ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି ପ୍ରାୟ ପ୍ରତ୍ୟେକ ସାକ୍ଷାତକାରରେ ତାଙ୍କ ସ୍ତ୍ରୀ ତଥା ଅଭିନେତ୍ରୀ ଅନୁଷ୍କା ଶର୍ମାଙ୍କୁ ପ୍ରଶଂସା କରନ୍ତି। ବିରାଟ ତାଙ୍କ ସଫଳତାରେ ଅନୁଷ୍କାଙ୍କ ଭୂମିକାକୁ ଗୁରୁତ୍ୱପୂର୍ଣ୍ଣ ମନେ କରନ୍ତି। ଏହି ଷ୍ଟାର୍ ଦମ୍ପତି ପ୍ରଥମେ ୨୦୧୩ରେ ଏକ ବିଜ୍ଞାପନ ଶୁଟ ସମୟରେ ସାକ୍ଷାତ ହୋଇଥିଲେ ଏବଂ ଏହା ପରେ ସେମାନେ ଡେଟିଂ ଆରମ୍ଭ କରିଥିଲେ। ବିରାଟ-ଅନୁଷ୍କା ଡିସେମ୍ବର୨୦୧୭ରେ ବିବାହ କରିଥିଲେ ଏବଂ ଜାନୁଆରୀ ୨୦୨୧ ରେ ଏକ ଝିଅର ମାତାପିତା ହୋଇଥିଲେ। ଇଂଲଣ୍ଡ ବିପକ୍ଷ ପାଞ୍ଚ ଟେଷ୍ଟ ସିରିଜ ଆରମ୍ଭ ପୂର୍ବରୁ ବିରାଟ କୋହଲି ଅନୁଷ୍କା ଶର୍ମାଙ୍କୁ ପୁଣି ଥରେ ପ୍ରଶଂସା କରିଥିଲେ। ଏକ ସାକ୍ଷାତକାରରେ ବିରାଟ କୋହଲି କହିଛନ୍ତି ଯେ, ଅନୁଷ୍କାଙ୍କ ପରି ଜୀବନସାଥୀ ପାଇ ସେ ବହୁତ ଭାଗ୍ୟବାନ। ଯଦି ମୁଁ ଅନୁଷ୍କା ଶର୍ମାଙ୍କୁ ଭେଟି ନ ଥା’ନ୍ତି, ତେବେ ମୁଁ ଜାଣି ନାହିଁ, ମୁଁ ଆଜି କେଉଁଠାରେ ଥା’ନ୍ତି। ସେ ଜଣେ ବ୍ୟକ୍ତି ଭାବରେ ମୋ ଭିତରେ ସ୍ଥିରତା ଆଣିଛନ୍ତି । ମୋର କ୍ରିକେଟ ଉପରେ ମଧ୍ୟ ଏହାର ପ୍ରଭାବ ରହିଛି। ତାଙ୍କ ପରି ଜୀବନ ସାଥୀ ପାଇ ମୁଁ ଅଧିକ କୃତଜ୍ଞ ଏବଂ ଭାଗ୍ୟବାନ। ସେ ପ୍ରକୃତରେ ମୋର ଭଲ ଅର୍ଦ୍ଧାଙ୍ଗୀନି।
ବିସିସିଆଇ ଏବେ ଖେଳାଳିଙ୍କ ପରିବାର ସଦସ୍ୟଙ୍କୁ ସେମାନଙ୍କ ସହ ଯାତ୍ରା କରିବାକୁ ଅନୁମତି ଦେଇଛି। ଅନୁଷ୍କା ଏବଂ ଝିଅ ଭାମିକା ମଧ୍ୟ ସେମାନଙ୍କ ସହିତ ବ୍ରିଟେନରେ ଅଛନ୍ତି।
