ଦୁବାଇ,୧୧।୧୦: ଆଇପିଏଲ୍ ୨୦୨୧ର ପ୍ରଥମ ଯୋଗ୍ୟତା ପର୍ଯ୍ୟାୟରେ ଚେନ୍ନାଇ ସୁପର କିଙ୍ଗ୍ସ (ସିଏସକେ) ଦିଲ୍ଲୀ କ୍ୟାପିଟାଲ୍ସ (ଡିସି)କୁ ପରାସ୍ତ କରି ଫାଇନାଲରେ ପ୍ରବେଶ କରିଛି। ଏହି ମ୍ୟାଚ ଜିତିବା ପରେ ଫିନିସର ମହେନ୍ଦ୍ର ସିଂ ଧୋନୀ ସୋସିଆଲ ମିଡିଆରେ ପ୍ରାଧାନ୍ୟ ବିସ୍ତାର କରିଛନ୍ତି। ଧୋନୀ ଏହି ମ୍ୟାଚରେ ଚୌକା ମାରି ମ୍ୟାଚ ଶେଷ କରିବା ମାତ୍ରେ ଦୁବାଇ ଷ୍ଟାଡିୟମରେ ଉପସ୍ଥିତ ଥିବା ଏକ ଛୋଟ ଝିଅ ତାଙ୍କ ମାଆଙ୍କୁ ଆଲିଙ୍ଗନ କରିବା ପରେ କାନ୍ଦିବାକୁ ଲାଗିଥିଲେଲା। ଏହି ଝିଅର କାନ୍ଦୁଥିବା ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
ମ୍ୟାଚ ସମୟରେ ଝିଅଟି ଉତ୍ସାହର ସହିତ ସିଏସକେକୁ ସମର୍ଥନ କରୁଥିବା ଦେଖିବାକୁ ମିଳିଥିଲା। ମ୍ୟାଚ୍ ରୋମାଞ୍ଚକ ସ୍ଥିତିରେ ଥିବାବେଳେ ଝିଅଟି ମୁହଁରେ ଟେନସନ ସ୍ପଷ୍ଟ ଦେଖାଯାଉଥିଲା, କିନ୍ତୁ ଧୋନୀ ଚୌକା ମାରି ଦଳକୁ ବିଜୟ ଦେବା ମାତ୍ରେ ଝିଅଟି କାନ୍ଦିଥିଲେ। ମ୍ୟାଚ ପରେ ଧୋନୀ ଝିଅଟିକୁ ଏକ ବିଶେଷ ଉପହାର ଦେଇଛନ୍ତି, ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଧୋନୀ ମ୍ୟାଚ ବଲରେ ନିଜର ଦସ୍ତଖତ ଦେଇ ସେହି ପ୍ରଶଂସକଙ୍କୁ ଦେଇଥିଲେ। ଏହା ଦେଖି ପ୍ରଶଂସକ ଧୋନୀଙ୍କୁ ବେଶ୍ ପ୍ରଶଂସା କରଛନ୍ତି।
Dhoni is not just a name & he is not just a Cricketer
A emotion of Billions @msdhoni 🥺❤ pic.twitter.com/DQrKUzTuTD
— தல ViNo MSD 5.0 🤘 (@KillerViNooo7) October 11, 2021