ଆଠମଲ୍ଲିକ ବ୍ଲକରେ ବିନକେୟୀ, ଦେଉଳଝରୀ, ମାନଜୋର, ସୁରେଶ୍ୱରୀ ଜଳପ୍ରପାତ ରହିଛି। ଏଠାରେ ପର୍ଯ୍ୟଟନ ବିଭାଗ ପକ୍ଷରୁ କିଛିଟା ବିକାଶ କାର୍ଯ୍ୟ ହୋଇଛି। କିନ୍ତୁ ମହାନଦୀ ନିକଟରେ ଥିବା ଏହି ପର୍ଯ୍ୟଟନସ୍ଥଳୀକୁ ମିଶାଯାଇ ଏକ ଟୁରିଜମ୍‌ ସେଣ୍ଟର କରାଯାଇପାରିଲେ ଅଧିକ ପର୍ଯ୍ୟଟକ ଆସିପାରନ୍ତେ।
-ମନୋଜ କୁମାର ମହାପାତ୍ର, ଆଠମଲ୍ଲିକ
ବିପୁଳ ସମ୍ଭାବନା ରହିଛି
ଶିଳ୍ପ ଜିଲା ଅନୁଗୋଳରେ ପର୍ଯ୍ୟଟନର ବିପୁଳ ସମ୍ଭାବନା ରହିଛି। ନୂଆ ଜିଲାପାଳ ଏ ନେଇ ଦେଖାଇଥିବା ଆଗ୍ରହ ସ୍ବାଗତଯୋଗ୍ୟ। ତାଳଚେର ରାଜବାଟି, ରାଣୀ ପାର୍କ, ହିଙ୍ଗୁଳା ମନ୍ଦିରକୁ ଗମନାଗମନର ସୁବିଧା ଏବେ ବି ଅଧୁରା ରହିଛି। ପ୍ରଥମେ ଏ ନେଇ ଏକ ମାଷ୍ଟର ପ୍ଲାନ ପ୍ରସ୍ତୁତ କରାଯାଉ।
-ବଳରାମ୍‌ ପତି, ତାଳଚେର


Enter your email to get our daily news in your inbox.

All Right Reserved By Dharitri.Com

‘ଓଡ଼ିଶା ଟୁରିଜମ୍‌’କୁ ଆବଶ୍ୟକ ସେଲିବ୍ରିଟି ବ୍ରାଣ୍ଡ୍‌ ଆମ୍ବାସାଡର

ଭୁବନେଶ୍ୱର,୧୮ା୭(ବ୍ୟୁରୋ): ‘ଖୁସ୍‌ବୁ ଗୁଜରାଟ କି’ କ୍ୟାମ୍ପେନ୍‌ ହେଉ କି ‘ଅସମ୍‌ ଆସାମ୍‌’ କ୍ୟାମ୍ପେନ୍‌। ଅମିତାଭ ବଚ୍ଚନ ଓ ପ୍ରିୟଙ୍କା ଚୋପ୍ରାଙ୍କ ଭଳି ସେଲିବ୍ରିଟି କ୍ୟାମ୍ପେନର୍‌ ଉଭୟ...

ମାସ୍କ ପିନ୍ଧିଲେନି, ଜରିମାନା ଦେଲେ

ଦେବଗଡ,୧୯।୪ (ଡି.ଏନ.ଏ.)-ରାଜ୍ୟରେ କରୋନା ସଂକ୍ରମଣକୁ ଦୃଷ୍ଟିରେ ରଖି ସରକାର ମାସ୍କ ବ୍ୟବହାରକୁ ବାଧ୍ୟତାମୂଳକ କରାଯାଇଛି। ଏହାକୁ ଅବମାନନା କରିଥିବା ବ୍ୟକ୍ତିଙ୍କଠାରୁ ଜରିମାନା ଆଦାୟ କରାଯାଇଛି। ଶନିବାର...

ଆଜିଠୁ ସ୍କୁଲ ବନ୍ଦ: ଖୋଲା ରହିବ କାର୍ଯ୍ୟାଳୟ, ଉପସ୍ଥିତ ରହିବେ ଶିକ୍ଷକ

ଭୁବନେଶ୍ୱର,୧୮।୪(ବ୍ୟୁରୋ): ରାଜ୍ୟରେ ଜାରି ରହିଥିବା ପ୍ରଚଣ୍ଡ ଗ୍ରୀଷ୍ମ ପ୍ରବାହକୁ ଦୃଷ୍ଟିରେ ରଖି ସରକାର ଗୁରୁବାରଠାରୁ ରାଜ୍ୟର ସମସ୍ତ ସରକାରୀ ଏବଂ ବେସରକାରୀ ସ୍କୁଲ ବନ୍ଦ କରିଛନ୍ତି। ଏପ୍ରିଲ...

ବିଧାନସଭାରେ ଶୋକ:ଭିଡିଓ କନ୍‌ଫରେନ୍ସରେ ଯୋଗଦେଲେ ମୁଖ୍ୟମନ୍ତ୍ରୀ

ଭୁବନେଶ୍ୱର,୨୧। ୧୧(ବ୍ୟୁରୋ):  ଷୋଡ଼ଶ ବିଧାନସଭାର ଶୀତକାଳୀନ ଅଧିବେଶନ ଶୁକ୍ରବାରଠାରୁ ଆରମ୍ଭ ହୋଇଛି। ପ୍ରଥମ ଦିନରେ ପୂର୍ବତନ ବାଚସ୍ପତି ଶରତ ଚନ୍ଦ୍ର କରଙ୍କ ସମେତ ଦିବଂଗତ ବିଧାୟକଙ୍କ...

ସୁନା ଲୋଭ ଦେଖାଇ କନ୍‌ଷ୍ଟେବଳଙ୍କଠାରୁ ୬ ଲକ୍ଷ ଠକେଇ

କଟକ ରୋଡ୍‌,୧୨ା୩(ଡି.ଏନ୍‌.ଏ.): ସୁନା ଲୋଭ ଦେଖାଇ ଜଣେ କନ୍‌ଷ୍ଟେବଳଙ୍କ ଠାରୁ ୬ଲକ୍ଷ ଟଙ୍କା ଠକିନେବା ଅଭିଯୋଗରେ ଲକ୍ଷ୍ମୀସାଗର ଥାନା ପୋଲିସ ସୋମବାର ୪ଜଣଙ୍କୁ ଗିରଫ କରି...

ଦୁର୍ଘଟଣାରେ ସାମ୍ବାଦିକଙ୍କ ମୃତ୍ୟୁ

ଭୁବନେଶ୍ୱର,୬।୩(ବ୍ୟୁରୋ): ଖଣ୍ଡଗିରିରେ ଶନିବାର ରାତିରେ ଏକ ସଡ଼କ ଦୁର୍ଘଟଣାରେ ଜଣେ ସାମ୍ବାଦିକଙ୍କ ମୃତ୍ୟୁ ଘଟିଛି। ସେ ହେଲେ ଜିତେନ୍ଦ୍ର ପ୍ରସାଦ ଦାସ (୪୨)। ତାଙ୍କ ଘର...

ଜେଲ ଗଲେ ଅବସରପ୍ରାପ୍ତ ସେନା କର୍ମଚାରୀ

ଭୁବନେଶ୍ୱର,୯ା୯ (ବ୍ୟୁରୋ): ଖଣ୍ଡଗିରି ଥାନା ଅନ୍ତର୍ଗତ ଭରତପୁର ଅଞ୍ଚଳରେ ପଡୋଶୀଙ୍କ ସହ ବଚସାକୁ କେନ୍ଦ୍ରକରି ଗୁଳି ମାଡ଼ କରିଥିବା ଅଭିଯୁକ୍ତ ଅବସରପ୍ରାପ୍ତ ସେନା କର୍ମଚାରୀଙ୍କୁ ପୋଲିସ...

‘କରୋନା’ ଗୀତ ଗାଇ ଟ୍ରୋଲ ହେଲେ ହ୍ୟୁମାନ ସାଗର

ଭୁବନେଶ୍ୱର, ୧୭।୩(ବ୍ୟୁରୋ)/କଟକ ଅଫିସ : ‘ଝିଅ ନୁହେଁ ତୁ କରୋନା ଭାଇରସ୍‌’। ଏହି ଗୀତକୁ ନେଇ ଏବେ ସୋସିଆଲ ମିଡିଆରେ ଚର୍ଚ୍ଚା ଜୋର୍‌ ଧରିଛି। ଓଡ଼ିଶାର...

Advertisement
Archives

Model This Week