ସମସ୍ତଙ୍କର ନିଜସ୍ବ ଜୀବନଶୈଳୀ ଅଛି। ଯାହା ଅନୁଯାୟୀ ସେମାନେ ନିଜ ନିଜ ଘରକୁ ସଜାନ୍ତି। ଘରର କବାଟଠାରୁ ଆରମ୍ଭ କରି ଶୋଇବା ଘର, ଗେଷ୍ଟ୍ରୁମ୍ ଏବଂ ବାଥ୍ରୁମ୍ ଇତ୍ୟାଦି। ଏହି ସ୍ଥାନଗୁଡ଼ିକୁ ନିଜ ପସନ୍ଦ ଏବଂ ଆବଶ୍ୟକତା ଅନୁଯାୟୀ ସଜାଯାଇଥାଏ। ଜଣେ ବ୍ୟକ୍ତି ସ୍ବଚ୍ଛତା ଉଦ୍ଦେଶ୍ୟରେ ନିଜ ଘରେ କିଛି ଜିନିଷ ରଖିଥାନ୍ତି କିନ୍ତୁ ସେ ଏହା ସହିତ ଜଡ଼ିତ ବିପଦ ବିଷୟରେ ଜାଣି ନ ଥାନ୍ତି। ଏ ସମ୍ପର୍କରେ ଜଣେ ଡାକ୍ତର କ’ଣ କହିଛନ୍ତି ଜାଣନ୍ତୁ…
ଡକ୍ଟର ସ୍କଟ୍ ନୁର୍ଦା ସୋସିଆଲ ମିଡିଆରେ କହିଛନ୍ତି, ବାଥ୍ରୁମ୍ରେ ଥିବା ଏକ ଜିନିଷ ମାରାତ୍ମକ କ୍ୟାନସର ରୋଗର କାରଣ ହୋଇପାରେ। ପ୍ରାୟତଃ ଲୋକମାନେ ଏହାକୁ ସଫା କରିବା ଉଦ୍ଦେଶ୍ୟରେ ରଖନ୍ତି କିନ୍ତୁ ଏହା ସେମାନଙ୍କ ସ୍ବାସ୍ଥ୍ୟ ପାଇଁ କେତେ କ୍ଷତି ପହଞ୍ଚାଏ ତାହା ସେମାନେ ଜାଣନ୍ତି ନାହିଁ।
ଡକ୍ଟର ସ୍କଟ୍ ତାଙ୍କ ଇନ୍ଷ୍ଟାଗ୍ରାମ ଆକାଉଣ୍ଟରେ କହିଛନ୍ତି, ବାଥ୍ରୁମ୍ରେ ଝୁଲୁଥିବା ପ୍ଲାଷ୍ଟିକ ସ୍କ୍ରିନ୍ ବହୁତ ମାରାତ୍ମକ। ଏଥିରୁ ନିର୍ଗତ ବିଷାକ୍ତ ରାସାୟନିକ ପଦାର୍ଥ ଆମର ପ୍ରତିରକ୍ଷା ପ୍ରଣାଳୀକୁ ନଷ୍ଟ କରିଦିଏ। ଯଥା ରୋଗ ସହ ଲଢ଼ିବା ପାଇଁ ଆମର କ୍ଷମତା ନ ଥାଏ। କେବଳ ଏତିକି ନୁହେଁ, ଏହା କ୍ୟାନ୍ସର ପରି ଭୟଙ୍କର ରୋଗ ସୃଷ୍ଟି କରିପାରେ। ଏହି ସ୍କ୍ରିନ୍ରେ ପଲିଭିନିଲ କ୍ଲୋରାଇଡ ଯଥା ପିଭିସି ଦ୍ୱାରା ନିର୍ମିତ ଯାହା ଏକ ସିନ୍ଥେଟିକ ପ୍ଲାଷ୍ଟିକ୍। ଏହା ଖାଦ୍ୟ ପ୍ୟାକେଜିଂ, ତାର ଏବଂ ଗମ୍ ବୁଟ୍ସ ତିଆରିରେ ବ୍ୟବହୃତ ହୁଏ।
ସେ କହିଛନ୍ତି, ଏହି ସ୍କ୍ରିନ୍ଗୁଡ଼ିକ ମୁଣ୍ଡବିନ୍ଧା, ଲୋକଙ୍କ ଉପରେ କ୍ରୋଧ ଭଳି ଲକ୍ଷଣ ସୃଷ୍ଟି କରିଥାଏ ଏବଂ ଫର୍ଟିଲିଟିଠାରୁ କ୍ୟାନସର ପର୍ଯ୍ୟନ୍ତ ବିପଦ ସୃଷ୍ଟି କରିଥାଏ। ଏହା ବଦଳରେ କପଡ଼ାର ସ୍କ୍ରିନ୍ ଲଗାଯାଇପାରିବ ବୋଲି ସେ କହିଛନ୍ତି। ପିଭିସିରେ ଭିନିଲ କ୍ଲୋରାଇଡ୍ ପରି ରଙ୍ଗହୀନ ଗ୍ୟାସ ଥାଏ। ଯାହା ତମାଖୁ ଧୂଆଁରେ ମିଳିଥାଏ। ଏହା ଲିଭର, ମସ୍ତିଷ୍କ ଏବଂ ଫୁସ୍ଫୁସ୍ କର୍କଟ ରୋଗର କାରଣ ହୋଇପାରେ, ଯେତେବେଳେ କି ଏହା ଲିମ୍ଫୋମା ଏବଂ ଲ୍ୟୁକେମିଆ ମଧ୍ୟ ହୋଇପାରେ। ଏପରି ପରିସ୍ଥିତିରେ ପ୍ଲାଷ୍ଟିକ୍ ସ୍କ୍ରିନ୍ ପରିବର୍ତ୍ତେ କପଡ଼ା ସ୍କ୍ରିନ୍ ବ୍ୟବହାର କରନ୍ତୁ କିମ୍ବା ଗ୍ଲାସ୍ କବାଟ ସହିତ ସାଓ୍ବାର ବ୍ୟବହାର କରନ୍ତୁ୍।
