ପାରାଦୀପ, ୩୦ା୭ (ସ୍ବ.ପ୍ର.): ୧୨ ଦଫା ଦାବି ନେଇ ଏକାଧିକ ସଂଗଠନ ପକ୍ଷରୁ ପିପିଏଲ୍ କମ୍ପାନୀ ଫାଟକ ଆଗରେ ଚାଲିଥିବା ଧାରଣା ଦ୍ୱିତୀୟ ଦିନରେ ପହଞ୍ଚତ୍ଛି। କିନ୍ତୁ ଧାରଣାକାରୀ, କମ୍ପାନୀ ଓ ପ୍ରଶାସନିକସ୍ତରରେ ଏପର୍ଯ୍ୟନ୍ତ କୌଣସି ଆଲୋଚନା ହୋଇ ନାହିଁ। ସନ୍ଧ୍ୟାରେ ଆଞ୍ଚଳିକ କୃଷକ କଲ୍ୟାଣ କମିଟି, ପ୍ରୋଗ୍ରେସିଭ କଣ୍ଟାକ୍ଟ ୱାର୍କର୍ସ ୟୁନିୟନ ପକ୍ଷରୁ ପୂର୍ବତନ ଏମ୍ପି ବିଭୁପ୍ରସାଦ ତରାଇ ଏନେଇ ଲିଖିତ ଭାବେ ସୂଚନା ଦେଇଛନ୍ତି। ସେ ଦର୍ଶାଇଛନ୍ତି ଯେ, ଧାରଣା ଦୁଇଦିନ ଧରି ଚାଲିବା ସତ୍ତ୍ୱେ ପ୍ରଶାସନ ହସ୍ତକ୍ଷେପ ନ କରିବା ଦୁର୍ଭାଗ୍ୟଜନକ। ଶ୍ରମିକଙ୍କ ସର୍ବନିମ୍ନ ମଜୁରି ୨୫ ହଜାର ଟଙ୍କା କରିବା, ଠିକାକାମ ଓ ବ୍ୟବସାୟ କାମରେ ଜମିହରାଙ୍କୁ ଅଗ୍ରାଧିକାର ଦେବା ଆଦି ଦାବିରେ ଏହି ଧାରଣା ଦିଆଯାଇଛି। ଏନେଇ,ପ୍ରଶାସନ ପକ୍ଷରୁ ନିଷ୍ପତ୍ତି ନିଆଯିବ ବୋଲି ପିପିଏଲ୍ କମ୍ପାନୀ ପକ୍ଷରୁ କୁହାଯାଇଛି।
