ଇସ୍ଲାମିକ୍ ଦେଶ ତୁର୍କୀ ନିକଟରେ ଭୟଙ୍କର ଭୂକମ୍ପର ଶିକାର ହୋଇଛି। ଏଠାରେ ବହୁତ କ୍ଷୟକ୍ଷତି ହେବା ସହ ଏବେବି ଅନେକ ମୃତକଙ୍କୁ ଠାବ କରାଯାଇପାରି ନାହିଁ। ତେବେ ସୁନ୍ଦର ପର୍ଯ୍ୟଟନସ୍ଥଳୀରେ ପରିପୂର୍ଣ୍ଣ ଏହି ଦେଶରେ ଏମିତି କିଛି ଅଜବ କଥା ବା ପ୍ରଥା ରହିଛି, ଯାହା ସମ୍ପର୍କରେ ଜାଣିଲେ ଆଶ୍ଚର୍ଯ୍ୟ ଲାଗିଥାଏ….
ଚା ପିଇବାରେ ତୁର୍କୀର ବାସିନ୍ଦାମାନେ ବିଶ୍ୱରେ ପ୍ରଥମ ସ୍ଥାନ ଅଧିକାର କରିଛନ୍ତି। ଦେଶର ୯୬% ଜନତା ପ୍ରତିଦିନ ଚା ପିଇଥାଆନ୍ତି। ଏଠାରେ ଜଣେ ନାଗରିକ ଦିନକୁ ୫ରୁ ୧୦ କପ୍ ପର୍ଯ୍ୟନ୍ତ ଚା ପିଇଥା’ନ୍ତି।
ତୁର୍କୀର ସବୁଠାରୁ ପ୍ରସିଦ୍ଧ ସହର ଇସ୍ତାନ୍ବୁଲ, ବାଇଜାଣ୍ଟିଅମ୍ ନାମରେ ମଧ୍ୟ ଜଣାଶୁଣା। ଏହି ସହରର ନାମ ପରିବର୍ତ୍ତନ କରି କନ୍ଷ୍ଟାଣ୍ଟିନୋପଲ କରି ଦିଆଯାଇଥିଲା, କିନ୍ତୁ ୧୯୩୦ ମସିହାରେ ପୁଣି ପରିବର୍ତ୍ତନ ହୋଇ ଇସ୍ତାନ୍ବୁଲ ରଖାଗଲା।
ତୁର୍କୀର ଜାତୀୟ ଫୁଲ ଟୁଲିପ୍। ଏହି ନାମଟି ଟର୍କିସ୍ ଶବ୍ଦ ଟରବାନ୍ରୁ ଆସିଛି।
ତୁର୍କୀର ରାଜଧାନୀ ଇସ୍ତାନ୍ବୁଲ ବୋଲି ଅଧିକାଂଶ ଭାବିଥା’ନ୍ତି। କିନ୍ତୁ ଏହା ଭୁଲ୍। ଏହାର ରାଜଧାନୀ ଅଙ୍କାରା। ଦେଶର ବଡ଼ ସହର ହେଉଛି ଇସ୍ତାନ୍ବୁଲ। ଇସ୍ତାନ୍ବୁଲ ଦୁଇ ମହାଦେଶ ଏସିଆ ଓ ୟୁରୋପ ମଧ୍ୟରେ ରହିଛି। ତୁର୍କୀର ୯୫% ଅଂଶ ଏସିଆରେ ଏବଂ ୫% ୟୁରୋପରେ ଅଛି।
ରେସ୍ଲିଂ ତୁର୍କୀର ଜାତୀୟ ଖେଳ। ୬୫୦ ବର୍ଷରୁ ଊର୍ଦ୍ଧ୍ୱ ସମୟ ହେବ ଏହି ଖେଳ ଏଠାରେ ଖେଳାଯାଉଛି। ଏହି ଖେଳରେ ଖେଳାଳି ନିଜ ଦେହରେ ତେଲ ଲଗାଇ କୁସ୍ତି କରିଥାନ୍ତି।
ସବୁଠାରୁ ଆକର୍ଷଣୀୟ ମସ୍ଜିଦଗୁଡିକ ତୁର୍କୀରେ ଅଛି। ଏଠାରେ ୮୨,୦୦୦ରୁ ଅଧିକ ମସ୍ଜିଦ୍ ନିର୍ମାଣ କରାଯାଇଛି। ଏଗୁଡ଼ିକ ମଧ୍ୟରେ ଇସ୍ତାନ୍ବୁଲର ସୁଲତାନ୍ ଅହମଦ୍ ମଦ୍ଜିଦ ବିଶ୍ୱର ସବୁଠାରୁ ପ୍ରସିଦ୍ଧ ମସ୍ଜିଦ୍। ଏହି ମସ୍ଜିଦ୍ ନୀଳ ମସଜିଦ୍ ନାମରେ ମଧ୍ୟ ପରିଚିତ।
ତୁର୍କୀର ନାଗରିକ ଚା ପିଉଥିଲେ ମଧ୍ୟ ୧୬ ଶତାବ୍ଦୀରେ ଏଠାରେ କଫିର କ୍ରେଜ ଅଧିକ ଥିଲା। ଏଠାରେ ମୋଚା କଫି ପ୍ରସିଦ୍ଧ। ତେବେ କଫିକୁ ନେଇ ଏଠାରେ ରୋଚକ କାହାଣୀ ମଧ୍ୟ ରହିଛି। ଅତୀତରେ ସେଠାକାର ମହିଳାମାନେ ସେମାନଙ୍କ ସ୍ବାମୀ କଫି ଆଣି ଦେଉନଥିବା ଅଭିଯୋଗରେ ତାଙ୍କୁ ଛାଡ଼ପତ୍ର ଦେଉଥିଲେ।
ତୁର୍କୀର ନାଗରିକ ଖରାପ ନଜର ନ ଲାଗିବା ପାଇଁ କାଚ, ଲୁହା ଏବଂ ତମ୍ବାରେ ପ୍ରସ୍ତୁତ ଏକ ନୀଳ ରଙ୍ଗର ପଥର ବ୍ୟବହାର କରନ୍ତି। ୩୦୦୦ବର୍ଷ ପୁରୁଣା ଏହି ପରମ୍ପରାରେ ଲୋକେ ବିଶ୍ୱାସ କରନ୍ତି ଯେ, ଏହାକୁ ପିନ୍ଧିବା ଦ୍ୱାରା କୌଣସି ଖରାପ ଶକ୍ତି ତାଙ୍କର କିଛି ଅସୁବିଧା କରିବ ନାହିଁ। ତୁର୍କୀ ଆସୁଥିବା ପର୍ଯ୍ୟଟକ ଏହି ପଥରକୁ ବେଶି କିଣିଥାନ୍ତି।
ଜାତୀୟ ହାଜେଲ୍ନଟ୍ ଉତ୍ପାଦନ ତୁର୍କୀରେ ସବୁଠାରୁ ଅଧିକ ହୋଇଥାଏ। ବିଶ୍ୱରେ ପ୍ରାୟ ୭୫% ହାଜେଲ୍ନଟ୍ ତୁର୍କୀରେ ଉତ୍ପାଦନ ହୋଇଥାଏ। କଳା ସାଗର କୂଳରେ ଏହି ବାଦାମକୁ ଚାଷ କରାଯାଏ। ଉତ୍ପାଦନର କେବଳ ୬୦ଭାଗ ବିକ୍ରି କରାଯାଏ।
ନବଜାତ ଶିଶୁର ତକିଆ ତଳେ କଇଁଛ ପ୍ରତିମୂର୍ତ୍ତି ରଖିବାର ପ୍ରଥା ରହିଛି। ତକିଆ ତଳେ କଇଁଛ ରଖିବା ଦ୍ୱାରା ଶିଶୁ ସୁରକ୍ଷିତ ରହିଥାଏ ବୋଲି ସେଠାରେ ଏକ ବିଶ୍ୱାସ ରହିଛି।
