ବାଲେଶ୍ୱର ଅଫିସ, ୧୬।୯:ବାଲେଶ୍ୱର ଚାନ୍ଦିପୁର ବେଳାଭୂମିରେ ଜବରଦଖଲ କରିଥିବା ଉଠାଦୋକାନୀଙ୍କୁ ନିଜ ତରଫରୁ ଉଠିଯିବା ଲାଗି ପ୍ରଶାସନ ପକ୍ଷରୁ ଜଣାଇ ଦିଆଯାଇଥିଲା। ଗତ ବୁଧବାର ପର୍ଯ୍ୟନ୍ତ ନ ଉଠିବାରୁ ସଦର ତହସିଲଦାର ନରେନ୍ଦ୍ର ଖମାରୀ ୨ଦିନ ଭିତରେ ନ ଉଠାଇଲେ ଡୋଜର ଲଗାଇ ଭାଙ୍ଗିଦେବାକୁ ଉଠାଦୋକାନୀଙ୍କୁ ଚେତାବନୀ ଦେଇଛନ୍ତି। ଏହାର ପ୍ରତିବାଦରେ ଗୁରୁବାର ଉଠାଦୋକାନୀମାନେ ଏକାଠି ହୋଇ ଜିଲାପାଳଙ୍କ ଦ୍ୱାରସ୍ଥ ହୋଇଛନ୍ତି।
ତଥା ଆଖପାଖ ଅଞ୍ଚଳର ଲୋକମାନେ ଦୀର୍ଘ ୨୦ରୁ ୨୫ ବର୍ଷ ଧରି ବେଳାଭୂମିରେ ଉଠାଦୋକାନ କରି ପର୍ଯ୍ୟଟକମାନଙ୍କର ଆବଶ୍ୟକ ଜିନିଷ ଯୋଗାଇ ଆସୁଥିବା ବେଳେ ଉପାର୍ଜିତ ଅର୍ଥରେ ପରିବାର ପ୍ରତିପୋଷଣ କରିଆସୁଛନ୍ତି। ଗତ ୨୦୧୪ରେ ଚାନ୍ଦିପୁର ବେଳାଭୂମି କର୍ତ୍ତୃପକ୍ଷ ସେମାନଙ୍କୁ ସ୍ଥାୟୀ ଦୋକାନ ଓ ଥଇଥାନ ନିମନ୍ତେ ସ୍ଥାନ ନିରୂପଣ କରାଇଥିଲେ। ସ୍ଥାନୀୟ ପ୍ରଶାସନ ପକ୍ଷରୁ ଏଲ୍ଇ କେସ୍ କରାଯାଇ ବାର୍ଷିକ ଖଜଣା ଆଦାୟ କରାଯାଉଛି। କୌଣସି ନୋଟିସ୍ ନ ଦେଇ ଅଚାନକ ଭାବେ ଉଠାଇ ଦେବାର ଧମକ ପାଇବା ପରେ ଉଠାଦୋକାନୀମାନେ ଏକାଠି ହୋଇ ଜିଲାପାଳଙ୍କ ଦ୍ୱାରସ୍ଥ ହୋଇଛନ୍ତି। ସ୍ଥାୟୀ ଦୋକାନ ଘର ନିର୍ମାଣ କରି ପ୍ରଦାନ ନିମନ୍ତେ ରିଣ୍ଟୁ ଦାସ, ଅଜୟ ଗିରି, ନରେନ୍ଦ୍ର ଦାସ, ସୁକୁମାର ମାଝି, ଆଶୁତୋଷ ମଣ୍ଡଳ, ଅଜୟ ନାୟକ, ଶକୁନ୍ତଳା ଜାନା, ମୁନା ଅଲ୍ଲି ସାହା, ମିହିର ପାତ୍ର, କାବେରୀ ଦାସ ଓ ପୁଷ୍ପାରାଣୀ ଦାସ ପ୍ରମୁଖ ନିବେଦନ କରିଛନ୍ତି।
