ବଇଣ୍ଡା,୧୨।୩(ଡି.ଏନ.ଏ.)
ଅଖିଳ ଭାରତୀୟ ଗୋଣ୍ଡୱାନାର ଅନ୍ତଃରାଷ୍ଟ୍ରୀୟ ମହାଧିବେଶନ ଡିସେମ୍ବର ମାସରେ ଅନୁଷ୍ଠିତ ହେବ। ଏ ନେଇ ରବିବାର କିଶୋରନଗର ବ୍ଲକ ନାକିଚି ଡାକ ବଙ୍ଗଳା ପରିସରରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ଅନୁଗୋଳ ଜିଲା ସଭାପତି ସଦାଶିବ ନାୟକଙ୍କ ସଭାପତିତ୍ୱରେ ଅନୁଷ୍ଠିତ ବୈଠକରେ ମୁଖ୍ୟଅତିଥି ଭାବେ ପ୍ରଦେଶ ମହିଳା ଅଧ୍ୟକ୍ଷା ସୁକାନ୍ତିବାଳା ନାୟକ, ମୁଖ୍ୟବକ୍ତା ଭାବେ ପ୍ରଦେଶ ଅଧ୍ୟକ୍ଷ ମହେନ୍ଦ୍ର ନାୟକ, ଜିଲା ମହିଳା ସଭାପତି ଶୋଭାଙ୍ଗିନୀ ନାୟକ, ରାଜ୍ୟ ମହାସଚିବ ପ୍ୟାରୀମୋହନ ନାୟକ, ଚୂଡାମଣି ଧରୁଆ, ସୁଜାତା ନାୟକ, ବିଦ୍ୟାଧର ସିଂ ପ୍ରମୁଖ ଯୋଗ ଦେଇଥିଲେ। ଆଗାମୀଦିନରେ ଓଡ଼ିଶାରେ ହେବାକୁ ଥିବା ୫ଦିନିଆ ଅନ୍ତଃରାଷ୍ଟ୍ରୀୟ ଗୋଣ୍ଡୱାନା ମହାଧିବେଶନର ସଫଳ ରୂପାୟନ ଉପରେ ବୈଠକରେ ଆଲୋଚନା ହୋଇଥିଲା। ଏଥିରେ ଗୋଣ୍ଡ ସଂସ୍କୃତି ଉପରେ ଖ୍ୟାତି ଅର୍ଜନ କରିଥିବା ବିଭିନ୍ନ ଦେଶର ବ୍ୟକ୍ତିବିଶେଷ ଯୋଗଦେବାର କାର୍ଯ୍ୟକ୍ରମ ରହିଛି। ବୈଠକରେ କେନ୍ଦୁଝର, ଢେଙ୍କାନାଳ, ବୌଦ୍ଧ, କଳାହାଣ୍ଡି, ସମ୍ବଲପୁର, କନ୍ଧମାଳ, ଝାରସୁଗୁଡା, ବରଗଡ଼, ସୋନପୁର, ବଲାଙ୍ଗୀର, ନୂଆପଡା ଆଦି ୨୦ ଜିଲାରୁ ସଦସ୍ୟମାନେ ଯୋଗ ଦେଇଥିଲେ।
