ପୁରୀ,୩।୯(ଅଜିତ କୁମାର ମହାନ୍ତି): ପୁରୀ ଜିଲା କୁମ୍ଭାରପଡା ଥାନା ଅଞ୍ଚଳରେ ପାରିବାରିକ କହଳକୁ ନେଇ ଏକ କରୁଣ ତଥା ଲୋମଟାଙ୍କୁରା ଘଟଣା ସାମ୍ନାକୁ ଆସିଛି। ସ୍ବାମୀସ୍ତ୍ରୀଙ୍କ ପବିତ୍ର ସମ୍ପର୍କରେ କଳଙ୍କ ଲାଗିଛି। ଯାହାକୁ ନେଇ ସ୍ଥାନୀୟ ଅଞ୍ଚଳରେ ଚର୍ଚ୍ଚା ଯୋର ଧରିଛି। ପାରିବାରିକ କହଳକୁ ନେଇ ସ୍ତ୍ରୀଙ୍କୁ ପେଟ୍ରୋଲ ଢାଳି ଜାଳି ଦେଇଛି ସ୍ବାମୀ। ନିଆଁରେ ଜଳିଯାଇଥିବା ମହିଳା ଜଣଙ୍କ ହେଉଛନ୍ତି ସରୋଜିନୀ ମଲ୍ଲିକ (୩୫)। ସରୋଜିନୀଙ୍କୁ ଘଟଣାସ୍ଥଳରୁ ଉଦ୍ଧାର କରି ଚିକିତ୍ସା ନିମନ୍ତ ସଦରମୁଖ୍ୟ ଚିକିତ୍ସାଳୟରେ ଭତି କରାଯାଇଥିବାବେଳେ ଅବସ୍ଥା ଗୁରୁତର ହେବାରୁ ଏମ୍ସକୁ ସ୍ଥାନାନ୍ତର କରାଯାଇଛି। ଅପରପକ୍ଷରେ ପୋଲିସ ଘଟଣାସ୍ଥଳରେ ପହଞ୍ଚି ଏପରି ନାରକୀୟ କାଣ୍ଡ ଘଟାଇଥିବା ସ୍ବାମୀଙ୍କୁ ଗିରଫ କରିଛି।
ପୋଲିସର ସୂଚନା ଅନୁଯାୟୀ, କୁମ୍ଭାରପଡା ଥାନା ଅନ୍ତର୍ଗତ ଆଲାମଚଣ୍ଡୀ ଲେନରେ ରହୁଥିବା ବିକ୍ରମ ମଲ୍ଲିକ ଓ ତାଙ୍କ ସ୍ତ୍ରୀ ସରୋଜିନୀ ମଲ୍ଲିକଙ୍କ ମଧ୍ୟରେ କୌଣସି ଘଯଣାକୁ ନେଇ କହଳ ହୋଇଥିଲା। ଉଭୟଙ୍କ ମଧ୍ୟରେ ପାରିବାରିକ କଳହ ଉଗ୍ର ରୂପ ନେଇଥିଲା। ଏଥିରେ ବିକ୍ରମ ଉତ୍ତ୍ୟକ୍ତ ହୋଇ ସରୋଜିନୀଙ୍କ ଉପରେ ପେଟ୍ରୋଲ ଢାଲି ନିଆଁ ଲଗାଇ ଦେଇଥିଲା। ତେବେ ପରିବାର ଲୋକ ନିଆଁ ଲିଭାଇବା ସହ ସରୋଜିନୀଙ୍କୁ ମେଡିକାଲରେ ଭର୍ତ୍ତି କରିଥିଲେ।
ଖବର ପାଇ କୁମ୍ଭାରପଡା ଓ ତାଳବଣିଆ ଥାନା ପୋଳିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବାବେଳେ ବିକ୍ରମକୁ ଗିରଫ କରି ଥାନାକୁ ନେଇଛି। ଅପରପକ୍ଷରେ ଶରୀରର ୮୦ ଶତକଡା ଅଂଶ ପୋଡି ଯାଇଥିବାରୁ ସରୋଜିନୀଙ୍କ ଅବସ୍ଥା ସଙ୍କଟାପନ୍ନ ରହିଛି। ଗୁରୁତର ସରୋଜିନୀଙ୍କୁ ଚିକିତ୍ସା ନିମନ୍ତେ ଡାକ୍ତର ସରୋଜିନୀଙ୍କୁ ଚିକିତ୍ସା ନିମନ୍ତେ ଏସମ ସ୍ଥାନାନ୍ତର କରିଛି।
Dharitri – Odisha’s No.1 Odia Daily
