ଦାରିଙ୍ଗବାଡି, ୩୧।୮ (ଅରୁଣ ସାହୁ): କନ୍ଧମାଳ ଜିଲା ଦାରିଙ୍ଗବାଡି ପଞ୍ଚାୟତ ସମିତି କାର୍ଯ୍ୟାଳୟ ଠାରେ ଥିବା ସଭାଗୃହରେ ସୋମବାର ଜିଲାସ୍ତରୀୟ ଜନ ଶୁଣାଣି ଅନୁଷ୍ଠିତ ହୋଇଯାଇଛି। ଏହି ଜନଶୁଣାଣିରେ ମୋଟ ୨୨୧ଟି ଅଭିଯୋଗ ରହିଥିଲା। ସେଥିମଧ୍ୟରେ ସାମୂହିକ ୧୨୧ଟି ରହିଥିବା ବେଳେ ବ୍ୟକ୍ତିଗତ ୧୦୦ଟି ଅଭିଯୋଗର ଶୁଣାଣି ହୋଇଥିଲା।
ସେହିପରି ଦିବ୍ୟାଙ୍ଗଙ୍କୁ ଟ୍ରାଇସାଇକଲ ଓ ଉପକରଣ ବଣ୍ଟନ କରାଯାଇଥିଲା। କନ୍ଧମାଳ ଜିଲାପାଳ ବେଦଭୂଷଣ, କନ୍ଧମାଳ ଏସପି ରମେନ୍ଦ୍ର ପ୍ରସାଦ, ବାଲିଗୁଡା ଉପଜିଲାପାଳ ପ୍ରଣୀତା ଦାସ, ପ୍ରୋବେଶନର ଆଇଏଏସ ଯସକରଣ ସିଂଙ୍କ ସମେତ ବିଡ଼ିଓ ପ୍ରୀତିରଞ୍ଜନ ରଥ, ତହସିଲଦାର ଧୀରଜ ପାତ୍ର ଓ ଜିଲ୍ଲା ଏବଂ ଉପଖଣ୍ଡସ୍ତରୀୟ ଅଧିକାରୀମାନେ ଉପସ୍ଥିତ ରହି ଏହି ଅଭିଯୋଗ ଶୁଣିଥିଲେ। ମୋବାଇଲ ନେଟୱାର୍କ, ପିଇବା ପାଣି, ରାସ୍ତାଘାଟ ସମସ୍ୟା, ପ୍ରଧାନମନ୍ତ୍ରୀ ଆବାସ ଯୋଜନାରୁ ବଞ୍ଚିତ ହିତାଧିକାରୀ, ଭତ୍ତା, ପିଇବା ପାଣି ସମସ୍ୟା, ସମେତ ଶିକ୍ଷା,ସ୍ବାସ୍ଥ୍ୟ ଆଦି ସମସ୍ୟାର ସମାଧାନ ପାଇଁ ଲୋକେ ଦାବି କରିଥିଲେ।
Dharitri – Odisha’s No.1 Odia Daily
