ଗୋପରେ ପ୍ରାକୃତିକ ଗ୍ୟାସ୍‌, ପେଟ୍ରୋଲର ସନ୍ଧାନ: ୧୬ ଏକର ଜମିରେ ଆରମ୍ଭ ହେବ କାମ

ଗୋପ, ୧୧ା୪(ଡି.ଏନ୍‌.ଏ): ପୁରୀ ଜିଲା ଗୋପ ବ୍ଲକ ଅଧୀନ ଗୋପ ପଞ୍ଚାୟତର କୁଶୁପୁର ଏବଂ ମହଲପଡ଼ା ପଞ୍ଚାୟତର ଚିତ୍ରା ଗାଁରେ ପ୍ରାକୃତିକ ଗ୍ୟାସ୍‌ ଓ ତୈଳର ସନ୍ଧାନ ମିଳିଛି। ସାଟେଲାଇଟ ଚିତ୍ର ଏବଂ ଅଏଲ୍‌ ଇଣ୍ଡିଆର ସେସମିକ୍‌ ସର୍ଭେରୁ ଏହା ଜଣାପଡ଼ିବା ପରେ ଗୋପ ଅଞ୍ଚଳରେ ଖୁସିର ଲହରି ଖେଳିଯାଇଛି। ଏହାଦ୍ୱାରା ବିଶ୍ୱରେ ଗୋପ ବ୍ଲକ ପରିଚିତ ହେବା ସହ ସ୍ଥାନୀୟ ଅଞ୍ଚଳବାସୀଙ୍କ ପାଇଁ ନିଯୁକ୍ତି ସୁଯୋଗ ସୃଷ୍ଟି ହେବ ବୋଲି ସାଧାରଣରେ ମତ ପ୍ରକାଶ ପାଇଛି। ସୂଚନାଯୋଗ୍ୟ, ୨୦୨୦ରେ ଅଏଲ ଇଣ୍ଡିଆ କମ୍ପାନୀ ପକ୍ଷରୁ ଗୋପ ବ୍ଲକ ଅଞ୍ଚଳ ସହିତ କୋଣାର୍କ ଏନ୍‌ଏସି ଅଞ୍ଚଳର ବିଭିନ୍ନ ସ୍ଥାନରେ ପ୍ରାକୃତିକ ଗ୍ୟାସ୍‌ ଓ ତୈଳ ଥିବା ସମ୍ଭାବନା ନେଇ ଖନନ କାର୍ଯ୍ୟ କରାଯାଇଥିଲା। ବିଭିନ୍ନ ସମୟରେ ଅଏଲ ଇଣ୍ଡିଆ କମ୍ପାନୀର ଅଧିକାରୀମାନେ ଆସି ବୁଲି ଦେଖିଥିଲେ। ପରେ ଗୋପ ପଞ୍ଚାୟତର କୁଶୁପୁର, ମହଲପଡ଼ା ପଞ୍ଚାୟତର ଚିତ୍ରା ଅଞ୍ଚଳରେ ପ୍ରଚୁର ପରିମାଣର ପ୍ରାକୃତିକ ଗ୍ୟାସ ସହିତ ତୈଳ ରହିଥିବା ସାଟେଲାଇଟ ଚିତ୍ର ମାଧ୍ୟମରୁ ଜଣାପଡ଼ିଥିଲା। ମାର୍ଚ୍ଚ ୨୫ରେ ଅଏଲ ଇଣ୍ଡିଆର ୮ଜଣିଆ ଟିମ୍‌ ଗୋପ ବ୍ଲକର ଉକ୍ତ ୨ଟି ପଞ୍ଚାୟତରେ ପହଞ୍ଚି ଜନପ୍ରତିନିଧି ଓ ଗ୍ରାମବାସୀଙ୍କ ସହ ଆଲୋଚନା କରିଥିଲେ। ସାଟେଲାଇଟ ଚିତ୍ରରୁ ଗୋପ ବ୍ଲକର ସମ୍ପୃକ୍ତ ସ୍ଥାନରେ ଗ୍ୟାସ୍‌ ଓ ତୈଳ ଥିବା ସ୍ପଷ୍ଟ ହେବା ପରେ ଶନିବାର ଅଏଲ ଇଣ୍ଡିଆର ସିଜିଏମ୍‌ ବିରଞ୍ଚି ନାରାୟଣ ସାହୁଙ୍କ ନେତୃତ୍ୱରେ ଏକ ୬ଜଣିଆ ଟିମ୍‌ ଉକ୍ତ ଦୁଇଟି ସ୍ଥାନରେ ପହଞ୍ଚି ଚାଷୀ ଓ ସ୍ଥାନୀୟ ଲୋକପ୍ରତିନିଧିଙ୍କ ସହ ଆଲୋଚନା କରିଛନ୍ତି। ଉକ୍ତ ଦୁଇ ଗ୍ରାମର ୧୬ ଏକର ଜମି ଲିଜ୍‌ ନିଆଯାଇ ଖୁବ୍‌ଶୀଘ୍ର ଏଠାରେ କାର୍ଯ୍ୟ ଆରମ୍ଭ ହେବ ବୋଲି ଏହି ଟିମ୍‌ ପକ୍ଷରୁ କୁହାଯାଇଛି।

ଏମାନେ ଯାହା କହନ୍ତି…

ସେସ୍‌ମିକ୍‌ ସର୍ଭେ ସଫଳ, ଖୁବ୍‌ଶୀଘ୍ର କାମ ଆରମ୍ଭ ହେବ
ଗୋପ ବ୍ଲକ ଅଞ୍ଚଳରେ କିଛି ମାସ ତଳେ ତୈଳ, ପ୍ର୍ରାକୃତିକ ଗ୍ୟାସ ଥିବା ନେଇ ଅଏଲ୍‌ ଇଣ୍ଡିଆ ପକ୍ଷରୁ ଖନନ କାର୍ଯ୍ୟ ଚାଲିଥିଲା। ସେହିଦିନଠାରୁ ଚାଲିଥିବା ବିଭିନ୍ନ ଅନୁଧ୍ୟାନ ପରେ ସେସମିକ୍‌ (ପ୍ରାକୃତିକ ଗ୍ୟାସ ଓ ଇନ୍ଧନ ସନ୍ଧାନ ସର୍ଭେ) ସଫଳ ହୋଇଛି। କୁଶୁପୁରରେ ୭୫ ପ୍ରତିଶତରୁ ଅଧିକ ଓ ମହଲପଡ଼ାର ଚିତ୍ରାରେ ୪୦ ପ୍ରତିଶତରୁ ଅଧିକ ପ୍ରାକୃତିକ ଗ୍ୟାସ ସହ ତୈଳ ରହିଛି। ପ୍ରଥମ ପର୍ଯ୍ୟାୟରେ ଏହି ଦୁଇ ଗ୍ରାମର ୧୬ ଏକର ଚାଷଜମି ଲିଜ୍‌ ନିଆଯାଇ କାର୍ଯ୍ୟ ଆରମ୍ଭ କରାଯିବ। ଏଥିସହ ଆବଶ୍ୟକ ରାସ୍ତା, ପିଇବା ପାଣି ସହିତ ଅନ୍ୟାନ୍ୟ କାର୍ଯ୍ୟ ହେବ। ୩ ବର୍ଷ ପାଇଁ ଚାଷୀମାନଙ୍କ ଚାଷଜମିକୁ କମ୍ପାନୀ ଲିଜ୍‌ ନେବ।
– ବିରଞ୍ଚି ନାରାୟଣ ସାହୁ, ସିଜିଏମ୍‌, ଅଏଲ ଇଣ୍ଡିଆ
ବିଶ୍ୱ ଦରବାରରେ ଗୋପ ବ୍ଲକ ପରିଚିତ ହେବ
ଅଏଲ୍‌ ଇଣ୍ଡିଆ କମ୍ପାନୀ ପକ୍ଷରୁ ଏହି ପ୍ରାକୃତିକ ଗ୍ୟାସ ସହିତ ତୈଳର ସନ୍ଧାନ ମିଳିବା ଏବଂ ପ୍ରାଥମିକ ସ୍ତରରେ ଚାଷୀ ଓ ଲୋକ ପ୍ରତିନିଧିଙ୍କ ସହ ବିଭିନ୍ନ ଆଲୋଚନା ହେବା ନିଶ୍ଚିତ ଆମ ଅଞ୍ଚଳ ଲାଗି ଖୁସିର ଖବର। ଏହା ଯଦି ସତ ହୁଏ ମୋ’ ନିର୍ବାଚନମଣ୍ଡଳୀରେ ଥିବା ଗୋପ ବ୍ଲକର ନାଁ ବିଶ୍ୱ ଦରବାରରେ ପରିଚିତ ହେବା ସହ ସ୍ବର୍ଣ୍ଣାକ୍ଷରରେ ଲିପିବଦ୍ଧ ହୋଇପାରିବ।
– ସମୀର ରଞ୍ଜନ ଦାଶ, ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ତଥା ନିମାପଡ଼ା ବିଧାୟକ
ସମସ୍ତ ସହଯୋଗ ଯୋଗାଇ ଦିଆଯିବ
ମୋ’ ପଞ୍ଚାୟତରେ ଅଏଲ୍‌ ଇଣ୍ଡିଆ ପକ୍ଷରୁ ଖନନ କାର୍ଯ୍ୟ ପରେ ଗ୍ୟାସ୍‌ ସହିତ ପେଟ୍ରୋଲ ବାହାରିବ ବୋଲି ଶୁଣିଲି। ଗତ ଶନିବାର ମଧ୍ୟ ଆମ ପଞ୍ଚାୟତ କାର୍ଯ୍ୟାଳୟରେ ଅଏଲ୍‌ ଇଣ୍ଡିଆ ଅଧିକାରୀମାନେ ପହଞ୍ଚି ଚାଷୀ ଓ ଲୋକପ୍ରତିନିଧିଙ୍କ ସହ ଆଲୋଚନା କରିବା ପରେ ସମସ୍ତ ସହଯୋଗ ସେମାନଙ୍କୁ ଯୋଗାଇ ଦିଆଯିବ ବୋଲି ପ୍ରତିଶ୍ରୁତି ଦେଇଛି। ଏହା ଆମ ବ୍ଲକ ଲାଗି ଗର୍ବ ଓ ଗୌରବ।
– ସୁଲୋଚନା ଦାସ, ସରପଞ୍ଚ, ଗୋପ ପଞ୍ଚାୟତ
ଆମ ରାଜ୍ୟବାସୀଙ୍କ ପାଇଁ ଖୁସି ଖବର
ଆମ ବ୍ଲକ, ଜିଲା ଓ ରାଜ୍ୟ ଲାଗି ଏହା ଏକ ଖୁସି ଖବର। ପିଲାବେଳୁ ଶୁଣିଛି ଗୋପ ବ୍ଲକ ଅଞ୍ଚଳର କେତେକ ଗାଁରେ ନଳକୂପ ଖନନ ସମୟରେ ଗ୍ୟାସ୍‌ ବାହାରୁଛି। ଆଜି ଏହି ଖବର ସତ ହୋଇଛି। ଆମ ଅଞ୍ଚଳ ଲାଗି ଏହା ଏକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ।
– ଧର୍ମେନ୍ଦ୍ର ସାହୁ, ୧୨ ନଂ. ଜୋନ୍‌ ଜିଲା ପରିଷଦ ସଦସ୍ୟ
ବିକାଶ ସହ ନିଯୁକ୍ତି ସୁଯୋଗ ସୃଷ୍ଟି ହେବ
ସମ୍ପୃକ୍ତ ସ୍ଥାନରେ ମୋ’ ଚାଷଜମି ଥିବାରୁ ମୋତେ ଅଏଲ୍‌ ଇଣ୍ଡିଆ କମ୍ପାନୀ କର୍ତ୍ତୃପକ୍ଷ ଡାକି ସମୂହ ଚାଷୀଙ୍କ ସହିତ ଆଲୋଚନା କରିଥିଲେ। ଏହି ପ୍ରକଳ୍ପ ଦ୍ୱାରା ଆମ ଅଞ୍ଚଳରେ ବିକାଶ ସହ ନିଯୁକ୍ତି ସୁଯୋଗ ସୃଷ୍ଟି ହେବ। ଆମ ଅଞ୍ଚଳର ପିଲାମାନେ କାମଧନ୍ଦା ପାଇଁ ଆଉ ବାହାର ରାଜ୍ୟକୁ ଯିବେ ନାହିଁ। ତେଣୁ ମୁଁ ଉକ୍ତ କାର୍ଯ୍ୟରେ ସମସ୍ତ ସହଯୋଗ କରିବି।
– ଶେଖ୍‌ ମେହେବୁବ୍‌ ହୋସେନ୍‌, ଚାଷୀ, ଗୋପ
ଆବଶ୍ୟକ ସହଯୋଗ କରିବୁ
ମୋ’ ଗାଁ ନିକଟରେ ଅଏଲ୍‌ ଇଣ୍ଡିଆ କମ୍ପାନୀ ପକ୍ଷରୁ ଗ୍ୟାସ୍‌, ତୈଳ ବାହାରିବା ନେଇ ଜମି ଅଧିଗ୍ରହଣ କରାଯାଇଛି। ସେଥିମଧ୍ୟରେ ମୋ’ ଜମି ରହିଛି। ନିଶ୍ଚିତ ଭାବେ ଆମ ଅଞ୍ଚଳ ଲାଗି ଏହା ଖୁସିର ଖବର। ଓ୍ବାର୍ଡ ପ୍ରତିନିଧି ଭାବେ ମୁଁ ସହଯୋଗ ଯୋଗାଇଦେବି।
– ଜ୍ୟୋତ୍ସ୍ନାରାଣୀ ପୃଷ୍ଟି,
ଗୋପ ବଣିଆସାହି


Enter your email to get our daily news in your inbox.

All Right Reserved By Dharitri.Com

ଆଜି ବି ୬ ହଜାର ଉପରେ ରହିଛି ଆକ୍ରାନ୍ତଙ୍କ ସଂଖ୍ୟା: ଖୋର୍ଦ୍ଧାରୁ ସର୍ବାଧିକ

ଭୁବନେଶ୍ୱର,୨୯।୪(ବ୍ୟୁରୋ): ରାଜ୍ୟରେ କରୋନା ମହାମାରୀ ପ୍ରତିଦିନ ରେକର୍ଡ ଭାଙ୍ଗୁଛି। ଗୁରୁବାର ରାଜ୍ୟରେ ୬୯୯୮ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଅପରପକ୍ଷେ, ଲଗାତାର କିଛି ଦିନ ଧରି...

କରୋନା ସହାୟତା: ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିକୁ ୨୫ହଜାର ଟଙ୍କା ପ୍ରଦାନ

କେସିଙ୍ଗା, ୨୨।୪(ଡି.ଏନ୍‌.ଏ.): କଳାହାଣ୍ଡି ଜିଲା କେସିଙ୍ଗା ବ୍ଲକ ଅନ୍ତର୍ଗତ ତୁର୍ଲାଖମନ ପଞ୍ଚାୟତ ଅଧୀନ ଲିମଗାଁରେ ଥିବା ଦୀପ୍ତିଦାନ ଚର୍ଚ୍ଚ ପକ୍ଷରୁ ୨୫ ହଜାର ଟଙ୍କା ମୁଖ୍ୟମନ୍ତ୍ରୀ...

ରାତ୍ରକାଳୀନ କର୍ଫ୍ୟୁରେ ହେବନି କୋହଳ: ରାଜ୍ୟରେ ସନ୍ଧ୍ୟା ୭ରୁ ସକାଳ ୭ ଯାଏ ବଳବତ୍ତର

ଭୁବନେଶ୍ୱର,୧ା୬(ବ୍ୟୁରୋ): ଦିନକୁ ଦିନ କରୋନା ଆକ୍ରାନ୍ତଙ୍କ ସଂଖ୍ୟା ବଢୁଥିବାରୁ ରାଜ୍ୟ ସରକାର ଏହାକୁ ରୋକିବା ପାଇଁ କଡ଼ା ପଦକ୍ଷେପ ଗ୍ରହଣ କରିଛନ୍ତି। କେନ୍ଦ୍ର ସରକାର ଜୁନ୍‌...

ରୁଦ୍ରପୁର ଗୋଷ୍ଠୀ ସଂଘର୍ଷ ଘଟଣା: ପୋଲିସର କାର୍ଯ୍ୟଧାରାକୁ ନେଇ ଥାନା ଘେରିଲା ଭାଜପା ମହିଳା ମୋର୍ଚ୍ଚା

ବିଞ୍ଝାରପୁର,୫ା୧୨(ଡି.ଏନ୍‌.ଏ): ବିଞ୍ଝାରପୁର ଥାନା ଅନ୍ତର୍ଗତ କଲ୍ୟାଣପୁର ପଞ୍ଚାୟତ ରୁଦ୍ରପୁର ଗ୍ରାମରେ ସୋମବାର ସନ୍ଧ୍ୟାରେ ରାଜନୈତିକ ବିବାଦରୁ ସଂଘଠିତ ଗୋଷ୍ଠୀ ସଂର୍ଘଷ ଘଟଣାରେ ପୋଲିସର କାର୍ଯ୍ୟଧାରାକୁ ନେଇ...

ତରଭା ବ୍ଲକ କାର୍ଯ୍ୟାଳୟ ଶଟ୍‌ଡାଉନ

ତରଭା,୧୩ା୮(ଡି.ଏନ.ଏ.)  ସୁବର୍ଣ୍ଣପୁର ଜିଲାପାଳ ମୋନିଷା ବାନାର୍ଜୀଙ୍କ ନିର୍ଦ୍ଦେଶକ୍ରମେ ବୁଧବାର ତରଭା ବ୍ଲକ କାର୍ଯ୍ୟାଳୟକୁ ୨୪ ଘଣ୍ଟା ପାଇଁ ଶଟ୍‌ଡାଉନ ଘୋଷଣା କରାଯାଇଛି। ଏଥିସହିତ ବ୍ଲକ କାର୍ଯ୍ୟାଳୟର...

ଆଜିଠୁ ପଟିଦିଅଁଙ୍କ ଦର୍ଶନ

ପୁରୀ ଅଫିସ,୧୮।୬: ଦେବସ୍ନାନ ପୂର୍ଣ୍ଣିମାରେ ମହାପ୍ରଭୁ ସ୍ନାନମଣ୍ଡପରେ କରିଛନ୍ତି ସ୍ନାନ। ୧୦୮ ଗଡ଼ୁ ଅଭିମନ୍ତ୍ରିତ ଜଳରେ ସ୍ନାନକରି ଜ୍ୱରରେ ପୀଡ଼ିତ ହୋଇ ଚତୁର୍ଦ୍ଧାବିଗ୍ରହ ଏବେ ଅଣସର...

ଶ୍ରେଷ୍ଠ ୨୦୧+ ବିଶ୍ୱବିଦ୍ୟାଳୟ ତାଲିକାରେ କିଟ୍ ‌

ଭୁବନେଶ୍ୱର,୨୩।୪(ବ୍ୟୁରୋ): ଟାଇମ୍ସ ହାୟର ଏଜୁକେଶନ ଇମ୍ପାକ୍ଟ ର଼୍ୟାଙ୍କିଙ୍ଗ-୨୦୨୧ ପ୍ରକାଶ ପାଇଛି। ବିଶ୍ୱର ଶ୍ରେଷ୍ଠ ବିଶ୍ୱବିଦ୍ୟାଳୟ ମଧ୍ୟରେ କିଟ୍‌ ବିଶ୍ୱବିଦ୍ୟାଳୟ ସ୍ଥାନ ପାଇଛି। ପୂର୍ବବର୍ଷ କିଟ୍‌ ସାମଗ୍ରିକ...

ଲିଫ୍ଟ ଇରିଗେଶନ ଅଫିସ ନିକଟ ଧାନ ଜମିରୁ ମିଳିଲା ଦୁଇ ଯୁବକଙ୍କ ମୃତଦେହ

ଗୁଣପୁର,୧।୧୦(ଡି.ଏନ୍‌.ଏ.): ରାୟଗଡା ଜିଲା ଗୁଣୁପୁର ଥାନା ଲିଫ୍ଟ ଇରିଗେଶନ ଅଫିସ ନିକଟରେ ଥିବା ଧାନ ଜମି ଭିତରୁ ଦୁଇ ଜଣ ଯୁବକଙ୍କ ମୃତଦେହ ଉଦ୍ଧାର କରାଯାଇଛି।...

Advertisement
Archives

Model This Week