ବେଆଇନ ପାର୍କିଂ ଫି’ ଆଦାୟକୁ ନେଇ ଅସନ୍ତୋଷ

ଖୋର୍ଦ୍ଧା ଅଫିସ,୧୮।୧୨: ଖୋର୍ଦ୍ଧା ପୌର ପରିଷଦ ଅନ୍ତର୍ଗତ ହାବେଳି ପଡ଼ିଆରେ ନିଉ ଥିଙ୍କିଙ୍ଗ୍‌ ଫୋରମ୍‌ ପକ୍ଷରୁ ଖୋର୍ଦ୍ଧା ମହୋତ୍ସବ ଆୟୋଜନ କରାଯାଇଛି। ଦୁଇ ବର୍ଷ ପରେ ମହୋତ୍ସବ ଆୟୋଜନ ହୋଇଥିବାରୁ ଖୋର୍ଦ୍ଧା ସମେତ ଆଖପାଖ ଅଞ୍ଚଳରୁ ଶତାଧିକ ଲୋକଙ୍କ ସମାଗମ ହେଉଛି। ମହୋତ୍ସବ ପଡ଼ିଆରେ ସାଂସ୍କୃତିକ ମଞ୍ଚକୁ ବାଦ୍‌ ଦେଲେ ଏକାଧିକ ବାଣିଜି୍ୟକ ଓ ଖାଦ୍ୟ ଷ୍ଟଲ୍‌ ଖୋଲାଯାଇଛି। ମହୋତ୍ସବରେ ପସରା ଖୋଲିଥିବା ଦୋକାନ ମାଲିକଙ୍କଠାରୁ ମନଇଚ୍ଛା ଟଙ୍କା ଆଦାୟ କରାଯାଉଛି। ଏପରି କି ମହୋତ୍ସବ ବାହାରେ ରାସ୍ତାକଡ଼ରେ ବେଲୁନ, ଝାଲ୍‌ମୁଢ଼ି, ଆଇସ୍‌କ୍ରିମ୍‌ ଆଦି ଦୋକାନ ଖୋଲିଥିବା ଛୋଟ ଛୋଟ ବ୍ୟବସାୟୀ ମଧ୍ୟ ଏଥିରୁ ବାଦ୍‌ ପଡ଼ିନାହାନ୍ତି। ସାମନ୍ତପୁର ଠେଙ୍ଗାହାଟ ମେଲଣ ପଡ଼ିଆ, ମହିଳା ମହାବିଦ୍ୟାଳୟ ସମ୍ମୁଖ, ନବୀନାବାଗ ଗଣେଶ ପୂଜା ମଣ୍ଡପ, ଗାନ୍ଧୀପଡ଼ିଆ ଆଦି ଅଞ୍ଚଳରେ ଗାଡ଼ି ପାର୍କିଂ କରାଯାଇଛି। ଏତଦ୍‌ବ୍ୟତୀତ ଏସ୍‌ବିଆଇ ଛକରୁ ନୂଆ ବସ୍‌ଷ୍ଟାଣ୍ଡ ପର୍ଯ୍ୟନ୍ତ ରାସ୍ତାର ଉଭୟ ପାର୍ଶ୍ୱରେ ସ୍ଥାନୀୟ ଯୁବକମାନେ ବାଇକ୍‌ ଚାଳକଙ୍କଠାରୁ ଜୋରଜବରଦସ୍ତ ବାଇକ ପାର୍କିଂ ଫି ଆଦାୟ କରୁଛନ୍ତି। ଜିଲା କୃଷି କାର୍ଯ୍ୟାଳୟ ସମ୍ମୁଖ ପଡ଼ିଆ, ଆର୍‌ଆଇ ଅଫିସ୍‌ଠାରୁ ହାବେଳି ପଡ଼ିଆ ପର୍ଯ୍ୟନ୍ତ ରାସ୍ତାର ଉଭୟ ପାର୍ଶ୍ୱରେ ବାଇକ୍‌ ଓ ଚାରଚକିଆ ଯାନ ପାର୍କିଂ ଫି’ ଆଦାୟ କରାଯାଉଛି। ମହୋତ୍ସବ କମିଟି ପାର୍କିଂ ଲାଗି ଅନୁମତି ଦେଇଥିବା କେତେଜଣ ଗଣମାଧ୍ୟମ ଆଗରେ କହିଛନ୍ତି। ମହୋତ୍ସବ ଚାରିପଟ ଅଞ୍ଚଳକୁ ପାର୍କିଂ ଦାୟିତ୍ୱରେ ଥିବା ଯୁବକମାନେ ବ୍ଲକିଂ କରି ରଖୁଛନ୍ତି। ସେହି ରାସ୍ତା ଦେଇ ସ୍ଥାନୀୟ ବାସିନ୍ଦାଙ୍କୁ ମଧ୍ୟ ଯାତାୟାତ କରିବାକୁ ଦେଉନାହାନ୍ତି। ସାମନ୍ତରାପୁର ଠେଙ୍ଗାହାଟ ଠାରୁ ନବୀନାବାଗ ଦେଇ ପଲ୍ଲା ନୂଆ ବସ୍‌ଷ୍ଟାଣ୍ଡକୁ ସଂଯୋଗ କରୁଥିବା ମୁଖ୍ୟରାସ୍ତାକୁ ଅବରୋଧ କରି ରଖିଛନ୍ତି। ଲୋକେ ପ୍ରତିବାଦ କଲେ ମହୋତ୍ସବ କମିଟିଠାରୁ ଟେଣ୍ଡର ନେଇଛୁ, ତେଣୁୁ ବାଇକ୍‌ ଫି ଆଦାୟ କରିବୁ। ବାଇକ୍‌ ପାର୍କିଂରେ ନ ରଖିଲେ, ଲୋକଙ୍କୁ ଦୁର୍ବ୍ୟବହାର କରୁଥିବା କେତେଜଣ ବାଇକ୍‌ ଆରୋହୀ ଗଣମାଧ୍ୟମ ଆଗରେ କହିଛନ୍ତି। ଏ ନେଇ ବକ୍ସିଲେନ୍‌ର ସୁଶାନ୍ତ ପଟ୍ଟନାୟକ କୁହନ୍ତି, ପଲ୍ଲାରେ ମୋର ଦୋକାନ ରହିଛି। ଦୋକାନକୁ ଯିବା ଲାଗି ବାଇକ୍‌ ଛାଡୁନାହାନ୍ତି। ପାର୍କିଂରେ ରଖି ଚାଲିଯିବାକୁ ବାଧ୍ୟ କରୁଛନ୍ତି। ଖୋର୍ଦ୍ଧା ସଚେତନ ନାଗରିକ ମଞ୍ଚ ଆବାହକ ଶୋଭନ ଘୋଷ୍‌ କୁହନ୍ତି, ମହୋତ୍ସବ ଆଳରେ ଏସ୍‌ବିଆଇ ଛକଠାରୁ ନୂଆ ବସ୍‌ଷ୍ଟାଣ୍ଡର ଉଭୟ ପାର୍ଶ୍ୱ ଏବଂ ଅନ୍ୟ ସ୍ଥାନରେ ମହୋତ୍ସବକୁ ସଂଯୋଗ କରୁଥିବା ସମସ୍ତ ରାସ୍ତାକୁ ଜୋରଜବରଦସ୍ତ ବନ୍ଦ କରି ପାର୍କିଂ ଫି’ ଆଦାୟ କରାଯାଉଛି। ଏନେଇ ସାଧାରଣରେ ଅସନ୍ତୋଷ ପ୍ରକାଶ ପାଇଛି। ଏନେଇ ଆୟୋଜକ କମିଟି ସଭାପତି ଦିଲୀପ ଶ୍ରୀଚନ୍ଦନ, କାର୍ଯ୍ୟକାରୀ ସଭାପତି ନରେନ୍ଦ୍ର ପୃଷ୍ଟି ଏବଂ ସମ୍ପାଦକ ସଞ୍ଜୟ ପଟ୍ଟନାୟକଙ୍କ ପ୍ରତିକ୍ରିୟା ମିଳିପାରିନାହିଁ। ଅନ୍ୟପଟେ ତହସିଲଦାର ତଥା ପୌର ନିର୍ବାହୀ ଅଧିକାରୀ ଈପ୍‌ସିତ ସାହୁ କୁହନ୍ତି, ମହୋତ୍ସବରେ ବେଆଇନ ଭାବେ ମୌତ୍‌ କା କୂଆଁ ଚାଲିଥିବା ଅଭିଯୋଗ ଆସିବା ପରେ ତୁରନ୍ତ ଏହାକୁ ବନ୍ଦ କରାଯାଇଛି। ମହୋତ୍ସବରେ କେତୋଟି ଷ୍ଟଲ୍‌ ପଡ଼ିଛି, ଏଥିଲାଗି ଷ୍ଟଲ୍‌ ପିଛା କେତେ ଟଙ୍କା ଆଦାୟ କରାଯାଇଛି ତାହାର ସମ୍ପୂର୍ଣ୍ଣ ବିବରଣୀ ଦାଖଲ ଲାଗି କୁହାଯାଇଛି। ମହୋତ୍ସବରେ ପାର୍କିଂ ଲାଗି କମିଟି ପୌର ପ୍ରଶାସନ ପକ୍ଷରୁ କୌଣସି ଅନୁମତି ଦିଆଯାଇନାହିଁ। ପୌର ପ୍ରଶାସନର ୪ଟି ପାର୍କିଂ ସ୍ଥାନ ରହିଛି। ସେଠାରେ ଯାନବାହନ ପାର୍କିଂ ଲାଗି କୁହାଯାଇଥିଲା। ତେବେ ମହିଳା ମହାବିଦ୍ୟାଳୟଠାରୁ ନବୀନାବାଗ ପର୍ଯ୍ୟନ୍ତ ମୁଖ୍ୟରାସ୍ତାକୁ ଅବରୋଧ କରାଯାଇଥିବା ଏବଂ ନୂଆ ବସ୍‌ଷ୍ଟାଣ୍ଡର ଉଭୟ ପାର୍ଶ୍ୱ ରାସ୍ତାରେ ବେଆଇନ ଭାବେ ପାର୍କିଂ କରି ଫି’ ଆଦାୟ କରାଯାଉଥିବା ନେଇ ଅଭିଯୋଗ ଆସିଛି। ଏହାକୁ ଅନୁଧ୍ୟାନ ଲାଗି ଏନ୍‌ଫୋର୍ସମେଣ୍ଟ ଟିମ୍‌କୁ ନିର୍ଦ୍ଦେଶ ଦିଆଯାଇଛି। ପୌର ପ୍ରଶାସନ ବିନା ଅନୁମତିରେ ମହୋତ୍ସବ ଆଳରେ ବେଆଇନ ପାର୍କିଂ ଫି’ ଆଦାୟ କରାଯିବା ଉପରେ କାର୍ଯ୍ୟାନୁଷ୍ଠାନ ନିଆଯିବ।


Enter your email to get our daily news in your inbox.

All Right Reserved By Dharitri.Com

ପୁରୀରେ ପହଞ୍ଚିଲା ରଥ ଦଉଡି

ପୁରୀ ଅଫିସ,୪ା୬: ଆସନ୍ତା ୨୩ ତାରିଖରେ ରଥଯାତ୍ରା। ଏଥିପାଇଁ ଗୁରୁବାର ପୁରୀରେ ପହଞ୍ଚତ୍ଛି ରଥ ଦଉଡ଼ି। ଓଡ଼ିଶା ସମବାୟ କତା ନିଗମରୁ ୨୦ଟି ଦଉଡ଼ି ଏକ...

ପ୍ରାକୃତିକ ବିପର୍ଯ୍ୟୟ ମୁକାବିଲା ପାଇଁ ପାଟଣାରେ ମକ୍‌ ଡ୍ରିଲ୍‌

ପାଟଣା,୧୯।୬(ସ୍ବ.ପ୍ର.): ପ୍ରାକୃତିକ ବିପର୍ଯ୍ୟୟ ମୁକାବିଲା ପାଇଁ କେନ୍ଦୁଝର ଜିଲା ପାଟଣା ବ୍ଲକ କାର୍ଯ୍ୟାଳୟ ପରିସରରେ ବୁଧବାର ପାଟଣା ଅଗ୍ନିଶମ ବିଭାଗ ପକ୍ଷରୁ ମକ୍‌ ଡ୍ରିଲ୍‌ ପ୍ରସ୍ତୁତ...

ରଙ୍କାସିଂହା ଗ୍ରାମରେ ଅଗ୍ନିକାଣ୍ଡ: ୧୦ ପରିବାର ସର୍ବସ୍ବାନ୍ତ

ବଅଁରପାଳ,୮।୬(ଡି.ଏନ.ଏ.)-ଅନୁଗୋଳ ଜିଲା ବଅଁରପାଳ ବ୍ଲକ ଫୁଲୁପଡ଼ା ପଞ୍ଚାୟତ ରଙ୍କାସିଂହା ଗ୍ରାମରେ ସୋମବାର ଭୟାବହ ଅଗ୍ନିକାଣ୍ଡ ଘଟିଛି। ଏଥିରେ ଗ୍ରାମର ଶଶିକାନ୍ତ ବେହେରା, କାର୍ତ୍ତିକ ବେହେରା, ସୁବ୍ରତ...

ଅତିରିକ୍ତ ଦାୟିତ୍ୱରେ ଯନ୍ତ୍ରୀ, କାର୍ଯ୍ୟ ବାଧାପ୍ରାପ୍ତ

ଭଞ୍ଜନଗର,୧୮।୧୦(ଡି.ଏନ.ଏ) ବାବୁଲା ପ୍ରଧାନ: ଗଞ୍ଜାମ ଜିଲା ଭଞ୍ଜନଗର ଗ୍ରାମ୍ୟ ଜଳ ଯୋଗାଣ (ଆର୍‌ଡବ୍ଳୁଏସ୍‌ଏସ୍‌)ବିଭାଗ ଅଧୀକ୍ଷଣ ଯନ୍ତ୍ରୀଙ୍କ ଅଧୀନରେ ଥିବା ୧୧ ବ୍ଲକ ଏବଂ ୨ଟି ଏନ୍‌ଏସିକୁ...

ଯବାନଙ୍କ ବଦଳରେ ଅନ୍ୟଙ୍କ ଫଟୋ ପ୍ରସାରଣ : ବୈଦ୍ୟୁତିକ ଗଣମାଧ୍ୟମ ନଁ।ରେ ଅଭିଯୋଗ

ହିଞ୍ଜିଳିକାଟୁ,୯ା୧୧(ଡି.ଏନ.ଏ) -ପାକିସ୍ତାନୀ ଗୁପ୍ତଚର ମହିଳା ଏଜେଣ୍ଟଙ୍କ ହନି ଟ୍ରାପରେ ଫସି ଦେଶର ଗୁରୁତ୍ୱପୁର୍ଣ୍ଣ ଖବର ପ୍ରଦାନ କରିଥିବା ଅଭିଯୋଗରେ ରାଜସ୍ଥାନ ପୋଲିସ ହିିଞ୍ଜିଳିକାଟୁ ପୌରାଞ୍ଚଳ ଆଙ୍କୋରଡ଼ା...

ସ୍ବାଭିମାନ ଅଞ୍ଚଳରେ ଗଣତନ୍ତ୍ର ଦିବସ ପାଳନ କଲେ ପୋଲିସ ଉଚ୍ଚ ପଦାଧିକାରୀ

ମାଲକାନଗିରି,୨୬।୧(ଡି.ଏନ.ଏ.): ମାଲାକନଗିରି ଜିଲା ଚିତ୍ରକୋଣ୍ଡା ବ୍ଲକ ସ୍ବାଭିମାନ ଅଞ୍ଚଳର ଜଡାମ୍ବ ଥାନାରେ ପୋଲିସ ଉଚ୍ଚ ପଦାଧିକାରୀମାନେ ଉପସ୍ଥିତ ରହି ଗୁରୁବାର ୭୪ତମ ଗଣତନ୍ତ୍ର ଦିବସ ପାଳନ...

ବିଷାକ୍ତ ଖାଦ୍ୟ ନେଲା ମାଖନ ହାତୀ ଜୀବନ

ବନ୍ତଳା, ୫।୧(ଡି.ଏନ.ଏ.)-ଅନୁଗୋଳ ବନଖଣ୍ଡ ପୁପୁଣ୍ଡା ସେକ୍ସନ ବିଟ୍‌ ଅଧୀନ ବୃନ୍ଦାବନପୁର ଗ୍ରାମରୁ ରବିବାର ସକାଳେ ଏକ ମାଖନ ହାତୀର ମୃତଦେହ ଉଦ୍ଧାର କରାଯାଇଛି। ମୃତହାତୀର ଆନୁମାନିକ...

ଲଗାଣ ବର୍ଷା: ଭାଙ୍ଗିଲା ଘରର କାନ୍ଥ, ପରିବାର ବାସହରା

ରଘୁନାଥପୁର, ୨୭। ୯ (ଡି.ଏନ.ଏ.):  ଲଘୁଚାପ ଜନିତ ଲଗାଣ ବର୍ଷାରେ ଭାଙ୍ଗିଗଲା ଚାଳ ଛପର ମାଟି ଘରର କାନ୍ଥ। ପରିବାର ଲୋକେ ଭୋଗୁଛନ୍ତି ହୀନସ୍ତା। ଏପରି...

Advertisement
Archives

Model This Week