ସନ୍ତୁଷ୍ଟି ଦେଉନି ସବୁଜିମା ସର୍ଭେ

ଅନୁଗୋଳ ଅଫିସ,୨୨ା୧୨ ପ୍ରତିବର୍ଷ ଅନୁଗୋଳ ଜିଲାରେ ହେଉଛି ବନୀକରଣ। ସହସ୍ରାଧିକ ହେକ୍ଟର ଜମିରେ ଲଗାଯାଉଛି ଲକ୍ଷାଧିକ ଚାରା। ଏଥିରୁ ବନ ବିଭାଗ ନିଜେ କିଛି ରୋପଣ କରୁଥିବାବେଳେ ବଳକା ଚାରା ସରକାରୀ ଓ ବେସରକାରୀ ସଂସ୍ଥା ସହ ସାଧାରଣରେ ବଣ୍ଟନ କରାଯାଉଛି। ଏପରି କି ଖଣି ଓ ସହରାଞ୍ଚଳ ବିକାଶ ପାଇଁ ଯେତିକି ଗଛ କଟାଯାଉଛି ତାହା ବନୀକରଣ ମାଧ୍ୟମରେ ଭରଣା କରାଯାଉଛି। ଫଳରେ ପ୍ରତି ଦୁଇ ବର୍ଷରେ ଫରେଷ୍ଟ ସର୍ଭେ ଅଫ୍‌ ଇଣ୍ଡିଆ ପକ୍ଷରୁ ଯେଉଁ ରିପୋର୍ଟ ଦିଆଯାଉଛି, ସେଥିରେ ଅନୁଗୋଳ ଜିଲାରେ ଜଙ୍ଗଲ ସହ ସବୁଜିମା ବୃଦ୍ଧି ପାଉଥିବା ଦର୍ଶାଯାଉଛି ବୋଲି ବନ ବିଭାଗ ପକ୍ଷରୁ କୁହାଯାଇଛି। ହେଲେ ଏହି ରିପୋର୍ଟକୁ ନେଇ ସନ୍ତୁଷ୍ଟ ନୁହନ୍ତି ପରିବେଶିତ୍‌। ସବୁଜିମା ବୃଦ୍ଧି ପାଉଥିବା ଦର୍ଶାଯାଉଥିଲେ ମଧ୍ୟ ଜଙ୍ଗଲର ଘନତ୍ୱ ବଢ଼ୁ ନ ଥିବା ସେମାନେ ଅଭିଯୋଗ କରିଛନ୍ତି। ଶିଳ୍ପ ଜିଲା ଅନୁଗୋଳରେ ଘଞ୍ଚ ଜଙ୍ଗଲ ଅଧିକ ନ ବଢ଼ିଲେ ଆଗାମୀ ଦିନରେ ପ୍ରଦୂଷଣ ଭୟାନକ ସ୍ଥିତି ସୃଷ୍ଟି କରିବ ବୋଲି ପରିବେଶବିତ୍‌ମାନେ କହିଛନ୍ତି।
ଅନୁଗୋଳ ବନଖଣ୍ଡ କାର୍ଯ୍ୟାଳୟର ସୂଚନା ଅନୁଯାୟୀ, ଗତ ୪ ବର୍ଷରେ ବନଖଣ୍ଡର ମୋଟ୍‌ ୫୦୯୨.୯୧୩ ହେକ୍ଟର ଜମିରେ ବନୀକରଣ ହୋଇଛି। ବନ ବିଭାଗ ପକ୍ଷରୁ ୧୪ ଲକ୍ଷ ୪୫ ହଜାର ୬୫ ଚାରା ରୋପଣ କରାଯାଇଥିବା ବେଳେ ୨୭ ଲକ୍ଷ ୨୭ ହଜାର ୯୨୦ ଚାରା ବିଭିନ୍ନ ସରକାରୀ ଓ ବେସରକାରୀ ସଂସ୍ଥା, ସାଧାରଣ ଲୋକଙ୍କୁ ବଣ୍ଟନ କରାଯାଇଛି। ୨୦୧୭-୧୮ ଆର୍ଥିକ ବର୍ଷରେ ୮ଟି ଯୋଜନାରେ ଜିଲାର ୩୬୭.୫୩ ହେକ୍ଟର ଜମିରେ ବନୀକରଣ ହୋଇଥିଲା। ସେଥିରୁ ୩୨ ଏକର ଖୋଲା ସ୍ଥାନ ଓ ୩୩୫.୫୩୦ ହେକ୍ଟର ଜମିରେ ଜଙ୍ଗଲର ଘନତ୍ୱ ବଢ଼ାଇବା ପାଇଁ ବନୀକରଣ କରାଯାଇଥିଲା। ୮ କିଲୋମିଟର ରାସ୍ତା ପର୍ଶ୍ୱରେ ଚାରା ରୋପଣ ହୋଇଥିଲା। ବିଭାଗ ପକ୍ଷରୁ ୧ ଲକ୍ଷ ୩୩ ହଜାର ୫୯୬ ଚାରା ଲଗାଯାଇଥିବା ବେଳେ ୩୩ ହଜାର ଚାରା ବଣ୍ଟନ ଓ ବିକ୍ରି କରାଯାଇଥିଲା। ୨୦୧୮-୧୯ ବର୍ଷରେ ୧୭୫୨.୯୩୨ ହେକ୍ଟର ଜମିରେ ଚାରା ଲଗାଯାଇଥିଲା। ଖୋଲା ସ୍ଥାନରେ ସବୁଜିମା ସୃଷ୍ଟି ପାଇଁ ୫୧.୬୮୨ ହେକ୍ଟରରେ ଓ ଜଙ୍ଗଲର ଘନତ୍ୱ ବୃଦ୍ଧି ନିମନ୍ତେ ୧୭୦୧.୨୫ ହେକ୍ଟରରେ ବନୀକରଣ ହୋଇଥିଲା। ୩୭ କିଲୋମିଟର ରାସ୍ତା ପାର୍ଶ୍ୱରେ ଚାରା ଲଗାଯାଇଥିଲା। ବିଭାଗ ପକ୍ଷରୁ ୪ ଲକ୍ଷ ୪୬ ହଜାର ୮୫୧ ଚାରା ଲଗାଯାଇଥିବା ବେଳେ ୩ ଲକ୍ଷ ୪୩୦ ବଣ୍ଟନ କରାଯାଇଥିଲା। ୨୦୧୯-୨୦ରେ ୧୭୫୭.୪୩ ହେକ୍ଟର ମଧ୍ୟରୁ ୭୧.୨୩ ହେକ୍ଟର ଖୋଲାସ୍ଥାନ ଓ ୧୬୮୬.୨ ହେକ୍ଟର ଜଙ୍ଗଲ ଜମିରେ ଚାରା ରୋପଣ କରାଯାଇଥିଲା। ୫୭ କିଲୋମିଟର ରାସ୍ତା ପାର୍ଶ୍ୱକୁ ବନୀକରଣ କରାଯାଇଥିଲା। ବିଭାଗ ପକ୍ଷରୁ ୪ ଲକ୍ଷ ୩୨ ହଜାର ୪୫୮ ଚାରା ରୋପଣ କରାଯାଇଥିବା ବେଳେ ୮ ଲକ୍ଷ ୬୬ ହଜାର ୪୯୦ ବଣ୍ଟନ ଓ ବିକ୍ରି କରାଯାଇଥିଲା। ଚଳିତ ୨୦୨୦-୨୧ ଆର୍ଥିକ ବର୍ଷରେ ୧୨୧୫ ହେକ୍ଟରରେ ଚାରା ଲଗାଯାଇଛି। ସେଥିରୁ ୯୫ ହେକ୍ଟର ଖୋଲା ସ୍ଥାନ ଓ ୧୧୨୦ ହେକ୍ଟର ଜଙ୍ଗଲ ଜମି ରହିଛି। ୬୮ କିଲୋମିଟର ରାସ୍ତା ପାର୍ଶ୍ୱକୁ ବନୀକରଣ କରାଯାଇଛି। ୪ ଲକ୍ଷ ୩୨ ହଜାର ୧୬୦ ଚାରା ବିଭାଗ ଲଗାଇଥିବାବେଳେ ୧୫ ଲକ୍ଷ ୨୮ ହଜାର ଚାରା ବଣ୍ଟନ କରାଯାଇଛି।

ଜଙ୍ଗଲର ଘନତ୍ୱ ବଢ଼ୁଥିବା ଦେଖାଯାଉନି
ଘଞ୍ଚ ଜଙ୍ଗଲ ପ୍ରକୃତି ଉପରେ ଭଲ ପ୍ରଭାବ ପକାଇଥାଏ। ଏହା ତାପମାତ୍ରା ଓ ପ୍ରଦୂଷଣ ବଢ଼ିବାକୁ ଦେଇ ନ ଥାଏ। ଶିଳ୍ପାୟନ ଯୋଗୁ ଅନୁଗୋଳରେ ପ୍ରଦୂଷଣ ବଢ଼ୁଥିବାରୁ ଏଠାକାର ଜଙ୍ଗଲ ଅଧିକ ଘଞ୍ଚ ହେବା ଆବଶ୍ୟକ। କିନ୍ତୁ ସାଟେଲାଇଟ୍‌ ଇମେଜ୍‌ରେ ଘନତ୍ୱ ବଢ଼ୁ ନ ଥିବା ଦେଖାଯିବା ଚିନ୍ତାର ବିଷୟ ହୋଇଛି। ଏଥିପ୍ରତି ଦୃଷ୍ଟି ଦିଆ ନ ଗଲେ ବିପଦ ବଢ଼ିବ।
-ସ୍ବପ୍ନା ଷଡ଼ଙ୍ଗୀ, ପରିବେଶବିତ୍‌
ବନୀକରଣ ତଥ୍ୟ ସନ୍ଦେହ ସୃଷ୍ଟି କରୁଛି
ପ୍ରତିବର୍ଷ କେଇ ଲକ୍ଷ ଚାରା ପ୍ରସ୍ତୁତ ସହ ଲଗାଯାଉଥିବା ନେଇ ବନ ବିଭାଗ ଯେଉଁ ତଥ୍ୟ ଦେଉଛି ସେହି ଅନୁଯାୟୀ ଜିଲାରେ ସବୁଜିମା ବଢ଼ୁଥିବା ଦୃଷ୍ଟିଗୋଚର ହେଉନାହିଁ। ଜଙ୍ଗଲ ବଢ଼ିଥିବା କୁହାଯାଉଥିଲେ ବି ଚାରା ତୁଳନାରେ ବନୀକରଣ ବଢ଼ିନାହିଁ। ଜଙ୍ଗଲ ସହ ଜଡ଼ିତ ବ୍ୟକ୍ତି ଏବଂ ସ୍ବୟଂ ସହାୟକ ଗୋଷ୍ଠୀଗୁଡ଼ିକୁ ଚାରା ବଣ୍ଟନ ଦାୟିତ୍ୱ ଦିଆଗଲେ ପରିବେଶକୁ ଅଧିକ ଲାଭ ମିଳନ୍ତା।
-ପ୍ରସନ୍ନ କୁମାର ବେହେରା, ପରିବେଶବିତ୍‌
ଚାରା ରୋପଣ ସହ ରକ୍ଷଣାବେକ୍ଷଣ ଜରୁରୀ
ବନ ବିଭାଗ ପକ୍ଷରୁ ବିଭିନ୍ନ ସ୍ଥାନରେ ଚାରା ରୋପଣ ସହ ରକ୍ଷଣାବେକ୍ଷଣ କରାଯାଉଛି। ତଥାପି କେତେକ ସ୍ଥାନରେ ଖାମଖିଆଲ ମନୋଭାବ ଦେଖିବାକୁ ମିଳୁଛି। ଉପଯୁକ୍ତ ଯତ୍ନ ନିଆଯାଉଥିବା ସ୍ଥାନରେ ଚାରାଗୁଡ଼ିକ ଗଛରେ ପରିଣତ ହେଲାଣି। କିନ୍ତୁ ଯେଉଁଠାରେ ରକ୍ଷାଣାବେକ୍ଷଣ କରାଯାଉନାହିଁ, ସେଠାରେ ଲଗାଯାଇଥିବା ଚାରା ଦେଖିବାକୁ ମିଳୁନି।
-ବାଉରିବନ୍ଧୁ ବେଜ୍‌, ପରିବେଶବିତ୍‌
ଜଳବାୟୁ ନେଇ ଚାରା ପ୍ରସ୍ତୁତ କରାଯାଉଛି
ସ୍ଥାନୀୟ ଅଞ୍ଚଳର ଜଳବାୟୁ ଓ ଲୋକଙ୍କ ଚାହିଦା ମୁତାବକ ଚାରା ପ୍ରସ୍ତୁତ କରାଯାଉଛି। ଏହାକୁ ଜଙ୍ଗଲ ବିଭାଗ, ସରକାରୀ ଓ ବେସରକାରୀ ସଂସ୍ଥା, ସାଧାରଣ ଲୋକ ଏବଂ ବିଭିନ୍ନ ଅନୁଷ୍ଠାନକୁ ବଣ୍ଟନ କରାଯାଉଛି। ସରକାରଙ୍କ ନିର୍ଦ୍ଦେଶକ୍ରମେ ବିଭିନ୍ନ ସ୍ଥାନରେ ଚାରା ଗୁଡ଼ିକର ତଦାରଖ ଓ ଅନୁଧ୍ୟାନ କରାଯାଉଛି। ଜିଲାରେ ସବୁଜିମା ସହ ଘଞ୍ଚ ଜଙ୍ଗଲ ବୃଦ୍ଧି ପାଉଛି।
-ପ୍ରସନ୍ନ କୁମାର ବେହେରା, ଡିଏଫ୍‌ଓ,
ଅନୁଗୋଳ ବନଖଣ୍ଡ


Enter your email to get our daily news in your inbox.

All Right Reserved By Dharitri.Com

ହଷ୍ଟେଲରେ ଛାତ୍ରଙ୍କୁ ମାଡ଼ ମାରିବା ଘଟଣା: ଗିରଫ ହେଲେ ଓ୍ବାର୍ଡେନ

ଭୁବନେଶ୍ୱର,୨୦।୮(ବ୍ୟୁରୋ): ଖଣ୍ଡଗିରି ଥାନା ଅଞ୍ଚଳରେ ଥିବା ଏକ ଆବାସିକ ବିଜ୍ଞାନ ଉଚ୍ଚ ମାଧ୍ୟମିକ ସ୍କୁଲର ହଷ୍ଟେଲରେ ଛାତ୍ରଙ୍କୁ ମାଡ଼ ମାରିବା ଘଟଣାରେ ଅଭିଯୁକ୍ତ ଓ୍ବାର୍ଡେନ୍‌ଙ୍କୁ ପୋଲିସ...

୨ଶହ ବର୍ଷ ପରେ ବେଲାଦୁଲାରେ ଛାତଘର

ଆଠମଲ୍ଲିକ,୧୧ା୨: ଗାଁରେ କୋଠାଘର ନିର୍ମାଣ ହେଉଥିଲେ ମଧ୍ୟ ଛାତ ପଡ଼ୁ ନ ଥିଲା। ମା’ ରକ୍ତମାଉଳୀଙ୍କ କୋପର ଶିକାର ହେବା ଭୟରେ କିଏ ଟାଇଲ ଛପର...

ଦେବଗଡ଼ ଜିଲାସ୍ତରୀୟ ଧାନସଂଗ୍ରହ କମିଟି ବୈଠକ: ୨୯ରୁ ଧାନ କିଣା ଆରମ୍ଭ

ଦେବଗଡ, ୯।୧୧(ଡି.ଏନ.ଏ.)-ଦେବଗଡ଼ ଜିଲା ଗ୍ରାମ୍ୟ ଉନ୍ନୟନ ସଂସ୍ଥା ସମ୍ମିଳନୀ କକ୍ଷରେ ଶୁକ୍ରବାର ଜିଲାସ୍ତରୀୟ ଧାନସଂଗ୍ରହ କମିଟି ବୈଠକ ଅନୁଷ୍ଠିତ ହୋଇଯାଇଛି। ଜିଲାପାଳ ସୁଧାଂଶୁ ମୋହନ ସାମଲ...

ଧରିତ୍ରୀରେ ଖବର ପ୍ରକାଶିତ ହେବାପରେ ଚେତିଲା ପୂର୍ତ୍ତ ବିଭାଗ: ରାତିଅଧିଆ ରାସ୍ତା ମରାମତି କାର୍ଯ୍ୟ ଶେଷ

ଦାରିଙ୍ଗବାଡ଼ି,୨୦।୭(ଡି.ଏନ୍‌.ଏ.): କନ୍ଧମାଳ ଜିଲା ଦାରିଙ୍ଗବାଡ଼ି-ବ୍ରାହ୍ମଣୀଗାଁକୁ ସଂଯୋଗ କରୁଥିବା ପୂର୍ତ୍ତ ବିଭାଗ ରାସ୍ତା ଦବି ଯାତାୟାତରେ ସମସ୍ୟା ହେଉଥିଲା। ତେବେ ରାସ୍ତା ମରାମତି ଦିଗରେ ବିଭାଗ ପଦକ୍ଷେପ...

ସେପ୍ଟେମ୍ବର ପୂର୍ବରୁ ଡିଏଲ୍‌-ଏଲ୍‌ଏଲ୍‌ ଆବେଦନ ମନା: ମନ୍ତ୍ରୀ

ଭୁବନେଶ୍ୱର,୧୩।୬(ବ୍ୟୁରୋ): ସେପ୍ଟେମ୍ବର ପୂର୍ବରୁ ଡ୍ରାଇଭିଂ ଲାଇସେନ୍ସ(ଡିଏଲ୍‌) ଓ ଲନର୍ସ ଲାଇସେନ୍ସ(ଏଲ୍‌ଏଲ୍‌)ପାଇଁ ଆବେଦନ କରି ହେବନାହିଁ। ଏହା କହିଛନ୍ତି ପରିବହନ ମନ୍ତ୍ରୀ ପଦ୍ମନାଭ ବେହେରା। ପୁରୁଣା ଆବେଦନକାରୀଙ୍କୁ...

କଟକ: ୪୧ କେନ୍ଦ୍ରରେ ହେବ ୟୁପିଏସ୍‌ସି ପ୍ରିଲିମ୍‌ନାରି ପରୀକ୍ଷା

କଟକ ଅଫିସ,୨।୧୦: ଆସନ୍ତା ୪ ତାରିଖରେ ଦୁଇଟି ସିଟିଂରେ ଭାରତୀୟ ପ୍ରଶାସନିକ ସେବା ପାଇଁ ୟୁପିଏସ୍‌ସି ପ୍ରିଲିମ୍‌ନାରୀ ପରୀକ୍ଷା ହେବ। କଟକର ୪୧ଟି କେନ୍ଦ୍ରରେ ଏହି...

ପରଲୋକରେ ବିଶିଷ୍ଟ ସାହିତି୍ୟକ ରତ୍ନାକର ଚଇନି, ଶୋକବ୍ୟକ୍ତ କଲେ ମୁଖ୍ୟମନ୍ତ୍ରୀ

କଟକ ଅଫିସ,୧୮।୪: ବିଶିଷ୍ଟ ସାହିତି୍ୟକ ତଥା ନାଟ୍ୟକାର ରତ୍ନାକର ଚଇନିଙ୍କ ଶନିବାର ପରଲୋକ ଘଟିଛି। ମୃତ୍ୟୁ ବେଳକୁ ତାଙ୍କୁ ୭୫ ବର୍ଷ ବୟସ ହୋଇଥିଲା। କଟକସ୍ଥିତ...

ଅଧାରେ ଥିଲା, ପୁଣି କାମ ଆରମ୍ଭ

କଟକ ଅଫିସ,୨୪ା୬: ଦୀର୍ଘଦିନ ଧରି ଅଧାପନ୍ତରିଆ ଭାବେ ପଡ଼ି ରହିଥିବା ମଧୁସୂଦନ ଆଇନ ବିଶ୍ୱବିଦ୍ୟାଳୟର ଛାତ୍ରୀ ନିବାସ ନିର୍ମାଣ କାର୍ଯ୍ୟ ପୁଣିଥରେ ଆରମ୍ଭ ହୋଇଛି। ଛାତ୍ରୀ...

Play 250+ Trending Games
Archives

Model This Week

Why Dharitri