ଏମିତି କିଛି ଫଟୋ ଅଛି, ଯାହାକୁ ଦେଖିଲେ ଲୋମ ଟାଙ୍କୁରି ଉଠିବ। ସେମିତି ଏକ କୁକରର ଫଟୋ ଏବେ ଭାଇରାଲ ହେଉଛି। ଫଟୋରେ କୁକୁରର ମାଲିକ ବିମାନରୁ କୁକୁରକୁ ବାହାରକୁ ଠେଲି ଦେଉଥିବା ନଜର ଆସିଛି। ମାତ୍ର ପ୍ରକୃତ ସତ ଜାଣିବା ପରେ ଆଶ୍ଚର୍ଯ୍ୟ ହେବେ।
ଫଟୋରେ କୁକୁରକୁ ବିମାନରେ ଜଣେ ଧରିଥିବା ଦେଖିବାକୁ ମିଳୁଛି। ପ୍ରଥମେ ବ୍ୟକ୍ତିଜଣକ କୁକୁରକୁ ବିମାନରୁ ଠେଲି ଦେବା ପରି ଦେଖାଯାଉଛି। ବ୍ୟକ୍ତିଜଣକ ଏପରି କରିଛନ୍ତି ଭିଡିଓ ଦେଖିଲେ ନିଃଶ୍ୱାସ ବି ବନ୍ଦ ହୋଇଯିବ। ଲୋକେ ରାଗରେ ପାଚି ଲାଲ୍ ହୋଇଯିବେ। ମାତ୍ର କିଛି ସମୟରେ ପରେ ପ୍ରକୃତ ସତଟା ଜଣାପଡ଼ିଯାଉଛି। ଏହା କେବଳ ଆଖିର ଭ୍ରମ ଏବଂ କ୍ୟାମେରାର କମାଲ।
କୁକୁରଟି ବିମାନରେ ନୁହେଁ ବରଂ ବରଫରେ ଥିଲା। ଯାହା ପରବର୍ତ୍ତୀ ଭିଡିଓ କ୍ଲିପ୍ରେ ସ୍ପଷ୍ଟ ଭାବେ ଜଣାପଡ଼ିଥିଲା। କୁକୁରଟି ପ୍ରଥମେ ମେଘ ଉପରେ ଝଲୁଥିବା ପରି ମନେ ହେଉଥିଲା, ପ୍ରକୃତରେ ତାଙ୍କ ମାଲିକଙ୍କ ହାତରେ ସେ ଥିଲା। ଯିଏ କି ଠିଆ ହୋଇ କୁକୁରକୁ ନିଜ କୋଳରେ ଧରିଥିଲେ, ପରେ ଏହାକୁ ଫିଙ୍ଗି ଦେଇଥିଲେ। ତାହା ବରଫରେ ପଡ଼ିଥିଲା।
ବରଫ ଲ୍ୟାଣ୍ଡ କ୍ୟାମେରାରେ ମେଘ ପରି ଦେଖାଯାଉଥିଲା। ଯେଉଁଥିପାଇଁ ଲୋକଙ୍କ ମନରେ ଭ୍ରମ ସୃଷ୍ଟି ହୋଇଥିଲା ଯେ, କେହି କୁକୁରକୁ ଆକାଶରେ ଯାଉଥିବା ବିମାନରୁ ତଳକୁ ଫିଙ୍ଗି ଦେଉଛନ୍ତି।
ଇନଷ୍ଟାଗ୍ରାମରେ ଏହି ଭିଡିଓ ପୋଷ୍ଟ ହେବା ପରେ ଅନେକ ଲୋକ ସମାନ ମତ ଶେୟାର କରିଥିଲେ। ସେମାନେ ଭାବୁଥିଲେ କୁକୁରର ମାଲିକ ତାଙ୍କୁ ବିମାନରୁ ଠେଲି ଦେଉଛନ୍ତି। ଜଣେ ୟୁଜର ଲେଖିଛନ୍ତି, ମୁଁ ଭାବୁଥିଲି ସେମାନେ ମେଘରେ ଅଛନ୍ତି, ଅନ୍ୟ ଜଣେ ୟୁଜର ଲେଖିଛନ୍ତି, ମୋତେ ଲାଗିଲା କୁକୁରକୁ ବିମାନରୁ କେହି ଠେଲି ଦେଉଛନ୍ତି। ଏମିତି ଅନେକ ୟୁଜର ଭିନ୍ନ ଭିନ୍ନ ମତ ଦେଇଛନ୍ତି। ଭିଡିଓଟି ଖୁବ୍ ଭାଇରାଲ ହେବାରେ ଲାଗିଛି।
